JO:N 6:45 - ANU LUGOD N. T. (BSI)

⁴⁵ Cdcm lungorlunam kvdv:do adla lc:tag, ‘Odokkc bulum Ru:ncpvnc kokki luyircm lubiyc.’ Sc:kobv Abudokkcm tadla tadyirsutonc ngokkolo:pc gva:dag.

JO:N 6:45 ပူးပေါင်းရင်းမြစ်များ

HIBRIUKVDVNG 10:16

“Scmpcna lugoddc jc ngo bulukkokki luycnc odo longckvdv:dok lcdudo, Ru:tumbv ludag: Ngok lujvglurokvdv:dcm buluk asinkvdv:do adlvgyc,”

1 TISSALONIANG 4:9

Cmpige:la bvrokvdv:dcm aipc mc:nam agomdo nolum sc:komsin admopcnam ako nolukkolo:pc lagimang, Kapila:nc nolu av avkvdv:dcmci Ru:ncpvnckokki luyirtag akoncm akonc aipc mc:mvnsudopc;

JO:N 6:65

Odokkc Bv luto, “Cdcmpila:na ngo nolum lubitonc jc Abudc:ma:mvlo sc:kobv:sin ngokkolo:pc gva:la:mang Abudc togcsuma:mvlo.”

JO:N 6:37

Abukc ngom binam appv:dc ngokkolo:pc gva:yc; odokkc ngokkolo:pc gva:ncdcm ngo cdvlosin mcnpakma:yc.

METIU 17:5

Bv agom luposula du:dodcm, ka:toka cdvlo, kamponc mukkang atakkonc bulum yv:lubto, odokkc mukkang ara:dokkc gomugko lukang, “Sc ngok mc:bomsunam Aowo, sc:kom ngo aipc mc:lvgsudagnc; Bvk agomcm tattoka.”

IPESIANG KVDVNG 1:17

jc ngolu Ru:tum Jisu Kristokc Ru:ncpvncbv, amin gvnamlok Abudc nolum taycng Yalo kinnamcm biycpc odokkc Bvk kinnamlok lungor lunamc.

JO:N 10:27

Ngok bera sobenkvdv:dc ngok gomugcm tadkindag, odokkc ngo bulum kindag, odokkc bulu ngok lcdulo gvmvndag;

LU:KKC 18:31

Odokkc vyvngkolang anyi agom tadjvgla gvmvnnc tani:kvdv:dcm gvbola, Bv bulum luto, “Ka:tok, ngolu Jerusalempc gvdag, odokkc Tani:kc awodok agomcm lukam appv:dcmpc lungor lunckvdv:dok lunamkvdv:dc aroamyc.

LU:KKC 1:70

Lekelokkcbong Bvk lungor lunckvdv:dokki Bv lunamdcmpc,

MARKKC 1:2

Isaia: agom lungor lunck potindo kapc adla lc:tagnc: “Ka:toka, ngok lutad lunncm ngo nomyam mcpo:lvgyc, sc:kobv nok lambcm mobiycji.”

METIU 11:27

“Appvng attcm ngok Ba:bukokki ngokkolo:pc bitag; odokkc sc:kosin Ba:budcm kinmang Awodc:ma:mvlo odokkc akoncm sc:kom Awodc bvm lcngkanpc cmna balenna bama:mvlo.

AGER KVDVNG 7:42

Cmpige:la Ru:ncpvncbv ngengkutsuto odokkc bulum taycng kcrcngcm kumdopc mclvgto, cdcm lungor lunckvdv:dok potindo adnamdcmpc: ‘Nolu ngom palvgnam simvncmnang palvgkolo binam attarcm bikanci, dv:tak yi:pi:ko yumrangolo, Oh! Israel ope:a?

AGER KVDVNG 13:40

Ansutoka, cdcmpiga:lok, ckvma:mvlo nolukkolo:pc lungor lunamdc okko cmdang pvnga:yc:

PILIPIANG KVDVNG 3:15

Kajc cdcmpila ngolu sc:kobulu mc:jv:suka:bo:ji mc:tvlai, odokkc nolu atvko jodi mc:lv:dag, Ru:ncpvncbv cdcmsin nolum lcngkanyc.

1 JO:N 2:27

cmpige:la nolu Bvkkolok oko yonnvgnamdcm pa:tonc nolukkolo du:tvmvnyc, odokkc nolukkc manam kama:yc jc nolum sc:kosin poyir pcnam kama:yc; kapc Bvk yonnvgnamdc nolum appvng agomcm poyirdagnc, odokkc cdc arro, odokkc poyirtonc, Bvkkolo du:mvntoka.