JO:N 5:37 - ANU LUGOD N. T. (BSI)

³⁷ Odokkc Abudc sc:ko ngom mclvgtagnc avdci ngom lukancm lubidag. Bvk gomugcm nolu cdvlosin tadkvmang, Bvk dumsimigmom nolu cdvlosin kangkvmang,

JO:N 5:37 ပူးပေါင်းရင်းမြစ်များ

JO:N 8:18

Ngo avkcpc avyc lukansudo, odokkc Abudc sc:kobv ngom mclvgtagnc ngom lukanbidag.”

JO:N 1:18

Sc:kosin cdvlosin Ru:ncpvncmc kangkvmang; Awo atcrdcwong; sc:kobv Abudok kcra:do dungkuji, Bv Bvm kinapmoto.

1 TIMOTI: 1:17

Dv:takkvdv:dok migomdo:pc, sima:nc, ka:begma:nam, Ru:ncpvnc akko:dc, mcnggcma:namclang amin gvnamc lo:dv-longkv lo:dv longnkvpc dungka:langka. Amen.

1 TIMOTI: 6:16

sc:kobv atcro:do sima:nammc du:ji odokkc ka:rvgsula:ma:nam pva:lo du:doji, sc:kom oko tani:ycsin cdvlosin kangkvma:nc cdcmanggom ka:la:ma:nc. Bvkkolo:pc mcnggcnammc odokkc lo: dv-longkvpc migom donamc dungka:langka. Amen.

METIU 3:17

odokkc ka:tok, taycngamo:tokkc gomugko, scmpc lukang, “Sc ngok airu:pc aipc mc:nam Awwo, sckkolo ngo airu:pc mc:tv:sudoji.

1 JO:N 4:20

Jodi akoncmum ludo, “Ngo Ru:ncpvncmc aipc mc:dag,” odokkc bvk avkc bvrodcm tayumdo, bv lume: luncko; kapcnc sc:kobv bvk avkc bvrodcm aipc mc:ma:ji sc:kombv ka:begdagji, Ru:ncpvncmc aipc mc:la:mang sc:kom bv ka:begma:ji.

1 JO:N 4:12

Oko tani:ycsin cdvlosin Ru:ncpvncmc kangkvmang; jodi ngolu akoncm akonc aipc mc:mvlo. Ru:ncpvncbv ngolukkolo du:mvndag odokkc Bvk aipc mc:namdc ngolukkolo du:pvtdag.

JO:N 14:9

Jisubv bvm lubito, “Ngo siddv longcko du:mvnma:lang, odokkc ckvdaggom nolu ngom kinmang, Pilipa? Sc:kobv ngom ka:tobo:nc Abubvmci ka:tobong; no kapc lula:don, ‘Ngolum Abudcmci lcngkanteika cmna?

JO:N 6:27

Yogpakpcnc donam tv:namdok lcgangc agercm geryoka, cmpige:la oko donamdc turyarla turnamdokkcpc du:tvdagnc odok lcga:pc ilangka, okodcm tani:kc Awodc nolum biycji; kapila:nc bvkkolo Abu Ru:ncpvncbv bvk muorcm tubjedlvgdag.”

METIU 17:5

Bv agom luposula du:dodcm, ka:toka cdvlo, kamponc mukkang atakkonc bulum yv:lubto, odokkc mukkang ara:dokkc gomugko lukang, “Sc ngok mc:bomsunam Aowo, sc:kom ngo aipc mc:lvgsudagnc; Bvk agomcm tattoka.”

JO:N 15:24

Ngo sc:kosin ima:nam agerko buluk ara:lo gertomvlo, bulu pa:bcm ima:ya:pc; cmpige:la su:pak bulu ka:tobong odokkc ngomna: Abumc anyipagcm tayumto.

MARKKC 1:11

Odokkc do:mvrtokkc gomugko luto “No ngok mc:bomsunam Awwo; nom ngo airu:pc mc:lvgsudag.”

LU:KKC 3:22

odokkc Angunnc Yalodc Bvk tayc:do amvr-amo ka:begpc dc:yi:kang, pckv apirkoncmpc, odokkc taycng amo:tokkc gomugko lukang, “No ngok mc:bomsunam Awodc; nokkolo ngo airu:pc mc:lvgsudag.”

LU:KKC 24:27

Odokkc Mose:kolokkclang lungorlunc kvdv:dokkc lurobbomna Bv Ru:nckc agom adgab appv:dcm lukur lule:la lubito Bvk agom lunamdcm.

JO:N 5:32

akoda dung sc:kobv ngok agomcm lukanbidagji, odokkc ngo kindag ngok agomcm Bv lukanbinamdc arro.

1 JO:N 5:9

Jodi ngolu tani:lok lukanbinam kvdv:dcm torvgsuyc, Ru:ncpvnckc lukanbinamdc bottcya:dag; kapcnc sc:na Ru:ncpvnckc lukanbinamdc jc Bvk Awodcm Bv lukanbito.