JO:N 5:44 - ANU LUGOD N. T. (BSI)

⁴⁴ Nolu kapc mc:jvgycn, sc:kobv akon akonnokkcm aidag cmnamcm mancdcm odokkc Ru:ncpvnckolokkc gvinc aidag cmnamdcm mama:ncdcm?

JO:N 5:44 ပူးပေါင်းရင်းမြစ်များ

JO:N 12:43

Kapila:nc bulu tani:kvdv:dok luitdcm mc:bodagai Ru:ncpvnckc luitdcmyam.

ROMANKVDVNG 2:29

Bv Jiwuyc sc:kobv arang arangbokkcji, odokkc aroru:pc gadpuknamdc asin ara:bok agomcmvn, yalodokkc odokkc lukam lukamardcmpcmang. Bvk lubondc tani:kvdv:dokkcmang cmpige:la Ru:ncpvnckolokkc.

PILIPIANG KVDVNG 2:3

Avkc lcgangc inam okkomsin iyoka cdcmanggom ngo:na cmna bottapc mc:sunammc, cmpige:la asinc ansv:pc mc:sula ammem mcnggcla noluk avkvdv:dcmyam tadya:lang.

METIU 23:5

Buluk ager appv:dcm amme ka:ycpc cmnangong gerdag; kapila:nc bulu tabijkvdv:dcm bottapc gcdag odokkc buluk gasorkvdv:dcm tu:bcm araipc mcdag,

1 PITOR 1:7

cdcmpc jc noluk mc:jvgdok mc:jupmcngkamdc, avncmyam arc kaya:dag okodcm jitpakpcnc daggom vmvlo romka:dagji, aipai binapc lenycpc odokkc amin gvnamdc odokkc mcnggcnamdc Jisu Kristokc lendokudo mcnggcycpc.

1 KORINTIANG KVDVNG 4:5

Cdcmpidag ayirdok po:pcbong kcba:ba:namcm, Ru:tumbv gvkuma:dapc lulenyoka, sc:kobv su:pak kcmolo lc:nam attarkvdv:dcm pva:lo:pc la:lenycji odokkc asinlok mc:nam sagnam kvdv:dcm lenabmoyckuji. Odo appvng tani:yc Ru:ncpvnckolokkcm aipai cmnam pa:suycku.

ROMANKVDVNG 2:10

cmpige:la amin gvnamc mcnggcnammc odokkc mc:po mcnganc appvngkcpc iycpc sc:ko ainc agercm gerdagji, Jiwu kvdv:dc panga:po:danna odokkc Girikkvdv:dc:sin.

ROMANKVDVNG 2:7

ainc agercm mentumsula du:namki gerla amingvnamcm odokkc mcnggcnammcm odokkc sima:pc du:namcm manckvdv:dcm, Bv turyarla turnamcm biyc;

LU:KKC 19:17

Odo bv bvm luto, ‘Aincko ito, ainc ager gerya:nc! Kapila:nc no aipc adjioloksin mc:dap-darapncko, no nogor vyvngkolok migom doncpc iycpc.’

JAKOB 2:1

Ngok bvrrangkvdvnga, akonongcm aipc mc:nam lcngkanyoka nolu Ru:tum Jisu Kristomc mc:jvgla mc:tu:la, amin gvnclok Ru:tumdc.

HIBRIUKVDVNG 3:12

Ka:sv:mosv:toka, bvrrang kvdvnga, ckvdma:mvlo nolukkolok akonc jodi aima:nc ager gerckvdv:dokkcpc iyc, mc:jvgma:nc asinpc ila, turnc Ru:ncpv:ncdokkcpc gerdopc gvboycpc.

2 KORINTIANGKVDVNG 10:18

Kapila:nc cdc avdcm avyc bottapc lusuncdcmmang torvgsunamdc, cmpige:la Ru:tumbv aidag cmna lunamdcmmvn.

JO:N 17:3

Odokkc cdcna turyarla turnamdc, jc bulu nom kindag nowong aro Ru:ncpvncdc cmna, odokkc Jisu Kristomc sc:kom no mclvgtagnc.

JO:N 8:43

Nolu kapila mcngkin-tadkinma:n ngo okkom ludu:ji? Cdc lcga:dc nolu ngok agomkvdv:dcm tadrasula:ma:la:mvn.

JO:N 3:20

Kapila:nc sc:kobv aima:nc agercm gerycnc pvangcm tayumdag, odokkc pva:do:pc gva:mang, ckvma:mvlo bvk ager gernamkvdv:dc lenabyc.

JO:N 5:41

“Ngo tani:kvdv:dok aidag cmna lunamcm mamang.

1 TISSALONIANG 2:6

Cdcmanggom ngolu tani:kvdv:dokkcm amin gvnamcm makanci, nolukkcmyc cdcmanggom amikolokkcmyc, ngolu Kristokc mclvgla ager germonc cmna lujcmna lula:ya:pcgom.

1 TIMOTI: 1:17

Dv:takkvdv:dok migomdo:pc, sima:nc, ka:begma:nam, Ru:ncpvnc akko:dc, mcnggcma:namclang amin gvnamc lo:dv-longkv lo:dv longnkvpc dungka:langka. Amen.

JU:D 1:25

ngoluk Mopvtnc Jisu Kristokc ngoluk Ru:tumkolo:pc, amin gvnamc, migang ga:namc, motapnammc, odokkc migomdonamc, appvng ayirdok po:pcbong odokkc su:pak odokkc lo:dv longkvpc-ika:langka. Amen.