JO:N 6:40 - ANU LUGOD N. T. (BSI)

⁴⁰ Kapila:nc sc ngok Abukc mcngkamdc jc sc:kobvi Awodcm ka:doji odokkc mc:jvgdoji Bvm bvkkolo turyarla turnamdcm pa:yc; odokkc bvm ngo du:tcr longcdo sosa:ycku.

JO:N 6:40 ပူးပေါင်းရင်းမြစ်များ

METIU 10:15

Aropakpc, ngo lubidung nolum, Sodomclang Gomurang amo:dokkcpci du:jcmla:ycpc bottcru:nc kcbang ba:do longcdcm cdc tawondcmyam!

METIU 25:46

Odokkc bulu lo:dvscm du:tvnc dcmke-mokekodo:pc gvyc, cmpige:la dormokanc kvdv:dc lo:dvscm du:tvnc turnamdo:pc gvyc.”

MARKKC 16:16

Sc:kobv mc:jvgycnc odokkc baptismongcm la:ycnc bv moturnam pa:yc; cmpige:la sc:ko mc:jvgma:ycnc, sika:langka cmna tolvgyc.

LU:KKC 2:30

Kapila:nc ngok avkc amiksc nok moturcm ka:begto

JO:N 1:14

Odokkc Gomugdc adinpc ikang odokkc ngoluk ara:lo du:mvnto, ayang abbola: arro pv:namkopc, ngolu Bvk amin gvnamcm ka:to, Abukotokkc Awo atcrdc cmna ka:to.

JO:N 10:28

odokkc ngo bulum lo:dvscm turyarla turla du:nam turnamcm bido, odokkc bulu cdvlosin yogpakma:yc, odokkc sc:kosin bulum Abudok alagdokkcm sopakla:ma:yc.

JO:N 11:24

Marta:b bvm luto, “Ngo kindag bv:jc du:tcr longcdo lckoda turdokudo turycku cmnamdc.”

JO:N 11:25

Jisubv bvm lubito, “Ngowvng turkunamdc odokkc turnamdc; sc:kobv ngom mc:jvgycnc, bv sidaggom, bv turycku,

JO:N 12:45

Odokkc sc:kobv ngom ka:begdagji Bvm ka:begdung sc:kobv ngom mclvgtu:ji.

JO:N 12:50

Odokkc ngo kindagjc Bvk lulvgnamdc turyarla du:nam turnamdc. Ngo okkom ludonc, cdcmpila, Abudc ngom lukamdcmpci ngo ludo.”

JO:N 14:17

cdcmangagom Arodok Yalodcmsin, sc:kom rcngamsc torvgsula:ma:ycji, lcga:dc cdc Bvm ka:ma:sin cdcmanggom kinma:sin; nolu Bvm kindag, kapila:nc Bv noluk lcdulo du:mvndag, odokkc noluk lcdulo du:mvnyc.

JO:N 14:19

Cdcmpidaggom adjio:ko, odokkc sc rcngamsc ngom cdvlosin ka:begma:ycku, cmpige:la nolu ngom ka:begycku; kapila:nc ngo turra du:dag, nolusin turra du:yc.

JO:N 17:2

no Bvm rcngamsok appvng ru:namlok tayc:lo ila:sa:langcm kapc bitoji, turyarla turla du:namdcm bipc cmna cdc appv:dcm no Bvm bitoji.

JO:N 3:36

Sc:kobv Awodcm mc:jvgdagnc bvkkc turyartvla du:nam turnamdc dung; sc:kobv Awodok lunamdcm tadma:ycnc turnamcm ka:pa:ma:yc, cmpige:la bvkkolo Ru:ncpvnckc aglvngc du:yc.

JO:N 4:14

cmpige:la sc:kobvi ngok binam asidcm tv:ycnc, cdvlosin tv:lvngkuma:ycbong; ngok bvm binam asidc bvkkolo jili:pc iyc turyarla turnamdok appv:dc bidlentvla du:yc.”

JO:N 5:24

Aroru:pc, aroru:pc, ngo nolum lubidung, sc:kobv ngok gomugcm tadge:la Bvm mc:jvgdagnc sc:kobv ngom mclvgtagnc, turyarla turnamc dung; bv kcbang bangkolo gvangkumang, cmpige:la sikolokkc turnamlo:pc gvbatsutokubong.

JO:N 6:27

Yogpakpcnc donam tv:namdok lcgangc agercm geryoka, cmpige:la oko donamdc turyarla turnamdokkcpc du:tvdagnc odok lcga:pc ilangka, okodcm tani:kc Awodc nolum biycji; kapila:nc bvkkolo Abu Ru:ncpvncbv bvk muorcm tubjedlvgdag.”

JO:N 6:39

odokkc scmpc Bvk mcngkamdc ngom sc:kobv mclvgtagnc, jc ngo cdc ngom binam appv:dcm akosin yogmopcma:nammc, cmpige:la du:tcr dungapdo la:sangam-kupcnammc.”

JO:N 6:44

Sc:kosin ngokkolo:pc gva:la:mang Abudc sc:ko ngom mclvgtagji bvm mc:bomola gva:moma:mvlo; odokkc bvm ngo du:tcr dungap longcdo turmoycku.

JO:N 6:54

sc:kobv ngok adincm doycji odokkc ngok i:ycm tv:ycji turyarla turnamc dung, odokkc ngo bvm du:tcr dungap longcdo turmoycku.

JO:N 8:56

Noluk abu Abrahambv ngok longckvdv:dcm ka:pc cmna mc:podagai; bv cdcm ka:to odokkc mc:pokang.”

ROMANKVDVNG 5:21

odomvlojen, pa:bc sinamlo migom doto ayangcsin dormo kanamki turyarla turnamdo Jisu Kristo ngoluk Ru:tumkokki migom doycpc cmna.

ROMANKVDVNG 6:23

Kapila:nc pa:bcm ila ircpa:namdc sinamc, cmpige:la Ru:ncpvnckc cpv:pc binam amandc ngoluk Ru:tum Kristo Jisukolo turyarla turnamdc.

2 KORINTIANGKVDVNG 4:6

Kapila:nc cdc Ru:ncpvncbv sc:kobv ludagnc, “Kcmodo pvangc pvka:langka,” sc:kobv ngoluk asin ara:bo kinnamlok pva:dcm dormotoji Ru:ncpv:nckc amin gvnamdokkcm Kristokc dumsimigmolo.

HIBRIUKVDVNG 11:1

Su:pak mc:jvgdc attar mc:namlok pa:ycrung cmnamc, ka:begma:nam attarlok mcngkvrungc.

HIBRIUKVDVNG 11:27

Mc:jvgkokki bv Igiptclcm mcto, migomdok aglv:dcm pcsoma:pc; kapcnc bv menrasula du:to sc:kom ka:begma:ji.

1 PITOR 1:8

Bvm ka:begma:pci Bvm nolu aipc mc:dag; su:pak nolu Bvm ka:begmanggomci nolu Bvm mc:jvgdag odokkc mcngkinla odokkc mc:pobadsula mc:podag.

1 JO:N 2:25

Odokkc cdcna okodcm Bv ngolum pesubitonc, lo:dvnscm du:tvnc turnamdc.

JU:D 1:21

nolu avyc Ru:ncpvnckc aipc mc:namlo du:sulangka; Ru:tum Jisu Kristokc lo:dcm du:tvnc turnamdcm pa:ma:dodo:pc toya:la du:langka.