JO:N 5:10 - ANU LUGOD N. T. (BSI)

¹⁰ Cdcmpinamc cdc logcdc Ager germa:pc yodla du:nam longgai. Cmpige:la Jiwudi: kvdv:dc csa:mokunam tani:dcm luto, “Silo ager germa:pc yodla du:nanc longgc, no amrong asubdcm jo:namdc lujvg-lurodcmpc jo:murc.”

JO:N 5:10 ပူးပေါင်းရင်းမြစ်များ

METIU 12:10

Odokkc ka:toka, laksannc tani:akonc odo dungai. Odokkc bulu Bvm tawuto, “Yodla du:nam longcdo csa:mokunamdc Ru:nckc agom jvggabnamdcmpc gernamci? Cdcmpc bulu Bvm aima:pc lupa:pc cmna luto.”

MARKKC 2:24

Odokkc Parisi:kvdv:dc Bvm luto, “Ka:tok, kapila no yoddo longgcm okodcm lujvglurodok lukampc ipa:ma:nc cdcm idang?”

MARKKC 3:4

Odokkc Bv bulum luto, “Lujvgluro lukampc yoddo longgcm ainc agercmyc: aima:n agercmyc gerpa:don, turnamko moturpa:donci cdcma:mvlo mokepa:donci?” Cmpige:la bulu aso:pc dungkang.

LU:KKC 13:14

Ckvdaggom kumko okumdok ka:sv:mosv:ya:ncdc, kvnggv:pc aglvng sangkang kapila:nc Jisubv ager germa:pc yodla du:nam longcdo csa:motoku, tani:kvdv:dcm lubito, “opta:do ager gerpcnanc longkcngko dung; odo longckvdv:do gvlangka odokkc csa:molangkuka, odokkc ager germa:pc yodla du:nanc longckvdv:do:mang.”

LU:KKC 23:56

Odokkc bulu gvlattoku, odokkc yonnam tulangcm mosv:to. Lulvg lukamdcmpc bulu yodla ager germa:pc du:do longcdo du:tedla du:to.

LU:KKC 6:2

Kapila nolu yodnam longcdo lujvg lurodok lukampc ipcma:namdcm idu:n?

JO:N 1:19

Odokkc sc:na Jo:nkc lukan binamdc, cdvlo “No sc:kobv:n?” Cmna Jiwudi:kvdv:dok dormo ager gernclok gvgcbonc kvdv:dcmnang Lebiang kvd:dcm Jerusalem dokkcm bvm tawudopc mclvgtungaji.

JO:N 5:11

Cmpige:la bv bulum lubito, “Ngom csa:mokunc tani:dc ngom luto, ‘Nok amrong asubdcm la:sala bomna gvkangkuka.’ ”

JO:N 5:15

Odokkc tani:dc gvkangku odokkc Jiwudi:kvdv:dcm lubitoku jc cdc Jisubvai sc:ko bvm csa:motokuji.

JO:N 5:16

Odokkc cdda:na Jiwudi:kvdv:dc kapila Jisumc ipusire:ycm ikaji, kapila:nc Bv Ager germa:pc yodal du:do longcdom cdcm gerto.

JO:N 7:23

Yodla ager germa:pc du:dom tani:ycm gadpukkoi gaddomvlo, Mose:kc lujvg lurodok lukamdcmpc ima:pc ipckc cmna, nolu ngom aglv:dagnci ngo tani:pakko yodla ager-germa:pc du:do longcdcm csa:motokuncm?

JO:N 9:16

Parisi:kvdv:dok akke luto, “Sc tani:sc Ru:ncpvnc kotokkcmang, kapila:nc Bv yodla ager germa:pc du:namdcmpc du:mang.” Ckvdaggom akedc luto, “Kapc papi:tani: akonc cdcmpinc agerko gerla:ycn?” Buluk ara:do angu angunammc lenkang.