JO:N 7:39 - ANU LUGOD N. T. (BSI)

³⁹ Cdcmpc Bv cdcm Yalodok agomcm luto, sc:kobulu Bvm mc:jvgdagnc torvgsupcnammai; kapila:nc Yalodcm odosin bimangada, lcga:dc Jisumc odosin amin gvmomangada.

JO:N 7:39 ပူးပေါင်းရင်းမြစ်များ

AGER KVDVNG 2:17

‘Odokkc gvngab longcdo cdcmpc iyc Ru:ncpvncbv luto, jc Ngok Yallom ngo tani: opvn appv:lo to:rumlvgyc, odokkc noluk awokvdv:dc odokkc noluk omckvdv:dc lungor agomcm lugo:yc, odokkc noluk ya:me ko:kvdv:dc kangorcm ka:yc.

AGER KVDVNG 2:33

Cdcmpila Ru:ncpvnckc lagbvg alakdo:pc la:sa:langkula:yam, odokkc Abudokkcm Angunnc Yalodok pesubinamdcm pa:la:yam, Bv scm to:lvgtag okodcm nolu ka:begdu:nc odokkc tadbegdu:nc.

AGER KVDVNG 2:4

Odo bulu appvdc Angunnc Yalodc bingkang odokkc angu angu agomcm lurobbomkang, Yalodc bulum lunamdcmpci.

JO:N 16:7

Cdcmpidaggom imanggom ngo nolum lubidung: Cdc nolukkcpc idag jc ngo gvdagku, kapila:nc ngo gvkumvlo, Luyirncdc nolukkolo:pc gvyc; cmpige:la ngo gvkumvlo, Bvm ngo nolukkolo:pc mclvgbiyc.

JO:N 12:16

Bvk agom tadjvgla gvmvnnc tani:kvdv:dc cdcm tada:danna tadkintomang; cmpige:la Bvm cdvlo Jisumc amin gvmotonc, odo bulu mc:patoku jc cdc Bvk agomcm adtungai odokkc Bvm gerbito.

ROMANKVDVNG 8:9

Cmpige:la nolu adin amvrdo du:mang, nolu Yalodo dung, jodi aropakpc nolukkolo Ru:ncpvnckc Yalodc du:mvlo. Sc:kkci Kristokc Yalodc kama:ji Bvkkcmang.

AGER KVDVNG 2:38

Odo Pitorbv bulum luto, “Asinc mc:dvrra mc:latsutokuka, odokkc noluk appvngc Jisu Kristokc aminno baptismongcm la:tok noluk pa:pkvdv:dcm mc:yinsunam lcgangc; odokkc nolu Angunnc Yalodok amandcm pa:yc.

JO:N 20:22

Odokkc Bv cdvlo cdcmpc lutonc, Bv bulum ngalvgla luto, odokkc bulum luto, “Angunnc Yalodcm torvgsutoka.

JO:N 12:23

Odokkc Jisubv bulum lubito, “Tani:kc Awodokkc amin gvmonanc ayirdc pvnga:du:bong.

IPESIANG KVDVNG 4:30

Odokkc Ru:ncpvnckc Angunnc Yalodcm mc:nying moyoka, sckkolo nolum muworcm tubjettagji motunam longcdok lcgangc.

2 KORINTIANGKVDVNG 3:8

Yalodok adla lc:nam agomdc cdcmyam unjvgya:pc lcngkansuma:yclang?

AGER KVDVNG 4:31

Odokkc cdvlo bulu kumtoji, bulu oko mo:tagdo gvkumsukaji yonkukkang; odokkc bulu Angunnc Yalodokki bingkang odokkc Ru:ncpvnckc agomdcm asinang pvtala luto.

AGER KVDVNG 3:13

Abrahamkc Ru:ncpvncdc odokkc Isahakkcdc odokkc Jakobkcdc, ngoluk abubulum Ru:ncpvncdc, bvk ager gerya:nc Jisumc amincm gvmoto sc:kom nolu topaklvgtonc, bv cdvlo Bvm mclennvgkupc cmna mc:tungaji.

JO:N 17:5

odokkc su:pak, Abba, no ngom amincm gvmoteika nok ka:de:pc nok lcdulo du:mvndodcm oko amin gvbokanc cdcmpinc amincm mo:pvscm ru:ma:dapci gvnamdokki.

JO:N 14:13

Okkomci ngok aminno nolu ka:ycnc, ngo cdcm ibiyc, Abudc:jen Awodo aminc gvycpc cmna;

JO:N 7:12

Odokkc tani:kvdv:dok ara:lo Bvk agomc kvnggv:pc ngombu:la ngomkang. Akke luto, “Bv ainc tani:ko,” akke luto, “Ma, Bv tani:kvdv:dcm yadngula gvbokang.”

JO:N 6:14

Cdvlo tani:kvdv:dc cdc kanggod lcngkannamdcm ka:toji, bulu luto, “Sc:ru:bongkc aropakpc mo:pvso:pc gvpcnc lungor luncdc!”

JO:N 1:33

Ngo avycsinci Bvm kinmangai; cmpige:la sc:kobv ngom asilo baptismo bita:ka cmna mclvgtonc ngom luto, ‘Bv sckkc tayc:lo Yalodcm dcnggabla du:dopc ka:begycji, sc:na Bv sc:ko Angunnc Yalokokki Baptismo Bincdc.’

JO:N 1:25

Bulu Bvm tawuto, “Cmpcmlo Kapila no baptismongcm bidu:n, no Kristobv:ma:mvlosin, Elija:bv:sin ma:mvlo, lungor luncdc:sin ma:mvlo?”

JO:N 1:21

Odo bulu bvm tawuto, “Okkon cmpcmvlo? No Elija:bvi?” Bv luto, “Ngo bv:mang.” “No lungor luncdci?” Odo bv lubisuto, “Ma:”

LU:KKC 24:49

Odokkc ka:toka, ngo ngok Ba:bukc pesula lunamcm nolukkolo tolvgdung; cmpige:la sc nogorso du:tedpo:toka, nolum tayc:tokkc ilang gvla:nanncm moru:lvgma:sisscm.”

LU:KKC 7:16

Odo appvngc pcssamkang; odokkc bulu Ru:ncpvncmc aipai cmto, scmpc lula, “Bottcru:nc lungorluncko ngoluk ara:so lenkang!” Odokkc “Ru:ncpvncbv Bvk tani:kvdv:dcm kangkapc gvito!”

LU:KKC 3:16

Jo:nbv bulu appv:dcm lubito, “Ngo nolum asilo baptismongcm bidung; cmpige:la ngom sc:kobv kvnggv:ya:dagnc cdc, sck panoti:lok rvbbcmsinci ngo sarbila:pcncpc arc kama:nc; Bv nolum Angunnc Yalodokki odokkc vmvkokki Baptismongcm biyc.

METIU 16:14

Odokkc bulu luto, “Akke ludag Jo:n Baptismo bincbv, akedc ludag Elija:bv, odokkc akedc Jeremia:bv:manggom Ru:ncpvnckc agom lungornckvdv:dok akonc.” Bv bulum luto.

JO:N 14:26

Cmpige:la cdc Luyirncdc, Angunnc Yalodc, sc:kom cdc Abudc ngok aminno mclvgycnc, bv nolum appvng agom luyiryc, odokkc ngok lunam agom appv:dcm nolum mc:pangammoycku.

METIU 21:11

Odo yadkunsunc tani:kcrc:dc luto, “Galilolok Najaretdokkc Ru:nckc agom lungorbinc Jisubv sc:na.”

JO:N 8:54

Jisubv lubito, “Ngo avyc amincm gvmosumang, ngok amin gvnamdc okkosinmang, cdc ngok Abudc:mvn sc:ko ngom amin gvmotoji, sc:kobvm noluk Ru:ncpvncbv cmdu:ji.

JO:N 16:14

Bv ngom amincm gvmoyc, kapila:nc Bv okodc ngokkcnc la:yc odokkc cdcm nolum lukanna lubiyc.

JO:N 17:1

Jisubv cdvlo cdc agomkvdv:dcm lutoji, Bvk amigcm Bv bcrsa:la taycng amo:pc ka:to odokkc luto, Abba, ayirdc pvngangka:bong; nok Awodcm amincm gvmotobongka Awodc:jen nom amin gvmoycpc,

AGER KVDVNG 19:2

Odokkc bv bulum luto, “Nolu mcjvgdodcm Angunnc yalodcm pa:tungayc?” Odo bulu luto, “Ma:, ngolu cdvlosin Angunnc yaloko dung cmna tadkvsincimang.”