JO:N 3:36 - ANU LUGOD N. T. (BSI)

³⁶ Sc:kobv Awodcm mc:jvgdagnc bvkkc turyartvla du:nam turnamdc dung; sc:kobv Awodok lunamdcm tadma:ycnc turnamcm ka:pa:ma:yc, cmpige:la bvkkolo Ru:ncpvnckc aglvngc du:yc.

JO:N 3:36 ပူးပေါင်းရင်းမြစ်များ

METIU 25:46

Odokkc bulu lo:dvscm du:tvnc dcmke-mokekodo:pc gvyc, cmpige:la dormokanc kvdv:dc lo:dvscm du:tvnc turnamdo:pc gvyc.”

MARKKC 16:16

Sc:kobv mc:jvgycnc odokkc baptismongcm la:ycnc bv moturnam pa:yc; cmpige:la sc:ko mc:jvgma:ycnc, sika:langka cmna tolvgyc.

LU:KKC 2:30

Kapila:nc ngok avkc amiksc nok moturcm ka:begto

LU:KKC 3:6

Odokkc appvng tani:ope:yc Ru:ncsa:nckc moturdcm ka:begyc.”

JO:N 1:12

Cmpige:la Bvm torvgsunc appv:dc, Bvk aminnok mc:jvgnc kvdv:dc, Ru:ncpvnckc omma:pc ilang-gvlangcm bito;

JO:N 10:28

odokkc ngo bulum lo:dvscm turyarla turla du:nam turnamcm bido, odokkc bulu cdvlosin yogpakma:yc, odokkc sc:kosin bulum Abudok alagdokkcm sopakla:ma:yc.

JO:N 3:3

Jisubv bvm lubito, “Aro-aroru:pc, ngo nolum lubidung, akoncm anupc otenkuma:-sisscm, bv Ru:ncpvnckc migom doko mo:pvdcm ka:begma:yc.”

JO:N 4:36

Sc:kobv gadycnc bv garrcm pa:dag, odokkc turyarla turnamdok a:ycm pvrdag, odomvlo a:m pidncdc:la gadncdc lckko:pc mc:poyc.

JO:N 5:24

Aroru:pc, aroru:pc, ngo nolum lubidung, sc:kobv ngok gomugcm tadge:la Bvm mc:jvgdagnc sc:kobv ngom mclvgtagnc, turyarla turnamc dung; bv kcbang bangkolo gvangkumang, cmpige:la sikolokkc turnamlo:pc gvbatsutokubong.

JO:N 6:58

Sc:na donamdc okodc taycng amo:tokkc gvidu:nc, abukvdv:dc doge:la sinamdcmpinc mang; sc:kobv sc donamscm doycnc lo:dvscm turyartvla du:yc.”

JO:N 8:51

Aroru:pc, aroru:pc, ngo nolum lubidung, sc:koiyc ngok agomdcm tadmvlo, bv cdvlosin sinamcm ka:pa:suma:yc.”

AGER KVDVNG 14:2

Cmpige:la mc:jvgma:nc Jiwukvdv:dc Ru:ncpvncmc kinma:nc ope:kvdv:dcm nvgurlvgto odokkc bvrokvdv:dok tadma:pc buluk asinkvdv:dcm dvgammoto.

ROMANKVDVNG 4:15

Kapila:nc lujvglurodc aglvngcm lv:modag, cmpige:la okolo lujvglurro kama:ji odo imur siyarc kamang.

ROMANKVDVNG 5:9

Odokkci, cdcmpinamc, ngolu su:pak bvk i:kokki ainc cmna lunamc, Ru:ncpvnckc aglv:dokkc bojcrungko ngolum mopvtyc.

ROMANKVDVNG 8:1

Cdcmpila odo kcba:ba:la mokenammc kama:bong cdc sc:kobulu Kristo Jisukolo du:ji.

GALATIANG KVDVNG 3:10

Kapcnc sc:kobulu lujvglurodok agerkvdv:do mc:jvgla kcgc:donc pelvgnammc; kapila:nc cdcm adtag, “lujvgluro potindok adnam appv:dcm adkamdcmpc imanggvma:nc appv:dcm pelvgnampc ika:langka, odokkc cdcmbulum ima:nc.”

IPESIANG KVDVNG 5:6

Nolum sc:kobv:sin nolum cmmum agomkokki yadkosuyoka, kapcnc odokbuluk lcgangki jc Ru:ncpvnckc aglv:dc lunamdcm tadma:nc aowangkvdv:do:pc pvnga:dag.

1 TISSALONIANG 1:10

Turra du:nc odokkc aro Ru:ncpvnckolok agerko gerpc, odokkc tayc:tokkcm Bvk Awodok lcgangc toya:la du:pc, sc:kom Bv sikolokkcm turmotokuji, Jisumc sc:kobv a:pcnc palvg lvgnamdokkcm ngolum mopvtyckuji.

1 TISSALONIANG 5:9

Kapcnc Ru:ncpvncbv ngolum aglv:la palvgnamdok lcgangc lc:mang, cmpige:la ngoluk Ru:tum Jisu Kristokokki moturcm pa:dopc cmna:mvn,

HIBRIUKVDVNG 10:29

cddvko bojcya:pc palvgcm pa:pcnamcm sc:kobv Ru:ncpvnckc Awodcm mc:yamc:sancdc, odokkc lugoddok i:dcm narc:ma:pc imoncdc okodokki bvm narc:motagaji, odokkc aya:nc Yalodcm ipusire:ncdcm?

HIBRIUKVDVNG 2:3

kapc ngolu gagsila:ycn jodi ngolu cddvnc bottcnc moturdcm mc:yamc:samvlo? Cdcm lupo:danpc Ru:tumkokki lulenbito, odokkc cdcm ngolum arro cmna lubito cdc sc:kobulu Bvm tadtoji,

HIBRIUKVDVNG 3:18

Odokkc sc:kom Bv pesuton jc cdcbulu Bvk du:rasukodo gvangkuma:ycnc, cmpige:la cdc agom lukam tadma:nc kvdv:dc:ma:lang?

HIBRIUKVDVNG 3:19

Cdcmpidag ngolu ka:dag jc bulu gva:la:mangai jc buluk mc:jvgma:nam lcgangki.

LUNGOR LUNAM 21:8

Ckvdaggom cdc asin adji:pc mc:la pcsonc kvdv:dokkcpc, cdc narc:ma:pc imonam kvdv:dokkcpc, kapc cdc tani:mokenc kvdv:dokkcpc, ami-miycng langgo:nc kvdv:dokkcpc, odokkc appvng lume: lunc kvdv:dokkcpc, buluk turnamdc cdc siycngcmpinc pa:ta:do vmvkilang gondogki ugncdo, okodc lckon sinamdc:ji.”