JO:N 6:27 - ANU LUGOD N. T. (BSI)

²⁷ Yogpakpcnc donam tv:namdok lcgangc agercm geryoka, cmpige:la oko donamdc turyarla turnamdokkcpc du:tvdagnc odok lcga:pc ilangka, okodcm tani:kc Awodc nolum biycji; kapila:nc bvkkolo Abu Ru:ncpvncbv bvk muorcm tubjedlvgdag.”

JO:N 6:27 ပူးပေါင်းရင်းမြစ်များ

METIU 17:5

Bv agom luposula du:dodcm, ka:toka cdvlo, kamponc mukkang atakkonc bulum yv:lubto, odokkc mukkang ara:dokkc gomugko lukang, “Sc ngok mc:bomsunam Aowo, sc:kom ngo aipc mc:lvgsudagnc; Bvk agomcm tattoka.”

METIU 25:46

Odokkc bulu lo:dvscm du:tvnc dcmke-mokekodo:pc gvyc, cmpige:la dormokanc kvdv:dc lo:dvscm du:tvnc turnamdo:pc gvyc.”

METIU 3:17

odokkc ka:tok, taycngamo:tokkc gomugko, scmpc lukang, “Sc ngok airu:pc aipc mc:nam Awwo, sckkolo ngo airu:pc mc:tv:sudoji.

METIU 6:19

“Mo:pvso avkc lcgangc murkongcm lcngkumsuyoka, okolo tapumclang argomc dopakdagnc odokkc dopsongkvdv:dc:sin gvala dopso:dagnc,

METIU 8:20

Odo Jisubv bvm luto, “Mensarung kvdv:dokkc dungko arungc dung, odokkc do:mvrtok pcttangkvdv:dokkc asubc dung; ckvdaggom tani:kc Awodokkc Bvk mittukdcm lcngko kamang.”

MARKKC 1:11

Odokkc do:mvrtokkc gomugko luto “No ngok mc:bomsunam Awwo; nom ngo airu:pc mc:lvgsudag.”

MARKKC 9:7

Odokkc bulum mukkang atakkonc ugyumna yvngkomto, odokkc mukkang ara:dokkc gombugko buglenkang, “Sc ngok mc:bomsunam Aowo: Bvk agomcm tattoka.”

LU:KKC 3:22

odokkc Angunnc Yalodc Bvk tayc:do amvr-amo ka:begpc dc:yi:kang, pckv apirkoncmpc, odokkc taycng amo:tokkc gomugko lukang, “No ngok mc:bomsunam Awodc; nokkolo ngo airu:pc mc:lvgsudag.”

LU:KKC 9:35

Odokkc mukkang ara:dokkc gombugko bugkang, scmpc lula, “Sc ngok Aowo, ngok Balennammc; Bvk agomcm tadlangka!”

JO:N 10:28

odokkc ngo bulum lo:dvscm turyarla turla du:nam turnamcm bido, odokkc bulu cdvlosin yogpakma:yc, odokkc sc:kosin bulum Abudok alagdokkcm sopakla:ma:yc.

JO:N 11:42

Ngo kindagai no:jc ngok kumnamcm lo:dvscm taddag, cmpige:la ngo scm ludung sc kcra:sok dagla du:nc tani:kvdv:sok lcgangc, bulujen mc:jvgycpc jc no ngom mclvgkka.”

JO:N 14:6

Jisubv bvm luto, “Ngo lambcdc, odokkc arodc, odokkc turnamdc; sc:kosin Abudo:pc gva:mang, ngokkokkima:mvlo.

JO:N 15:24

Ngo sc:kosin ima:nam agerko buluk ara:lo gertomvlo, bulu pa:bcm ima:ya:pc; cmpige:la su:pak bulu ka:tobong odokkc ngomna: Abumc anyipagcm tayumto.

JO:N 17:2

no Bvm rcngamsok appvng ru:namlok tayc:lo ila:sa:langcm kapc bitoji, turyarla turla du:namdcm bipc cmna cdc appv:dcm no Bvm bitoji.

JO:N 3:15

odojen Bvm sc:kobvi mc:tinycnc turyarla du:nam turnamdcm pa:ycpc.”

JO:N 3:33

sc:kobv Bvk lukamdcm taddagnc Bvk tubjeddcm scmpc tublvgdag, jc Ru:ncpvncbv arro.

JO:N 6:40

Kapila:nc sc ngok Abukc mcngkamdc jc sc:kobvi Awodcm ka:doji odokkc mc:jvgdoji Bvm bvkkolo turyarla turnamdcm pa:yc; odokkc bvm ngo du:tcr longcdo sosa:ycku.

JO:N 6:47

Aroru:pc, aroru:pc, ngo nolum lubidung, sc:kobv mc:jvgdagnc turyarla turnamc dung. Ngo:na turnamsok donamdc.

JO:N 6:51

Ngo:na turnc donamdc okodc taycng amo:tokkc gvidu:ji; sc:koiyc akonc sc donamscm domvlo, bv lo:dvscm turyc: odokkc mo:pvsok lcgangc turnam bipcnam donamdc ngok adinc.”

JO:N 6:53

Jisubv bulum luto, “arorupc nolu tani:kc Awodok adindcm doma:sisscm odokkc Bvk i:dcm tv:ma:sisscm, nolukkc avkc turnamc kamang;

JO:N 6:54

sc:kobv ngok adincm doycji odokkc ngok i:ycm tv:ycji turyarla turnamc dung, odokkc ngo bvm du:tcr dungap longcdo turmoycku.

JO:N 6:58

Sc:na donamdc okodc taycng amo:tokkc gvidu:nc, abukvdv:dc doge:la sinamdcmpinc mang; sc:kobv sc donamscm doycnc lo:dvscm turyartvla du:yc.”

JO:N 6:62

Cmpcmlo tani:kc Awodcm Bv po:pc okolo dungaji dc:sa:dokupc ka:mvlo kapc iyya:n nolu?

JO:N 6:68

Simon Pitorbv bvm lubito, “Ru:tuma, ngolu sckkolopcn gvycn? Nokkc lo:dvscm turyarla turnamdcm binc gomugdc dung,

JO:N 8:18

Ngo avkcpc avyc lukansudo, odokkc Abudc sc:kobv ngom mclvgtagnc ngom lukanbidag.”

AGER KVDVNG 10:38

kapc Najaretdok Jisumc vrtoji Angunnc Yalodokki odokkc ilang-gvlangkokki; kapc gvgongkaji ainc ager gergo:la odokkc csa:molangkula uipa:nam appv:dcm, kapila:nc Ru:ncpvncbv bvk lcdulo dunggai.

AGER KVDVNG 2:22

“Israelsok tani:kvdvnga, sc agom kvdv:scm tadtoka: Najaretdok Jisubv, Ru:ncpvnckokki nolukkolo du:jonsumoto bottcru:nc ager germola odokkc mcngapla:ma:nam agercmlang odokkc kanggod kvdv:dokki okodcm noluk ara:lo Ru:ncpvncbv Bvkkokki gertoji, nolusin avyc kindagnc cdc Jisudcm.

ROMANKVDVNG 4:11

Bv kanggodkoncmpc cdcmanggom muorkoncmpc torvgsuto dormo kanamdokkcm bvk gadpukmanggv:dapc bvk mc:jvg kanamdokki. Mc:namdc bvm appv:lok Abupc badmopc cmna gadma:pc sc:kobulum dormokannc cmna kvdagji,

ROMANKVDVNG 6:23

Kapila:nc pa:bcm ila ircpa:namdc sinamc, cmpige:la Ru:ncpvnckc cpv:pc binam amandc ngoluk Ru:tum Kristo Jisukolo turyarla turnamdc.

1 KORINTIANG KVDVNG 6:13

“Donamdc aki:dok lcgangc odokkc aki:dc donamdok lcgangc” odokkc Ru:ncpvncbv anyipakdcm akondcmna: akondcm anyipakdcm momvgyc. Amvrdcm aisi:ma:nc ager gernam lcgangcmang, cmpige:la Ru:tumkc lcgangc, odokkc Ru:tumbv amvrdok lcgangc.

1 KORINTIANG KVDVNG 9:2

Ngo amikcpc mclvgla ager gerncmanggom, cmmangargom nolukkcpci ngo ido; Kapila:nc nolu ngok mclvgla ager gernam aminnok Ru:tumkolo tubojedc.

2 KORINTIANGKVDVNG 4:18

Kapila:nc ngolu ka:begnam attarkvdv:do:pc ka:mang cmpige:la ka:begma:nam attarkvdv:do:pc; kapila:nc ka:begnam attarkvdv:dc lo:tungongko du:nc, cmpige:la ka:begma:nam attarkvdv:dc lo:dvpc du:tvnc.

GALATIANG KVDVNG 5:6

Kapila:nc Kristo Jisukolo gadpuknammc cdcmanggom gadpukma:namc cmmum arrc kannc, cmpige:la mc:jvgdc aipc mc:namkokki agercm gerdung.

PILIPIANG KVDVNG 2:13

Kapila:nc Ru:ncpvncbv noluk ara:lo agercm gerradung, Bvk aipc mc:monam lcgangc mc:namclang odokkc agerpc anyipakdcm.

KOLOSIANG 1:29

Kapcnc scm ngo du:g gvla gerdung, appvng bo:lki anla ka:dung okodcm bv ngom kvnggv:tarv:dopc mca:lvgla bitu:ji.

KOLOSIANG 2:22

Upkvyok.” (Oko attarkvdv:dc yogpakdagji cdcmbulum lukanna bulum ina-sa:nadodcm,) tani: lulvgkampc odokkc asin totto mc:lenna lukampc idogvdon?

KOLOSIANG 3:2

Noluk asinkvdv:dcm tayc:tok attarkvdv:do mcnga:toka, mo:pvso du:nc attarkvdv:do:mang.

1 TISSALONIANG 1:3

ngoluk Ru:ncpvnc odokkc Abukc kcra:la noluk mc:jvglok agerkvdv:dcm odokkc aipc mcnamlok kvnggv:pc ager gernamcm odokkc mcma:ru:pc mc:tinnammcm ngolu Ru:tum Jisu Kristokolo mc:pa: mc:pa:la.

2 TIMOTI 2:19

Cmpige:la Ru:ncpvnckc kvnggv:nc dunggabkodc du:dag, sc muhorscm bomna: “Ru:tumdc kindag cdc sc:kobulu Bvkkcji,” odokkc, “Kajc appvngc sc:ko Ru:tumkc amindcm mindagji aima:nc agerlokkc germa:pc du:la:jc.”

HIBRIUKVDVNG 12:16

jc sc:kosin aima:n ager gerncpc cdcmanggom Esaukcmpc dormo kama:pc ipcma:namc, sc:kobv bvk ododokkcbong pa:nam onam sottom apin kosak lcgangc kopaksutonc.

HIBRIUKVDVNG 4:11

Kajc cdcmpidag cdc du:rasukodo:pc gva:lai, jc sc:kosin cdcmv:pinc agom lukamdcmpc tadma:nampc ingapla siycpc.

JAKOB 1:11

Kapcnc do:nyidc sa:dag odokkc bv ka:te:tere:nc ka:sannc ka:namdokki nc:sindcm sanpakmodag; odok appundc opakleddag, odokkc odok kangkandc yogpakdag. Cdcmv:pc mircmnc tani:dc bvkkc appvngc kage:la:gom yogpagyc.

1 PITOR 1:24

cdc turnc odokkc lo:dvscm du:tvnc Ru:ncpvnckc agomdokkimvn kapcnc, “Appvng adin amvrc ncsincmpc odokkc odok appvng kangkannamdc ncsindok appundcmpc-idag. Ncsinkvdv:dc sanpakdag, odokkc appundc opakleddag,

2 PITOR 1:17

Kapcnc cdvlo Bv mcnggcnammcmnang amingvnamcm Ru:ncpvnckolokkcm torvgsutonc odokkc gombugdcm Bvkkcpc bugbitonc cdc Migang ga:nc Amingvnamdokki. “Sc ngok aipc mc:bomsunam Awo, sckkolo ngo airu:pc mc:lvgsudonc,”