JO:N 8:14 - ANU LUGOD N. T. (BSI)

¹⁴ Jisubv lubito, “Ngok avkc agomcm lukanbidaggomci ngok lukanbinamdc arro, kapcnc ngo kinsudag ngo okolokkc gvdu:ji odokkc ngo okolopc gvdagji, cmpige:la nolu okolokkc gvdu:song cdcmanggom okolopc gvycsong ngo kinmang.

JO:N 8:14 ပူးပေါင်းရင်းမြစ်များ

JO:N 10:15

Abudbv ngom kapc kindagji odokkc ngo Abudcm kindag; odokkc ngok turnamcm bera soben kvdv:dok lcga:pc tolvgdag.

JO:N 10:36

nolu ludonci Bvm sc:kom Abudc bipaktonc mo:pvso:pc mclvgtonc, ‘no aima:pc lugcgcdung,’ ngok lunam lcgangc, ‘Ngo Ru:ncpvnckc Awodc cmna?’

JO:N 13:3

Jisubv, Abudc Bvk alagdo appvngcm bitung cmna kinna:yam, odokkc Bv:jc Ru:ncpvnckotokkc gvnnc odokkc Ru:ncpvnckoto:pc gvdagku cmna,

JO:N 14:10

Nolu mc:jvgma:nci jc ngo Abudo du:mvndung odokkc ngok Abudc ngokkolo du:mvndung cmna? Ngok nolum lunam agomkvdv:dc ngok avkc ilang gvlangki lumang; cmpige:la cdc Abudc sc:kobv ngokkolo du:dagnc Bvk agercm Bv gerdag.

JO:N 16:28

Ngo Abukotokkc gvdung odokkc rcngamso:pc gvdung; lckoda, ngo rcngamscm mcpakdu:bong odokkc Abukoto:pc gvdagkkubong.”

JO:N 17:8

kapila:nc ngo bulum agomkvdv:dcm bitobong okodcm no ngom bitoji, odokkc bulu cdcmbulum torvgsutobong odokkc aropc kindag jc ngo nokkolokkc gvdung; odokkc bulu mc:jvgtobong jc no ngom mclvgtag.

JO:N 18:37

Pilatbv Bvm luto, “Cdcmpcmvlo no migomci?” Jisubv lubito, “No:na ludagnc ngo:jc migomkonc cmna. Kapila:nc scmpc ngom onamai, odokkc sok lcgangcna ngo rcngamso:pc gvdu:nc, okodok lcgngc lukanko lubikapc. Sc:kobvi arodokkcnc ngok gomugcm taddag.”

JO:N 5:31

“Ngo avkc agomcm avyc lukansubimvlo, ngok lukansubinamdc aroma:yc;

JO:N 8:42

Jisubv bulum lubito, “Ru:ncpvncbv noluk Abuya:mvlo, nolu ngom aipc mc:ya:pc, kapcnc ngo Ru:ncpvnc kolokkc lennc odokkc gvnnc; ngo avkc mcngkampc gvmang, cmpige:la Bv ngom mclvgtung.

2 KORINTIANGKVDVNG 11:31

Ru:ncpvncdc odokkc Ru:tum Jisukc Abudc, sc:kobv lo:dv:pc akirba:d pa:ncnc, kindag jc ngo lume:ycm lumang.

2 KORINTIANGKVDVNG 12:11

Ngo monba:-ba:ncpc dungai! Nolu cdcmpc imoto, kapila:nc ngo nolukkokki aidag cmna lukosupcnammai. Kapcnc ngo kapcsin sc bottcya:nc mclvgla ager gernamkvdv:scm adji:ya:ncmang.

2 KORINTIANGKVDVNG 12:19

Siddv longcko ngolukkc gvmurc kamang cmna yaddung cmnai mc:du:n? Cdc Ru:ncpvnckc kangkolo:jc ngolu Kristokolo agom ludung, odokkc nolum appvngcm aimopc cmna:mvn aipc mc:bomsunam kvdvnga.

LUNGOR LUNAM 1:5

odokkc Jisu Kristokolokkc cdc mc:jvg jvrvgnc lukanbincdc, sinckvdv:dok opongarnamdc, odokkc mo:pvsok migomkvdv:dcm ka:sv:mosv:ncdc.

LUNGOR LUNAM 3:14

“Odokkc Laodikia mondoli:dok taycng among lutad luncdo:pc adtoka: ced A:mendok agomkvdv:dcm cdc mc:jvg jvrvgncdokkc odokkc aro lukanbincdokkcm, cdc Ru:ncpvnckc ru:lenamdokkc.