JO:N 4:10 - ANU LUGOD N. T. (BSI)

¹⁰ Jisubv bvm luto, “No Ru:ncpvnckc amanpc binamdcm kinya:mvlo, odokkc sc:kobvi nom, Asiko tv:pc bi:pcn cmna kodu:song, no Bvm tawuya:pc, odokkc Bv nom turyarla du:nc asidcm biya:pc.”

JO:N 4:10 ပူးပေါင်းရင်းမြစ်များ

LU:KKC 11:13

Nolu cdcmpcmvlo, sc:kobulu aima:nc, noluk ommangkvdv:dcm kapc ainc amancm bipcnammcji kindo, cdcm cddvko bojcya: pc taycng among Abubv Angunnc Yalodcm sc:ko koycnc bvm biycnc!”

JO:N 16:3

Odokkc bulu cdcm iyc lcga:dc bulu Abudcm kintomang, cdcmanggom, ngomsin.

JO:N 17:3

Odokkc cdcna turyarla turnamdc, jc bulu nom kindag nowong aro Ru:ncpvncdc cmna, odokkc Jisu Kristomc sc:kom no mclvgtagnc.

JO:N 3:16

Kapila:nc Ru:ncpvncbv mo:pvscm cddvpcjc aipc mc:tonc Bv avkc atcr Awodcm bito, Bvm mc:jvgnc takamci sima:yc cmpige:la turyarla turla du:namcm pa:yc.

JO:N 4:14

cmpige:la sc:kobvi ngok binam asidcm tv:ycnc, cdvlosin tv:lvngkuma:ycbong; ngok bvm binam asidc bvkkolo jili:pc iyc turyarla turnamdok appv:dc bidlentvla du:yc.”

JO:N 6:35

Jisubv bulum lubito, “Ngo:na cdc turkunamdok pita:dc; sc:kobv ngokkolo:pc gva:ycnc bv kcno:ma:yc, odokkc sc:kobv ngom mc:jvgycnc bv cdvlosin tv:lv:ma:yc.

JO:N 6:51

Ngo:na turnc donamdc okodc taycng amo:tokkc gvidu:ji; sc:koiyc akonc sc donamscm domvlo, bv lo:dvscm turyc: odokkc mo:pvsok lcgangc turnam bipcnam donamdc ngok adinc.”

AGER KVDVNG 9:11

Odokkc Ru:tumbv bvm luto, “Darobtok Yvg cmnam nogor ali:do:pc gvkang, odokkc Tarsulok tani:ko Soul cmnamko Juda:kc okumdok mala ka:langka; kapila:nc ka:toka, bv kumna dung,

ROMANKVDVNG 8:32

Sc:ko Bv Bvk avkc Awodcm cmmumpc mctoma:ji cmpige:la ngoluk appvngkcpc bipaktonc, Bv ngolum appvng attarcm Bvkkokki bima:yclang?

1 KORINTIANG KVDVNG 1:30

Bv:na noluk Kristo Jisukolo turnamkvdv:dok lenkodc:nc, sc:kom Ru:ncpvncbv ngoluk kinnampa:nampc itoji, ngoluk dormo kanamcm odokkc mopu:la narc:pc:sc:monamcm odokkc rcpvtnammcm;

1 KORINTIANG KVDVNG 10:4

Kapila:nc bulu kangkvma:nam Vlv:dokkcm tv:to okodc buluk lcdulo gvmvnka:ji, odokkc cdc Vlv:dc Kristobvai.

2 KORINTIANGKVDVNG 9:15

Ru:ncpvncmc aipai binampc ika:langka Bvk lukurbila:ma:nam amandokki.

IPESIANG KVDVNG 2:8

Kapila:nc ayangkokki nolum mc:jvgkokki mopvttak; odokkc cdc noluk avkc inamkokkimang.

HIBRIUKVDVNG 6:4

Kapcnc lcko luyirla kinmodag lcdudokkc cdcmbulum lckoda asincm mc:dvrra mclatsumolangkupc mc:la:mang, sc:kobulu taycng amandcm pangkvtu:bo:ji, odokkc Angunnc Yalodcm pa:mvnkunnc,

1 JO:N 5:20

Odokkc ngolu kindag jc Ru:ncpvnckc Awodc gvka odokkc ngolum mcngkinsunamcm sc:kobv arroji Bvm kindopc bito; odokkc ngolu Bvkkolo dung sc:kobv arroji, Bvk Awo Jisu Kristokolo. Sc:na aro Ru:ncpvncdc odokkc lo:dv longkvpc turra du:namdc.

LUNGOR LUNAM 21:6

Odokkc Bv ngom luto, “Cdcm gerpvttobong! Ngo Alpa:dc:lang Omega:dc, cdc lenrobbomkang odokkc lentcrdc. Tv:lv:ncdcm ngo turnam jili:dok asscm murkong la:ma:pc tv:moyc.

LUNGOR LUNAM 22:17

Cdc Yalodc:lang Magbodc luda, “Kajc Gvtoka.” Odokkc bvm sc:kobv taddagji “Kajc!” Lumotoka. Odokkc bvm sc:ko tv:lv:dagji gva:motoka, arc la:ma:pc sc:kobv mc:dagnc turnamdok asidcm tv:motoka.

LUNGOR LUNAM 7:17

Kapcnc Me:r Awodc migom tedkodo ara:dokkcdc buluk kanggapncpc iyc, odokkc bv bulum luyirla cdc turra du:nc jili: asido:pc gvboyc; odokkc Ru:ncpvncbv appvng migscm buluk amigkvdv:dokkcm tidpagbiycku.”