29 Jisubv bulum lubito, “Ru:ncpvnckc agerdc scmpcna, jc sc:kom Bv mclvgtagji nolu Bvm mc:jvgtoka.”
Bv agom luposula du:dodcm, ka:toka cdvlo, kamponc mukkang atakkonc bulum yv:lubto, odokkc mukkang ara:dokkc gomugko lukang, “Sc ngok mc:bomsunam Aowo, sc:kom ngo aipc mc:lvgsudagnc; Bvk agomcm tattoka.”
Sc:kobv mc:jvgycnc odokkc baptismongcm la:ycnc bv moturnam pa:yc; cmpige:la sc:ko mc:jvgma:ycnc, sika:langka cmna tolvgyc.
Sc:kobv Awodcm mc:jvgdagnc bvkkc turyartvla du:nam turnamdc dung; sc:kobv Awodok lunamdcm tadma:ycnc turnamcm ka:pa:ma:yc, cmpige:la bvkkolo Ru:ncpvnckc aglvngc du:yc.
Nolu Ru:nckc agom jvggabdcm madag, kapila:nc nolu mc:dag jc odobulu nolukkc turyarla turnamdc dung cmna; odokkc cdcbuluna jc ngom lukan lubinckvdv:dc.
Odo bulu Bvm tawuto, “Ru:ncpvnckc ager gerpcnammvlo ngolu okkarcm ipcnammcn?”
Kapila:nc ngo taycng amo:tokkc gvidung, ngok avkc mcngkamdcmpc gerkapcmang, cmpige:la sc:kobv ngom mclvgtagnc Bvk mcngkamcm gerkapc;
Turra du:nc Abudc kapc ngom mclvgtoji, odokkc ngo Abukc lcgangkokki turdu:nc, cdcmpc sc:kobv ngom doycnc ngok lcgangkokki turyc.
Odo bulu luto, “Ru:tum Jisukolo mc:jvgtoka, odo no turycpc, no:lang nok okum crangc.”
ngoluk Ru:ncpvnc odokkc Abukc kcra:la noluk mc:jvglok agerkvdv:dcm odokkc aipc mcnamlok kvnggv:pc ager gernamcm odokkc mcma:ru:pc mc:tinnammcm ngolu Ru:tum Jisu Kristokolo mc:pa: mc:pa:la.
odokkc pv:namkopc aimola Bv lo:dvlongkvpc moturnamlok lenkopc ikang Bvm sc:kobulu agom lukamcm tadlvngka:ji,
Nolu ka:tojc mc:jvgdc bvk agerdo du:mvndungai, odokkc mc:jvgdc agerkokki ipvtgvpvtto,
Odokkc sc Bvk Awo Jisu Kristokc aminno mc:jvgpcnamc odokkc akoncm akonc aipc mc:pcnammc, kapc bv ngolum lulvgla lutoji.
Appvngc sc:kobvi Jisumc Kristobv cmna mc:jvgdonc Ru:ncpvnckc ommangc, odokkc appvngci anc abbom aipc mc:ncdc omma:dcm aipc mc:dag.
Sc:kobv mopvycji odokkc sc:kobv ngok agercm du:tcrdo:pc gerycnc, ngo bvm angu opvnkvdv:dcm mopvla:nanc tornamcm biyc,