JO:N 4:14 - ANU LUGOD N. T. (BSI)

¹⁴ cmpige:la sc:kobvi ngok binam asidcm tv:ycnc, cdvlosin tv:lvngkuma:ycbong; ngok bvm binam asidc bvkkolo jili:pc iyc turyarla turnamdok appv:dc bidlentvla du:yc.”

JO:N 4:14 ပူးပေါင်းရင်းမြစ်များ

METIU 25:46

Odokkc bulu lo:dvscm du:tvnc dcmke-mokekodo:pc gvyc, cmpige:la dormokanc kvdv:dc lo:dvscm du:tvnc turnamdo:pc gvyc.”

METIU 5:6

“Ru:ncpvnckc agomdcmpc inam gvnam lcgangc kcno:nc odokkc tv:lv:nckvdv:dc, aipc luitpcnamc, kapila:nc bulu dotvng tv:tvngyc.

JO:N 10:10

Dopsongkvdv:dc dopsongkapclang mokekapc odokkc mopen-moyenkapc gvdag; Ngo gvka bulujen turnamcm pa:ycpc cmna, odokkc cdcm pv:se-pv:yedopc pa:ycpc cmna.

JO:N 11:26

odokkc sc:kobvi turra du:doscm ngom mc:jvgycnc cdvlosin sima:yc. No cdcm mcjvgdang?”

JO:N 4:10

Jisubv bvm luto, “No Ru:ncpvnckc amanpc binamdcm kinya:mvlo, odokkc sc:kobvi nom, Asiko tv:pc bi:pcn cmna kodu:song, no Bvm tawuya:pc, odokkc Bv nom turyarla du:nc asidcm biya:pc.”

JO:N 4:11

Cdc nc:dc Bvm luto, “Miganga, nokkc suksa:nannc okkosin kamang, odokkc siru:sc orv:dag; okolok no cdc turyala du:nc asidcm pa:ycn?

JO:N 4:13

Jisubv bvm lubito, “Sc:kobvi sc asiscm tv:ycnc lckoda tv:lv:ycku,

JO:N 4:36

Sc:kobv gadycnc bv garrcm pa:dag, odokkc turyarla turnamdok a:ycm pvrdag, odomvlo a:m pidncdc:la gadncdc lckko:pc mc:poyc.

JO:N 6:27

Yogpakpcnc donam tv:namdok lcgangc agercm geryoka, cmpige:la oko donamdc turyarla turnamdokkcpc du:tvdagnc odok lcga:pc ilangka, okodcm tani:kc Awodc nolum biycji; kapila:nc bvkkolo Abu Ru:ncpvncbv bvk muorcm tubjedlvgdag.”

JO:N 6:35

Jisubv bulum lubito, “Ngo:na cdc turkunamdok pita:dc; sc:kobv ngokkolo:pc gva:ycnc bv kcno:ma:yc, odokkc sc:kobv ngom mc:jvgycnc bv cdvlosin tv:lv:ma:yc.

JO:N 6:58

Sc:na donamdc okodc taycng amo:tokkc gvidu:nc, abukvdv:dc doge:la sinamdcmpinc mang; sc:kobv sc donamscm doycnc lo:dvscm turyartvla du:yc.”

JO:N 7:37

Dopun dojardcm dongapdo longcdo, bottaru:nc longcdo, Jisubv dagrobto odokkc bottcpc lugo:bito, “Sc:koiyc tv:lv:dagmvlo, bvm ngokkolo:pc mca:lvgtoka odokkc tv:motoka.

ROMANKVDVNG 5:21

odomvlojen, pa:bc sinamlo migom doto ayangcsin dormo kanamki turyarla turnamdo Jisu Kristo ngoluk Ru:tumkokki migom doycpc cmna.

ROMANKVDVNG 6:23

Kapila:nc pa:bcm ila ircpa:namdc sinamc, cmpige:la Ru:ncpvnckc cpv:pc binam amandc ngoluk Ru:tum Kristo Jisukolo turyarla turnamdc.

2 KORINTIANGKVDVNG 1:22

Bvk tubjedcm ngolukkolo tublvgto odokkc Bvk Yallom ngoluk asin ara:bo bino:la arorungc cmna bito.

IPESIANG KVDVNG 4:30

Odokkc Ru:ncpvnckc Angunnc Yalodcm mc:nying moyoka, sckkolo nolum muworcm tubjettagji motunam longcdok lcgangc.

1 PITOR 1:22

Noluk yalokvdv:dcm narc:pc mopu:la:yam nolukkc arodcm lukamdcmpc tadla bvrrang kvdv:dcm mc:juppc aipc mc:mvnsula, akoncm akonc kvnggv:pc asinbokki aipc mc:mvnsulangka.

1 JO:N 5:20

Odokkc ngolu kindag jc Ru:ncpvnckc Awodc gvka odokkc ngolum mcngkinsunamcm sc:kobv arroji Bvm kindopc bito; odokkc ngolu Bvkkolo dung sc:kobv arroji, Bvk Awo Jisu Kristokolo. Sc:na aro Ru:ncpvncdc odokkc lo:dv longkvpc turra du:namdc.

LUNGOR LUNAM 7:16

Bulu cdvlosin kcno:ma:bong, cdvlosin tv:lv:sinma:bong; do:nyitc bulum ka:la kangkema:yc, cdcmanggom atvpc amna amkema:yc.

LUNGOR LUNAM 7:17

Kapcnc Me:r Awodc migom tedkodo ara:dokkcdc buluk kanggapncpc iyc, odokkc bv bulum luyirla cdc turra du:nc jili: asido:pc gvboyc; odokkc Ru:ncpvncbv appvng migscm buluk amigkvdv:dokkcm tidpagbiycku.”