JO:N 5:25 - ANU LUGOD N. T. (BSI)

²⁵ “Aroru:pc, aroru:pc, ngo nolum lubidung, ayirdc pvnga:du:bong, odokkc cdc su:pagvngbong, cdvlo sinckvdv:dc Ru:ncpvnckc Awodok gomugcm tadbegycnc, odokkc cdc sc:kobulu tadycnc turyc.

JO:N 5:25 ပူးပေါင်းရင်းမြစ်များ

LU:KKC 15:24

Kapila:nc sc ngok awosc sikangai, odokkc su:pak lckoda turkangku; bv yokkangai, odokkc pa:toku,’ odokkc bulu mc:porobbomkang.

LU:KKC 15:32

Mc:pomcngannamdc airu:dagai, kapila:nc sc nok bvrosc sikangai, odokkc turkangku; bv yokkangai, odokkc pa:toku.’ ”

LU:KKC 9:60

Cmpige:la Bv bvm luto, “Sinckvdv:dcm buluk avkc sinckvdv:dc yudopc lc:tok; ckvdaggom noluk lcga:pc, gvkang odokkc Ru:ncpvnckc Migom doko mo:pvdok agomdcm lutadbigo:ta:ka.”

JO:N 13:1

Cdcmpc idodcm Gvbo:la gvla dopun dojardok po:pcbong, Jisubv Bvk mo:pvsokkc Abukoto:pc gvpakkunam ayirdc aninka:bong cmna cdvlo kintoji, mo:pvso sc:kobulu du:nc cdcmbulum ayangge:la, Bv bulum du:tcrdo:pc aipcmc:to.

JO:N 17:1

Jisubv cdvlo cdc agomkvdv:dcm lutoji, Bvk amigcm Bv bcrsa:la taycng amo:pc ka:to odokkc luto, Abba, ayirdc pvngangka:bong; nok Awodcm amincm gvmotobongka Awodc:jen nom amin gvmoycpc,

JO:N 4:21

Jisubv bvm luto, “Nc:nga, ngom mc:jvgtoka, ayirdc pvnga:du:bong cdvlo so adi:so:daggom Jerusalemdo:daggom nolu Abumc kumycpc.

JO:N 4:23

Cmpige:la ayirdc pvnga:du:bong, odokkc su:pakna, kumnckvdv:dc cdvlo Abudcm yalokokki odokkc arokokki kumycpc, kapila:nc cdcmpcna Abudc Bvm kumtoka cmna madagnc.

JO:N 5:21

Kapila:nc Abudc sinncm moturge:kula bulum turrnamcm bikunammcmpc, cdcmv:pc Awodc sc:komci mc:dagnc bvmmci turnamcm bidag.

JO:N 5:28

Cdcm mc:la mcngapla:ma:pc iyoka; kapila:nc ayirdc pvnga:du:bong cdvlo agolok du:nc appv:dc gomugdcm tadyc odokkc gvlenamyc,

JO:N 6:60

Agom tadjvgla gvmvnnc tani:kvdv:dok bojcrungkonc, cdcm cdvlo tattoji, luto, “Sc tornc agomko; cdcm sc:ko tadla:ycncm?”

JO:N 8:43

Nolu kapila mcngkin-tadkinma:n ngo okkom ludu:ji? Cdc lcga:dc nolu ngok agomkvdv:dcm tadrasula:ma:la:mvn.

JO:N 8:47

Sc:kobv Ru:ncpvnckcnc Ru:ncpvnckc agomcm taddag; nolu kapila cdcmbulum tadma:nc lcga:dc nolu Ru:ncpvnckcmang.”

JO:N 9:27

Bv bulum lubito, “Ngo nolum lubbcitobong, odokkc nolu tadangcitomang. Nolu kapila cdcm tadlv:dakkun? Nolusinnci Bvk agom tadjvgla gvmvnncpc ilv:dang?”

ROMANKVDVNG 6:4

Ngolum cdcmpila Bvk lcdulo agolo lc:to sinamlo:pc baptismo binamdokki, odomvlo jen Kristomc sikolokkcm turmokunamcmpc Abudok amingvnamdokki, ngolusin turnamlok lambcm gvpcnammc.

IPESIANG KVDVNG 2:1

Odokkc nolum Bv turmotoku, cdvlo aima:nc ager kvdv:dokki odokkc pa:p kvdv:dokki sila dungaji okolo nolu lcko gvkaji.

IPESIANG KVDVNG 2:5

cddo:mang cdvlo ngolu sila dungaji ngoluk imursiyarkoki, ngolum Kristok ayangkokki nolum moturtoku,

IPESIANG KVDVNG 5:14

Cdcmpidag cdcm lutag, “Kinsutoka, O yubla du:na, odokkc darobtoka yubkodokkc, odokkc Kristobv nolum pvangcm biycpc.”

KOLOSIANG 2:13

Odokkc nolu, imur ager gernam odokkc noluk adinno gadpukma:namno sila dungaji, Ru:ncpvncbv Bvk lcdulo turmotoku, ngoluk appvng gvmurkvdv:dcm mc:yinsuge:la,

LUNGOR LUNAM 3:1

“Odokkc Sardi:dok mondoli:dok taycng among lutad luncdo:pc attoka: “Bvk agomkvdv:dcm sckkc Ru:ncpvnckc Yalo kvnvddc du:ji odokkc kvnvd takarc du:ji. Ngo kindag nok agerkvdv:dcm; nokkc turra dung cmnam amindc dung, odokkc no sinnc.