50 Cdc taycng amo:tok gvinc donamc, tani: akonc cdcm domvloi sima:yc.
Kapcnc Ru:ncpvnckc donamdc taycng amo:tokkc oleddag, odokkc mo:pvscm turnamcm bidag.”
Cmpige:la Kristobv nolukkolo du:mvlo, noluk amvrkvdv:dc sidagcigom pa:p lcgangki, noluk yalokvdv:dc dormo agerkokki turra dung.
Sc:na donamdc okodc taycng amo:tokkc gvidu:nc, abukvdv:dc doge:la sinamdcmpinc mang; sc:kobv sc donamscm doycnc lo:dvscm turyartvla du:yc.”
Ngo:na turnc donamdc okodc taycng amo:tokkc gvidu:ji; sc:koiyc akonc sc donamscm domvlo, bv lo:dvscm turyc: odokkc mo:pvsok lcgangc turnam bipcnam donamdc ngok adinc.”
Aroru:pc, aroru:pc, ngo nolum lubidung, sc:koiyc ngok agomdcm tadmvlo, bv cdvlosin sinamcm ka:pa:suma:yc.”
Bulu luto, “Sc Josepkc awo Jisubv:ma:lang, sck ancdcmlang abudcm ngolu kindagji? Kapc Bv cmpcm su:pak, ‘Ngo taycng amo:tokkc gvidung cmna luycn’?”
Sc:kosin taycng amo:pc gvsa:langkumang taycng amo:tokkc sc:kobv gvikaji: bv:ma:mvlo, tani:kc Awodc:ma:mvlo.
Sc:kobv Awodcm mc:jvgdagnc bvkkc turyartvla du:nam turnamdc dung; sc:kobv Awodok lunamdcm tadma:ycnc turnamcm ka:pa:ma:yc, cmpige:la bvkkolo Ru:ncpvnckc aglvngc du:yc.
Aroru:pc, aroru:pc, ngo nolum lubidung, sc:kobv ngok gomugcm tadge:la Bvm mc:jvgdagnc sc:kobv ngom mclvgtagnc, turyarla turnamc dung; bv kcbang bangkolo gvangkumang, cmpige:la sikolokkc turnamlo:pc gvbatsutokubong.
Aroru:pc, aroru:pc, ngo nolum lubidung, sc:kobv mc:jvgdagnc turyarla turnamc dung. Ngo:na turnamsok donamdc.