JO:N 7:37 - ANU LUGOD N. T. (BSI)

³⁷ Dopun dojardcm dongapdo longcdo, bottaru:nc longcdo, Jisubv dagrobto odokkc bottcpc lugo:bito, “Sc:koiyc tv:lv:dagmvlo, bvm ngokkolo:pc mca:lvgtoka odokkc tv:motoka.

JO:N 7:37 ပူးပေါင်းရင်းမြစ်များ

METIU 11:28

“Ngokkolo:pc gva:toka, appvngc sc:kobulu airu:pc mc:dvrra mc:tapsula du:nckvdvnga, odokkc ngo nolum mc:rasukkom biyc.

METIU 3:3

Kapila:nc sc bv sc:kok agomcm agom lungorla lunc tani: Isaia:bv lutaganc, “yumrangolo jc:la du:nc tani:kolok agomdc scmpc: Ru:tumkc lambcm mopu:toka, Bvk lambckvdv:dcm yvg cmmotoka.”

METIU 5:6

“Ru:ncpvnckc agomdcmpc inam gvnam lcgangc kcno:nc odokkc tv:lv:nckvdv:dc, aipc luitpcnamc, kapila:nc bulu dotvng tv:tvngyc.

JO:N 1:23

Bv luto, “Ngo:na yumrangolo jc:la gogncdc, ‘lungor lunc Isaya:bv lunamdcmpc Ru:tumkc’ lambcdcm yvg cmmotoka.”

JO:N 14:6

Jisubv bvm luto, “Ngo lambcdc, odokkc arodc, odokkc turnamdc; sc:kosin Abudo:pc gva:mang, ngokkokkima:mvlo.

JO:N 4:10

Jisubv bvm luto, “No Ru:ncpvnckc amanpc binamdcm kinya:mvlo, odokkc sc:kobvi nom, Asiko tv:pc bi:pcn cmna kodu:song, no Bvm tawuya:pc, odokkc Bv nom turyarla du:nc asidcm biya:pc.”

JO:N 4:11

Cdc nc:dc Bvm luto, “Miganga, nokkc suksa:nannc okkosin kamang, odokkc siru:sc orv:dag; okolok no cdc turyala du:nc asidcm pa:ycn?

JO:N 4:14

cmpige:la sc:kobvi ngok binam asidcm tv:ycnc, cdvlosin tv:lvngkuma:ycbong; ngok bvm binam asidc bvkkolo jili:pc iyc turyarla turnamdok appv:dc bidlentvla du:yc.”

JO:N 5:40

Ckvdaggom nolu ngokkolo:pc gvangge:mang cmdag nolu turnamcm pa:pcnammcm.

JO:N 6:35

Jisubv bulum lubito, “Ngo:na cdc turkunamdok pita:dc; sc:kobv ngokkolo:pc gva:ycnc bv kcno:ma:yc, odokkc sc:kobv ngom mc:jvgycnc bv cdvlosin tv:lv:ma:yc.

JO:N 6:37

Abukc ngom binam appv:dc ngokkolo:pc gva:yc; odokkc ngokkolo:pc gva:ncdcm ngo cdvlosin mcnpakma:yc.

JO:N 6:55

Kapila:nc ngok adinsc aropakpci donamc odokkc ngok i:dc aropakpci tv:namc.

JO:N 7:28

Cdcmpila Jisubv bottapc, kumko okumdo luyirkamdcmpc lugo:bito, “Nolu ngom kindag, odokkc ngo okolokkc gvnncji nolu kindag? Cmpige:la ngo avkc mcngkamkokki gvmang; sc:kobv ngom mclvgtagnc Bv arro, odokkc Bvm nolu kinmang.

1 KORINTIANG KVDVNG 10:21

Nolu Ru:tumkc tv:nanc ko:pdcmsin odokkc uidok tv:nanc ko:pdcm tv:la:mang. Nolu Ru:tumkc tcbuldcmnang uikc tcbuldcm du:bosula:mang.

1 KORINTIANG KVDVNG 10:4

Kapila:nc bulu kangkvma:nam Vlv:dokkcm tv:to okodc buluk lcdulo gvmvnka:ji, odokkc cdc Vlv:dc Kristobvai.

1 KORINTIANG KVDVNG 11:25

Cdc ikamv:dcmpc tv:nanc ko:pdcmsin, donam tv:namdok lcdudo, scmpc lula, “Sc ko:psc anu lugoddc ngok i:kokki. Scm ilang, tv:lang mcna: mcna:pc nolu cdcm, ngom mc:pa:la.”

1 KORINTIANG KVDVNG 12:13

Kapila:nc Yalo akodokki ngolu appvngc amvr akodc baptismongcm langka–Jiwudaggom cdcmanggom Girikdaggom, pagbodaggom cdcmanggom avkc mc:supc du:ncdaggom–odokkc appv:dcm Yalo akkongkolok tv:moto.

IPESIANG KVDVNG 5:18

Odokkc apongcm tv:la tvngvrsuncpc iyoka, kapcnc cdc aima:nc ka:bo-mc:bonammc;

LUNGOR LUNAM 21:6

Odokkc Bv ngom luto, “Cdcm gerpvttobong! Ngo Alpa:dc:lang Omega:dc, cdc lenrobbomkang odokkc lentcrdc. Tv:lv:ncdcm ngo turnam jili:dok asscm murkong la:ma:pc tv:moyc.

LUNGOR LUNAM 22:1

Odokkc Bv ngom turnamdok a:ncdok asidcm lcngkanto, arscmpc tong cmna lolatdag,

LUNGOR LUNAM 22:17

Cdc Yalodc:lang Magbodc luda, “Kajc Gvtoka.” Odokkc bvm sc:kobv taddagji “Kajc!” Lumotoka. Odokkc bvm sc:ko tv:lv:dagji gva:motoka, arc la:ma:pc sc:kobv mc:dagnc turnamdok asidcm tv:motoka.