JO:N 5:23 - ANU LUGOD N. T. (BSI)

²³ appvngcjen Awodcm mcnggcm mcnggcsudopc, bulu Abudcm mcnggcm mcngkamv:pc. Sc:kobv Awodcm mcnggcm mc:ma:ycnc Abudcm mcnggcm mc:mang sc:ko Bvm mclvgtu:ji.

JO:N 5:23 ပူးပေါင်းရင်းမြစ်များ

METIU 10:37

“Sc:kobv ngomyam avkc abudcm cdcmanggom ancdcm aiya:pc mc:ycnc bv ngokkcpc ipc arc kamang; odokkc sc:kobv ngomyam awodcm cdcmanggom omcdcm aipc mc:ya:ycnc bv ngokkcpc ipc arc kamang.

METIU 11:27

“Appvng attcm ngok Ba:bukokki ngokkolo:pc bitag; odokkc sc:kosin Ba:budcm kinmang Awodc:ma:mvlo odokkc akoncm sc:kom Awodc bvm lcngkanpc cmna balenna bama:mvlo.

METIU 12:21

Bv arokcbangcm mopvdopc ima:sisscm.”

METIU 15:8

“Tani:kvdv:dc nabberkokki ngom mcngcsudag, ckvdaggom asinkvdv:dc ngokkolokkc airu:pc mo:tcdag.

METIU 28:19

Gvkang cdcmpiga:lok odokkc appvng opvncm agom tadjvgla gvmvnncpc badmota:ka, bulum baptismongcm bila: bila: Abukc odokkc Awodok odokkc Angunnc Yalodok aminno,

LU:KKC 10:16

“Sc:kobv noluk agom taddagji bv ngok agomcmsin taddag, odokkc sc:ko nolum lupaksuycji ngomsin lupakdag, odokkc sc:ko ngom lupaksudagnc ngom mclvgncdc sc:konc Bvm bv lupakdag.”

JO:N 14:1

“Noluk asinkvdv:dcm mc:pinmcngoksuyoka; Ru:tummc mc:jvgtoka, ngomsin mc:jvgtoka.

JO:N 16:14

Bv ngom amincm gvmoyc, kapila:nc Bv okodc ngokkcnc la:yc odokkc cdcm nolum lukanna lubiyc.

JO:N 17:10

Ngok appv:dc nokkc, odokkc nokkc kvdv:dc ngokkc, odokkc ngo bulukkolo aminc gvdo.

ROMANKVDVNG 1:7

Ro:mdo Ru:ncpvnckc aipc mc:nam appv:do:pc, sc:kobulum angunnc tani:pc gogtoji bulukkolo:pc: Ngoluk Abu Ru:ncpvnckolokkc nolukkolo:pc ayangc mc:po odokkc Ru:tum Jisu Kristokolokkc.

ROMANKVDVNG 15:12

Odokkc Isaia:bv lubarra ludag, “Jessi:kc appvrdc pvrrenyc, sc:kobv Angu tani:kvdv:dcm ka:sv:mosv:pc cmna dagrobycnc; Bvkkolo Angu tani:kvdv:dc mc:tinyc.”

ROMANKVDVNG 6:22

Cmpige:la su:pak jc nolum pa:blokkc mopvtto odokkc Ru:ncpvnckc pagbopc ikang, pa:latkunamdc nolukkc angunnammc odokkc odok gerterdc, turyarnc turnamdc.

ROMANKVDVNG 8:9

Cmpige:la nolu adin amvrdo du:mang, nolu Yalodo dung, jodi aropakpc nolukkolo Ru:ncpvnckc Yalodc du:mvlo. Sc:kkci Kristokc Yalodc kama:ji Bvkkcmang.

1 KORINTIANG KVDVNG 1:3

Nolukkolo:pc ayangc odokkc Ru:ncpvnc ngoluk Abukotokkc mcnganc odokkc Ru:tum Jisu Kristokolokkc.

1 KORINTIANG KVDVNG 10:31

Cdcmpidag, nolu dodaggomba tv:daggom, cdcmanggom okodcmci no idonc, Ru:ncpvnckc amin gvnam lcgangonc itoka.

1 KORINTIANG KVDVNG 16:22

Sc:kaikc jodi Ru:tummc aipc mc:namko kama:mvlo, bvm pelvgnampc ika:kangka. Ngoluk Ru:tuma, gvtokuk.

1 KORINTIANG KVDVNG 6:19

Nolu kinma:nci jc noluk amvrkvdv:dc Angunnc Yalodok kumko cmna noluk arangv:do okodcm nolu Ru:ncpvnckolokkcm pa:toji?

2 KORINTIANGKVDVNG 1:9

Kapila:nc, ngolu mc:to jc ngolum mokedopc lulvg agomcm pa:tobong; cmpige:la cdc ngolum ngoluk avkolo mc:rasudopc imoge:mang cmna cmpige:la Ru:ncpvnckolo sc:kobv sinncm turmodokunc bvkkolo:pak.

2 KORINTIANGKVDVNG 13:14

Ru:tum Jisu Kristokc aya:dc odokkc Ru:ncpnckc aipc mc:namdc odokkc Angunnc Yalodok du:jonnamdc noluk appvngkc lcdulo dungka:langka.

2 KORINTIANGKVDVNG 5:14

Kapila:nc Kristokc aipc mc:namdc ngolum kanggabbomdag, kapila:nc ngolum kinmotag jc akonc appvngkc lcgangc sikang; cdcmpidag appvngc sikang.

2 KORINTIANGKVDVNG 5:19

cdcna, Kristokolo Ru:ncpvncbv lckomodungakui Bvkkokki rcngamscm, buluk imursiyarcm buluk birudi:pc, odokkc ngolum lckomokunamdok lutadcm togclvgla.

IPESIANG KVDVNG 6:24

Ayangc appvngkolo dungka:langka sc:kobulu cdvlosin yogma:nc aipcmc:namki ngoluk Ru:ncpvncmc aipc mc:dagji.

2 TIMOTI 1:12

Cmpige:la ngo anyi:mang, kapcnc ngo kindag sc:kom ngo mc:jvgdoji, odokkc ngo kindagrung jc Bv cdc Longcdc pvnga:dodo:pc ka:ribomla du:la:dag okodcm ngom lugablvgtagji.

HIBRIUKVDVNG 1:6

Odokkc lckoda, cdvlo Bv opongarnamkvdv:dcm mo:pvso:pc gvboyckunc, Bv ludag, “Ru:ncpvnckc taycng lutad appv:dcm Bvm kummotoka.”

2 PITOR 1:1

Simion Pitorbv, Jisu Kristokc ager gerya:nckolang mclvgla ager germonamko– Odobulu:pc sc:kobulu ngoluk lcdulo dagmvnnam mc:jvgcm pa:mvntonc ngolu Ru:ncpvnckc dormokanamdokki odokkc Mopvnc Jisu Kristokokki:

2 PITOR 3:18

Cmpige:la ngoluk Ru:tumkc odokkc Mopvtnc Jisu Kristokc ayangki odokkc kinnamki sv:sa:toka. Bvkkcpc su:paksin odokkc lo:dv-longkvpc amin gvka:langka! Amen.

1 JO:N 2:23

Sc:koi Awodcm lupakdagji Abudc bvkkolo kamang. Sc:kobv Awodcm arro cmna ludonc Abudc:sin dung.

2 JO:N 1:9

Sc:kobvi gvgcla gvdonc odokkc Kristokc ncrkvg agomdcm lukamdcmpc Ru:ncpvncbv kamang; sc:kobv ncrkvg agom lukamdcmpc du:tvdagnc Abudc:lang Awo anyipakdc du:ng.