JO:N 7:19 - ANU LUGOD N. T. (BSI)

¹⁹ Mose:bv nolum lujvglurrom bimangalang? Ckvdaggom nolukkolok sc:kosin lujvglurodcm lukamdcmpc imang-gvmang. Kapila nolu ngom mokepc cmna mc:dang?”

JO:N 7:19 ပူးပေါင်းရင်းမြစ်များ

JO:N 1:17

Kapila:nc Mose:kokki lujvglurodcm bitungai; ayangclang arodc Jisu Kristokokki gvido.

JO:N 11:53

Cdcmpila odo longcdokkc bulu Bvm kapc mokepcikc cmna ru:suto.

JO:N 7:1

Odok lcdudok Jisubv Galildo gvgo:to; Bv Judia:do:bulu gvgo:tomang, kapila:nc Jiwukvdv:dc Bvm mokepc cmna mago:to.

METIU 12:14

Cmpige:la Parisi:kvdv:dc gvlentoku odokkc Bvm kapc mokepcikc cmna, bulu kcvgpc ru:suto.

GALATIANG KVDVNG 6:13

Kapila:nc cdcmv:pci cdc sc:kobulu gadpukkosudagnc bulu avkvdv:dc lujvglurodcm lukam-dcmpc tadlv:mang, cmpige:la bulu nolumjc gadpukmolv:dag bulujen noluk adin-amvrro amin gvycpc cmna.

GALATIANG KVDVNG 3:19

Kapila cmpcmvlo lujvglurodcm bikan? Cdcm imur inamkvdv:dok lcgangc jvgsetlvgto, osetnamkvdv:dc lenma:sisscm sc:kom pesunamdcm pebikaji; odokkc cdcm taycng lutad lunckvdv:dokki lulvg-gvlvgka pongkokdok ager gernckokki.

AGER KVDVNG 7:38

Cdcna bv:a:nc sc:kobv yumra:do tani: kcrc:do dungaji taycng among lutad lunckvdv:dokki sc:kobv Sinai Adi:do agom lubitoji, odokkc ngoluk abukvdv:dokki, odokkc bv turnc agomcm ngolum bipc cmna torvgsuka.

JO:N 10:39

Lckoda bulu Bvm ycnggabpc cmna mcngka:la ka:to, cmpige:la Bv buluk alaglokkc gvsukkang.

JO:N 7:25

Jiwukvdv:dok tani:ckkc cmpila luto, “Sc tani:sc:mangalang bulu mokepc cmna sc:kom magongkanc?

JO:N 5:45

Ngo noluk Abukc kcra:lo lugc gcbiyc cmna mcngkvyoka; cdc Mose:bva:mvn nolum lugc gcbincdc, sckkolo nolu mc:tinsudagaji.

JO:N 5:18

Cdcmpilangv:na Jiwudi: kvdv:dc Bvm mokepc cmna makanc, lcga:dc Bv ager germa:pc yodla du:namo:dcm tadma:pc imangai cmpige:la Ru:ncpvncmc Bvk avkc Abbo cmna gogdag, av avdcm Ru:ncpvnckc kvddvnc cmna lula.

JO:N 5:16

Odokkc cdda:na Jiwudi:kvdv:dc kapila Jisumc ipusire:ycm ikaji, kapila:nc Bv Ager germa:pc yodal du:do longcdom cdcm gerto.

MARKKC 3:6

Parisi:kvdv:dc gvlenamkang, odokkc Bvk mc:rupc Herodkc tani:kvdv:dokki ru:suto, kapc Bvm mokepcikc cmna.

MARKKC 3:4

Odokkc Bv bulum luto, “Lujvgluro lukampc yoddo longgcm ainc agercmyc: aima:n agercmyc gerpa:don, turnamko moturpa:donci cdcma:mvlo mokepa:donci?” Cmpige:la bulu aso:pc dungkang.

METIU 21:38

Cmpige:la cdc arvg inc kvdv:dc awodcm kangge:la, bulu ayv ayvkvdv:dc lusuto, ‘Sc:ma:lang ro:yampokc ru:tumdc; kai bvm mokelai odokkc bvk pa:pcnamkvdv:dcm la:lai.’

MARKKC 11:18

Odokkc kumnam ager gernckvdv:dok bottarya:nckvdv:dc odokkc ainc agom luyirnckvdv:dc cdcm tatto odokkc Bvm mokenanc lambcko mago:to; kapila:nc bulu Bvm pcsokang, kapila:nc yadkumsunc tani:appv:dc Bvk luyirnamdcm mc:la mcngapla:ma:pc ikang.