JO:N 5:30 - ANU LUGOD N. T. (BSI)

³⁰ “Ngo avkc ilang-gvlangkokki okkomsin ila:mang; ngok tannamdcmpc, ngo kcbangcm ba:do; odokkc ngok kcba:dc arodag, kapila:nc ngok mcngkamcm ngo mamang cmpige:la Bvk mcngkamcm mado sc:ko ngom mclvgtu:ji.

JO:N 5:30 ပူးပေါင်းရင်းမြစ်များ

METIU 26:39

Odokkc adjioko gvbadla Bv pogbumna kumto, “Ngok Abu, cdcm ila:ycmvlo, sc bati:scm ngokkolokkcm la:paktei; cmpidaggom, ngok mcngkamdcmpcmang, cmpige:la nok mcngkamdcmpc.”

JO:N 14:10

Nolu mc:jvgma:nci jc ngo Abudo du:mvndung odokkc ngok Abudc ngokkolo du:mvndung cmna? Ngok nolum lunam agomkvdv:dc ngok avkc ilang gvlangki lumang; cmpige:la cdc Abudc sc:kobv ngokkolo du:dagnc Bvk agercm Bv gerdag.

JO:N 17:4

Ngo nom mo:pvso amincm gvmotobong, agerdcm gerpvtla no okodcm ngom gerpvttoka cmna lutungaji;

JO:N 18:11

Jisubv Pitormc luto, “Nok matsvgdcm odok payugdo lc:tokuk; ngo bati:dokkcm tv:ma:yclang okodcm Abudc ngom bitu:ji?”

JO:N 4:34

Jisubv bulum luto, “Ngok apindc Bvk mcngkampc ager gernamdc sc:kobv ngom mclvgtagji, odokkc Bvk agerdcm ingapdopc.

JO:N 5:19

Jisubv bulum luto, “Aroru:pc, aroru:pc, ngo nolum lubidung, Awodc Bvk avkc mcngkampc ila:mang, cdcmpige:la Bvk Abudc okodcm gerla du:ji cdcm kangge:la:pak; kapila:nc oko okodcmci Bv gerdagnc, Awodcm cdcmv:pc idag.

JO:N 6:38

Kapila:nc ngo taycng amo:tokkc gvidung, ngok avkc mcngkamdcmpc gerkapcmang, cmpige:la sc:kobv ngom mclvgtagnc Bvk mcngkamcm gerkapc;

JO:N 8:28

Cdcmpila Jisubv luto, “Nolu cdvlo Tani:kc Awodcm la:sa:ycnc odo nolu ngo:jc Bv cmna kinycpc, odokkc ngo avkc inagvnanckokki okkomsin imang cmna cmpige:la Abudok luyirkammcmpc ludo.

JO:N 8:42

Jisubv bulum lubito, “Ru:ncpvncbv noluk Abuya:mvlo, nolu ngom aipc mc:ya:pc, kapcnc ngo Ru:ncpvnc kolokkc lennc odokkc gvnnc; ngo avkc mcngkampc gvmang, cmpige:la Bv ngom mclvgtung.

JO:N 8:50

Ckvdaggom ngo avkc amin gvnamcm masumang; Akkongkonc dung sc:kobv madagji odokc bv:bong kcba: moncdc.

ROMANKVDVNG 15:3

Kapila:nc Kristobv avdc avycm aipc mc:tv:sumomangai; cmpige:la, cdcm adla lc:namdcmpc, “nom aisi:ma:pc lugc:nc kvdv:dok lugcnamdc ngokkolo pa:to.”

ROMANKVDVNG 2:2

Ngolu kindagjc Ru:ncpvnckc kcba:ba:namdc cdc sc:kobulu cdcmpc agercmgerdagji oddarbulu pvnga:dag.

ROMANKVDVNG 2:5

Cmpige:la nok turnc odokkc mentumsula du:la:ma:nc asindokki no aglvngcm mckumsudung avyc avkc lcgangc aglvng longcdokkcpc cdvlo Ru:ncpvnckc dormoki ba:nam kcba:dcm ba:yckuji.