JO:N 5:40 - ANU LUGOD N. T. (BSI)

⁴⁰ Ckvdaggom nolu ngokkolo:pc gvangge:mang cmdag nolu turnamcm pa:pcnammcm.

JO:N 5:40 ပူးပေါင်းရင်းမြစ်များ

METIU 22:3

Odokkc bvk mida:do:pc gognam tani:kvdv:dcm gogdopc bvk ager gerya:nckvdv:dcm mclvgto; ckvdaggom bulu gvtomang.

METIU 23:37

“O Jerusalem, Jerusalem, Ru:ncpvnckc agom lungorbinckvdv:dcm vlvngokokki crkeyamnc odokkc nolukkolo:pc mclvgnam kvdv:dcmsin! Kapc ngo lckko lckko:lo nok ommang kvdv:dcm rognc porogc alapki kcvgbo awokvdv:dcm lapkombomnamcmpc lapkomsulv:to, odokkc nolu lapkom kosulv:tomang!

JO:N 1:11

Bv avkc Bvk okumpc gvtungai, cmpige:la Bvk avkc tani:kvdv:dc Bvm torvgsutoma.

JO:N 10:10

Dopsongkvdv:dc dopsongkapclang mokekapc odokkc mopen-moyenkapc gvdag; Ngo gvka bulujen turnamcm pa:ycpc cmna, odokkc cdcm pv:se-pv:yedopc pa:ycpc cmna.

JO:N 3:19

Odokkc scmpcna kcbang ba:la lunamdc, jc pva:dc mo:pvso pvkang, odokkc tani:kvdv:dc pva:dcmyam kcmodcm aipc mcngkang, lcga:dc bulu buluk ager gernam kvdv:dc aimangai.

JO:N 5:39

Nolu Ru:nckc agom jvggabdcm madag, kapila:nc nolu mc:dag jc odobulu nolukkc turyarla turnamdc dung cmna; odokkc cdcbuluna jc ngom lukan lubinckvdv:dc.

JO:N 5:41

“Ngo tani:kvdv:dok aidag cmna lunamcm mamang.

JO:N 5:44

Nolu kapc mc:jvgycn, sc:kobv akon akonnokkcm aidag cmnamcm mancdcm odokkc Ru:ncpvnckolokkc gvinc aidag cmnamdcm mama:ncdcm?

JO:N 6:27

Yogpakpcnc donam tv:namdok lcgangc agercm geryoka, cmpige:la oko donamdc turyarla turnamdokkcpc du:tvdagnc odok lcga:pc ilangka, okodcm tani:kc Awodc nolum biycji; kapila:nc bvkkolo Abu Ru:ncpvncbv bvk muorcm tubjedlvgdag.”

JO:N 6:37

Abukc ngom binam appv:dc ngokkolo:pc gva:yc; odokkc ngokkolo:pc gva:ncdcm ngo cdvlosin mcnpakma:yc.

JO:N 6:40

Kapila:nc sc ngok Abukc mcngkamdc jc sc:kobvi Awodcm ka:doji odokkc mc:jvgdoji Bvm bvkkolo turyarla turnamdcm pa:yc; odokkc bvm ngo du:tcr longcdo sosa:ycku.

ROMANKVDVNG 6:23

Kapila:nc pa:bcm ila ircpa:namdc sinamc, cmpige:la Ru:ncpvnckc cpv:pc binam amandc ngoluk Ru:tum Kristo Jisukolo turyarla turnamdc.

LUNGOR LUNAM 22:17

Cdc Yalodc:lang Magbodc luda, “Kajc Gvtoka.” Odokkc bvm sc:kobv taddagji “Kajc!” Lumotoka. Odokkc bvm sc:ko tv:lv:dagji gva:motoka, arc la:ma:pc sc:kobv mc:dagnc turnamdok asidcm tv:motoka.