JO:N 6:57 - ANU LUGOD N. T. (BSI)

⁵⁷ Turra du:nc Abudc kapc ngom mclvgtoji, odokkc ngo Abukc lcgangkokki turdu:nc, cdcmpc sc:kobv ngom doycnc ngok lcgangkokki turyc.

JO:N 6:57 ပူးပေါင်းရင်းမြစ်များ

GALATIANG KVDVNG 2:20

Ngom Kristokokki kurusdo pvtketo; cdc ngo:ma:bong sc:kobv turdu:ji, cmpige:la Kristobv sc:ko ngokkolo turdu:ji; odokkc ngok adinamvrki turnamdc ngo su:pak Ru:ncpvnckc Awodo mc:jvgdo turdung, sc:kobv ngom aya:tonc odokkc Bv avdc ngok lcgangc bitoji.

JO:N 5:26

Kapila:nc Abudokkc kapc avkc turnamc du:ji, cdcmv:pc Awodcmsin bvkkolo turnamc du:dopc Bv bito,

JO:N 17:21

nokkcmpcsinci, Abba, ngokkolo, odokkc ngo nokkolo, bulusinjen ngolukkolo, odomvlojen rcngamsc mc:jvgycpc no ngom mclvgtung cmna.

1 JO:N 4:9

Odokki Ru:ncpvnckc aipc mc:namdcm ngolukkolo lenmoto, jc Ru:ncpvncbv Bvk avkc Awo atcrdcm rcngamso mclvgtungai, odomvlo jen ngolu Bvkkokki turra du:ycpc.

JO:N 3:17

Kapila:nc Ru:ncpvncbv Awodcm mo:pvso:pc mclvgto, mo:pvscm aimang cmna ludopcmang cmpige:la mo:pvscm jen Bvkkoki moturdopc cmna:mvn.

1 TISSALONIANG 1:9

Kapila:nc bulu av avkvdv:dc ngoluk agomcm lutadto kapinc torvgsunamc ngolu nolukkolo pa:toji, odokkc kapc nolu Ru:ncpvnckolo:pc gvlattokuji moimang monamkvdv:dokkc.

2 KORINTIANGKVDVNG 13:4

Kapila:nc Bv ilang gvla:ma:dodo kuruslo pvtketo, cmpige:la Ru:ncpvnckc tornamkokki turdag. Kapila:nc ngolu Bvkkolo rcmakdag, cmpige:la nolukkokki ido-sa:dodcm ngolu Bvkkoki turyc Ru:ncpvnckc tornamkokki.

1 KORINTIANG KVDVNG 15:22

Kapcnc kapc Adamkolo appvngc sika:ji, cdcmv:pc Kristokolo appvngcm turmoycku.

JO:N 14:19

Cdcmpidaggom adjio:ko, odokkc sc rcngamsc ngom cdvlosin ka:begma:ycku, cmpige:la nolu ngom ka:begycku; kapila:nc ngo turra du:dag, nolusin turra du:yc.

JO:N 14:6

Jisubv bvm luto, “Ngo lambcdc, odokkc arodc, odokkc turnamdc; sc:kosin Abudo:pc gva:mang, ngokkokkima:mvlo.

METIU 16:16

Simon Pitorbv luto, “No:na Kristodc, turra du:nc Ru:ncpvnckc Awodc.”

HIBRIUKVDVNG 9:14

Kristokc i:dc cddvko abaya:pc, sc:kobv lo:dv-longkvpc du:nc Yalodc avdc atvko lumurko kama:pc Ru:ncpvnckolo:pc bisutonc, noluk mc:namsagnamcm narc:moycnc sinam agerkvdv:dokkcm turra du:nc Ru:ncpvncmc agerki kumpc.

JO:N 6:29

Jisubv bulum lubito, “Ru:ncpvnckc agerdc scmpcna, jc sc:kom Bv mclvgtagji nolu Bvm mc:jvgtoka.”

JO:N 6:38

Kapila:nc ngo taycng amo:tokkc gvidung, ngok avkc mcngkamdcmpc gerkapcmang, cmpige:la sc:kobv ngom mclvgtagnc Bvk mcngkamcm gerkapc;

1 KORINTIANG KVDVNG 15:45

Cdcmpila cdcm adtag, “Ru:lenpo:nam tani: Adambv turnc tani:pc ikang;” Lcddarkc Adambv turnam-binc yalopc ikang.