JO:N 5:45 - ANU LUGOD N. T. (BSI)

⁴⁵ Ngo noluk Abukc kcra:lo lugc gcbiyc cmna mcngkvyoka; cdc Mose:bva:mvn nolum lugc gcbincdc, sckkolo nolu mc:tinsudagaji.

JO:N 5:45 ပူးပေါင်းရင်းမြစ်များ

GALATIANG KVDVNG 3:10

Kapcnc sc:kobulu lujvglurodok agerkvdv:do mc:jvgla kcgc:donc pelvgnammc; kapila:nc cdcm adtag, “lujvgluro potindok adnam appv:dcm adkamdcmpc imanggvma:nc appv:dcm pelvgnampc ika:langka, odokkc cdcmbulum ima:nc.”

ROMANKVDVNG 2:12

Lujvglurodc kama:pc cdc sc:kobulu pa:bcm itonc lujvglurodc kamangv:pc yogpakycku, odokkc sc:kobulu lujvg luro du:dodcm pa:bcm itonc lujvglurodokki kcbangcm ba:yc.

JO:N 7:19

Mose:bv nolum lujvglurrom bimangalang? Ckvdaggom nolukkolok sc:kosin lujvglurodcm lukamdcmpc imang-gvmang. Kapila nolu ngom mokepc cmna mc:dang?”

JO:N 8:9

Cmpige:la cdvlo bulu cdcm tattoji, bulu gvngapkangku, ako akko:pc, abvngarya:ncdokkc gvgcbomdanna, odokkc Jisumc cdc nc:dcm Bvk kcra:do atcro:dcm dagla du:moge:la.

LU:KKC 16:29

Cmpige:la Abrahambv luto, ‘Bulu:kkc Mosebv:lang lungor luckvdv:dc dung; bulum buluk lubinamdcm tadmotok.’

JO:N 12:48

Sc:kobv ngom lupakycnc odokkc ngok agom lunamkvdv:dcm torvgsuma:ycnc kcbang ba:namko du:do; ngok lunam agomkvdv:dc:na du:tcr longcdo bvk kcba:pc iycku.