JO:N 6:46 - ANU LUGOD N. T. (BSI)

⁴⁶ Sc:kobv Ru:ncpvnckotokkc mclvgnammcnc bv:ma:mvlo sc:kosin Abudcm kangkvmang; Bv Abudcm kangkvtak.

JO:N 6:46 ပူးပေါင်းရင်းမြစ်များ

METIU 11:27

“Appvng attcm ngok Ba:bukokki ngokkolo:pc bitag; odokkc sc:kosin Ba:budcm kinmang Awodc:ma:mvlo odokkc akoncm sc:kom Awodc bvm lcngkanpc cmna balenna bama:mvlo.

LU:KKC 10:22

“Appvng attarcm ngom bitung ngok Ba:bukokki; odokkc Abudc:ma:mvlo sc:kosin Awodcm kinmang, cdcmpcmanggom Abudc sc:kosong Awodcma:mvlo odokkc sc:komci lcngkanlv:dagnc Awodc bvm lcngkan dag.”

JO:N 1:18

Sc:kosin cdvlosin Ru:ncpvncmc kangkvmang; Awo atcrdcwong; sc:kobv Abudok kcra:do dungkuji, Bv Bvm kinapmoto.

JO:N 14:7

No ngom kinya:mvlo, no ngok Abudcmsin kinya:pc; su:pakkolokkc nolu Bvm kindagbong odokkc Bvm ka:tobo:sin.”

JO:N 15:24

Ngo sc:kosin ima:nam agerko buluk ara:lo gertomvlo, bulu pa:bcm ima:ya:pc; cmpige:la su:pak bulu ka:tobong odokkc ngomna: Abumc anyipagcm tayumto.

JO:N 5:37

Odokkc Abudc sc:ko ngom mclvgtagnc avdci ngom lukancm lubidag. Bvk gomugcm nolu cdvlosin tadkvmang, Bvk dumsimigmom nolu cdvlosin kangkvmang,

JO:N 7:29

Ngo Bvm kindag, kapila:nc ngo Bvkkolokkc gvdung, odokkc Bv ngom mclvgtag.”

JO:N 8:19

Bulu Bvm cdcmpila tawuto, “Okolon nok Abudc?” Jisubv lubito, “Nolu ngomba: ngok Abudcmba: kinmang; nolu ngom kinya:mvlo, nolu ngok Abumcsin kinya:pc.”

JO:N 8:55

Cmpige:la nolu Bvm kintomang; ngo Bvm kindag. Ngo Bvm kinmang cmna, ngo lumvlo, ngo nolugvngkcmpc lume: luncpc iyc; ckvdaggom ngo Bvm kindag odokkc ngo Bvk agomkvdv:dcm lukamdcmpc ido.

KOLOSIANG 1:15

Bv:na ka:begma:nam Ru:ncpvnckc yaloka:begdc, ru:nam appv:dok opo:nam appv:dc;

1 TIMOTI: 6:16

sc:kobv atcro:do sima:nammc du:ji odokkc ka:rvgsula:ma:nam pva:lo du:doji, sc:kom oko tani:ycsin cdvlosin kangkvma:nc cdcmanggom ka:la:ma:nc. Bvkkolo:pc mcnggcnammc odokkc lo: dv-longkvpc migom donamc dungka:langka. Amen.

1 JO:N 4:12

Oko tani:ycsin cdvlosin Ru:ncpvncmc kangkvmang; jodi ngolu akoncm akonc aipc mc:mvlo. Ru:ncpvncbv ngolukkolo du:mvndag odokkc Bvk aipc mc:namdc ngolukkolo du:pvtdag.