JO:N 5:19 - ANU LUGOD N. T. (BSI)

¹⁹ Jisubv bulum luto, “Aroru:pc, aroru:pc, ngo nolum lubidung, Awodc Bvk avkc mcngkampc ila:mang, cdcmpige:la Bvk Abudc okodcm gerla du:ji cdcm kangge:la:pak; kapila:nc oko okodcmci Bv gerdagnc, Awodcm cdcmv:pc idag.

JO:N 5:19 ပူးပေါင်းရင်းမြစ်များ

JO:N 12:49

Kapila:nc ngok avkc ilang gvlangki ngo agomdcm lumang; Abudc sc:kobv ngom mclvgtagnc Bv avdci ngom lulvgcm lutag okkom lupcnamcji odokkc okko cmpcnammcji.

JO:N 8:28

Cdcmpila Jisubv luto, “Nolu cdvlo Tani:kc Awodcm la:sa:ycnc odo nolu ngo:jc Bv cmna kinycpc, odokkc ngo avkc inagvnanckokki okkomsin imang cmna cmpige:la Abudok luyirkammcmpc ludo.

JO:N 14:10

Nolu mc:jvgma:nci jc ngo Abudo du:mvndung odokkc ngok Abudc ngokkolo du:mvndung cmna? Ngok nolum lunam agomkvdv:dc ngok avkc ilang gvlangki lumang; cmpige:la cdc Abudc sc:kobv ngokkolo du:dagnc Bvk agercm Bv gerdag.

JO:N 10:18

Sc:kobvsin cdcm ngokkolokkcm la:mang, ckvdaggom ngo cdcm ngok mcngkampc tolvgdo. Ngokkc cdcm lc:nanc lc:lang-gvlangc dung, odokkc ngokkc cdcm langkunannc la:lang-gvlangc dung; cdc lulvgdcm ngok Abukolokkcm ngo pa:to.”

ROMANKVDVNG 8:11

Bvk yalodc sc:kobv Jisumc sikolokkcm turmotokuji nolukkolo du:mv-dagmvlo, sc:kobv Jisumc sikolokkcm turmotokuji noluk sikunc amvrkvdv:dcmsin turnamcm Bvk Yalodokki biyc okodc nolukkolo du:do dagdoji.

JO:N 9:4

Ngolu Bvk agerdcm gerpcrung iyc sc:ko ngom mclvgtagji, longgc du:dodcm; cdvlo sc:kobv:sin agercm gerra:ma:ycji, yummc a:dobong.

LU:KKC 21:15

Kaila:nc ngo nolum nappangkala kinnamko biyc, okodcm noluk agom tadma:pc lunc akosin lurasula:ma:yc cdcmanggom lukepla:ma:ycji.

JO:N 5:21

Kapila:nc Abudc sinncm moturge:kula bulum turrnamcm bikunammcmpc, cdcmv:pc Awodc sc:komci mc:dagnc bvmmci turnamcm bidag.

2 KORINTIANGKVDVNG 5:10

Kapila:nc ngolu Kristokc kcbang bangko tedkodo appvngc aincmnang aimangcm pa:ycpc, bv okkom amvrki ikaji cdcmpc.

JO:N 3:3

Jisubv bvm lubito, “Aro-aroru:pc, ngo nolum lubidung, akoncm anupc otenkuma:-sisscm, bv Ru:ncpvnckc migom doko mo:pvdcm ka:begma:yc.”

LUNGOR LUNAM 2:23

Odokkc mondoli: appvngkvdv:dc kinyc jc ngo Bv sc:kobv mc:namclang asinangcm mago:dagji, odokkc ngo noluk appvngcm ako akko:pc noluk ager gernamdcmpc pa:pcnamdcmpc biyc.

1 PITOR 3:18

Kapcnc Kristobv:sin pa:plcganc lckkongko sikang, cdc dormo kancdc dormokama:ncdok lcgangc, jen Bv ngolum Ru:ncpvnckolo:pc langangkupc cmna, adinpc mokelvgla cmpige:la yalodo turmotoku;

KOLOSIANG 1:16

Kapcnc bvkkolo appvngcm ru:tungai, taycngamongto:lang mo:pvso, ka:pa:nammcm cdcmanggom ka:pa:ma:namcm, migom dungkom cdcmanggom migom donamcm lc:namcm cdcmanggom migom doko amongcm cdcmanggom migom donc kvdv:ngcm–appvng attarkvdv:dcm Bvkkokki odokkc Bvk legangc ru:tungai.

PILIPIANG KVDVNG 4:13

Bvkkolo ngo appvng agercm gerra:dag sc:kobv ngom kvnggv:modagji.

PILIPIANG KVDVNG 3:21

sc:kobv ngoluk cmmum amvrcm amin gvnc amvrpc motenyckupc, Bv appvng attarcmci Bvk kcvgpc ila:nanc ialang-gvla:dokki idopc.

IPESIANG KVDVNG 3:16

jen Bvk mitc-mircmdok amin gvnamdcmpc Bv:jen nolum tornamki kvnggv:modopc Bvk Yalodokki asin arangkc amibo,

IPESIANG KVDVNG 2:5

cddo:mang cdvlo ngolu sila dungaji ngoluk imursiyarkoki, ngolum Kristok ayangkokki nolum moturtoku,

2 KORINTIANGKVDVNG 4:14

kinna jc sc:kobv Ru:tum Jisumc turmotokunc ngolumsin Jisukc lcdulo turmoycku odokkc noluk lcdulo Bvk dungkodo:pc langa:ycku.

1 KORINTIANG KVDVNG 15:12

Su:pak Kristomc sikolokkc turkuncpc lutadbido, kapc nolukkolokkc akke lula:dang sinckvdv:dokkc turkunammc kamang cmna?

ROMANKVDVNG 6:4

Ngolum cdcmpila Bvk lcdulo agolo lc:to sinamlo:pc baptismo binamdokki, odomvlo jen Kristomc sikolokkcm turmokunamcmpc Abudok amingvnamdokki, ngolusin turnamlok lambcm gvpcnammc.

AGER KVDVNG 2:24

Ckvdaggom Ru:ncpvnbv Bvm turmotoku, sinamlok kinamcm moturtoku, kapila:nc cdc Bvkkcpc odokki yc:tumnamna:mang.

JO:N 2:19

Jisubv bulum lubito, “Sc kumko okumscm mopen-moyentoka, odokkc lowumlo, ngo cdcm mopvnycku.”

1 TISSALONIANG 4:14

Kapila:nc ngolu mc:jvgdo jc Jisubv sikang odokkc darobkangku lckoda, cdcmv:pci, Jisukokki, Ru:ncpvncbv la:rvgsuycku Bvkkokki cdc sc:kobulu sikaji.

KOLOSIANG 1:11

Nolu appvngc appvng ilang gvlangkokki kvnggvnka:langka, amin gvbu:nc tornamdokki, kapcnc appvng mentumsula du:namclang menya:sula du:namki mc:pobadnamki,

METIU 26:39

Odokkc adjioko gvbadla Bv pogbumna kumto, “Ngok Abu, cdcm ila:ycmvlo, sc bati:scm ngokkolokkcm la:paktei; cmpidaggom, ngok mcngkamdcmpcmang, cmpige:la nok mcngkamdcmpc.”

JO:N 6:38

Kapila:nc ngo taycng amo:tokkc gvidung, ngok avkc mcngkamdcmpc gerkapcmang, cmpige:la sc:kobv ngom mclvgtagnc Bvk mcngkamcm gerkapc;

JO:N 12:50

Odokkc ngo kindagjc Bvk lulvgnamdc turyarla du:nam turnamdc. Ngo okkom ludonc, cdcmpila, Abudc ngom lukamdcmpci ngo ludo.”