6 Adinkokki adinc, odokkc Yalokokki onamdc yallo.
sc:kobulu i:kokki cdcmanggom adin-amvrkokkisinmang cdcmanggom tani:mc:ngkamdcmpc onammang, cmpige:la Runcpvnckokki onamcji.
Ngo ludag cmna nolu mc:la mcngapla:ma:pc iyoka, ‘Nolu anupc otenkosuru:pa:ycku.’
Kapila:nc ngo kindag jc ngokkolo oko aincsin du:ma:dagmang, cdcna, ngok adin amvrso. Ngo mc:la:dag okodc aro igod gvgoddagji, cmpige:la ngo cdcm ila:mang.
Ru:ncpvncmc aipai binampc ika:langka noluk Ru:tum Jisu Kristokokki! Odomvlo, ngo avyc avkcpc Ru:ncpvnckc lujvglurodcm lukamdcmpc ngok asinbokki ila:yc, cmpige:la ngok adin amvrdokki ngo pa:bdok lujvglurodok lukamdcmpc iycpc.
Ngolu amvrsok mcngkampc turla du:dodcm, ngoluk pa:b ilv:la mc:namkvdv:dc, lujvglurodokki dowusa:la, sinamlokkcpc a:yc e:dopc ngoluk alcalak kvdv:dc ager gerla dungai.
adin amvrdok lukampc turpc–kapila:nc nolu jodi adinamvrdokkcmpc turmvlo nolu siyc, cmpige:la Yalodokki adin amvrdok inamgvnam ager gernam kvdv:dcm sikolo mokemvlo nolu turyc.
Cmpige:la sc:kobv Ru:tumkokki lckoka:ji Bvk lcdulo yalo akkongkopc idag.
Cdcmpidag, jodi sc:kaiyc Kristokolo du:nc bv anupc ru:namc; akudc katoma:bong, ka:toka, anudc a:du:bong.
Odokkc cdc sc:kobulu Kristokcpc idagji Jisukcjc adin amvrdcm kurusdo pvtketo odok mc:nam sagnam dc:mang.
Odok buluk ara:lok ngolu appvngc lcko ngoluk adin-amvr mc:boka:bodcmpc turra dungai, amvrdoklang asindok mcngkamdcmpc gvla, odokkc cdcmpila ngolu scwu-sobabki aglvng sa:namlok ommangai, tani:opvnlok ake kvdvngv:dcmpc.
Bvkkolo nolusin gadpuknammcmsin gadkosuka, adin-amvrdcm la:paksula Kristokc gadpuknamdo;
Ru:ncpnckolokkc onam sc:kosin pa:bcm imang; kapcnc Ru:ncpvnckc mcngkamgvkamdc bvkkolo du:mvndag, odokkc bv pa:bcm ila:mang lcga:dc bv Ru:ncpvncklokkc lennc.
