41 “Ngo tani:kvdv:dok aidag cmna lunamcm mamang.
Sc:kobv avkc lulang-gvlangkokki luycnc avkc amin gvnamcm masudag; cmpige:la sc:kobv Bvm mclvgncdok amin gvnamcm maycji bv arro, odokkc bvkkolo lume: lunamc kamang.
Cdcmanggom ngolu tani:kvdv:dokkcm amin gvnamcm makanci, nolukkcmyc cdcmanggom amikolokkcmyc, ngolu Kristokc mclvgla ager germonc cmna lujcmna lula:ya:pcgom.
Ckvdaggom ngo avkc amin gvnamcm masumang; Akkongkonc dung sc:kobv madagji odokc bv:bong kcba: moncdc.
Ngok lukan lubinamdc tani:lokkcmang; cmpige:la ngo scm ludung nolu turycpc cmna.
Jisubv lubito, “Ngo avyc amincm gvmosumang, ngok amin gvnamdc okkosinmang, cdc ngok Abudc:mvn sc:ko ngom amin gvmotoji, sc:kobvm noluk Ru:ncpvncbv cmdu:ji.
Bulu Bvm ke:ke:mo:re:p langa:la buluk migompc mopc cmnamdcm kinna:yam, Jisubv atcro:dc adi:pc gvpakkang.
Nolu kapc mc:jvgycn, sc:kobv akon akonnokkcm aidag cmnamcm mancdcm odokkc Ru:ncpvnckolokkc gvinc aidag cmnamdcm mama:ncdcm?
Kapcnc cdvlo Bv mcnggcnammcmnang amingvnamcm Ru:ncpvnckolokkcm torvgsutonc odokkc gombugdcm Bvkkcpc bugbitonc cdc Migang ga:nc Amingvnamdokki. “Sc ngok aipc mc:bomsunam Awo, sckkolo ngo airu:pc mc:lvgsudonc,”
Kapcnc odok lcga:pc nolum gogtung, kapcnc Kristobv:sin ipusire:ycm noluk lcgangc pa:to, nolum kanggodkopc lcngkanbila, jc nolu Bvk lckorcm kormvnpcnamc.
Ckvdaggom nolu ngokkolo:pc gvangge:mang cmdag nolu turnamcm pa:pcnammcm.
Cmpige:la ngo kindag jc noluk ara:lo Ru:ncpvnckc ayangc kamang.
Kapila:nc bulu tani:kvdv:dok luitdcm mc:bodagai Ru:ncpvnckc luitdcmyam.
