JO:N 3:18 - ANU LUGOD N. T. (BSI)

¹⁸ Sc:kobv Bvm mc:jvgdonc aimang cmmang; sc:kobv Bvm mc:jvgma:nc kcba:lo aimang cmtoibong, kapila:nc bv Ru:ncpvnckc Awo atcrdok aminno mc:jvgtomang.

JO:N 3:18 ပူးပေါင်းရင်းမြစ်များ

MARKKC 16:16

Sc:kobv mc:jvgycnc odokkc baptismongcm la:ycnc bv moturnam pa:yc; cmpige:la sc:ko mc:jvgma:ycnc, sika:langka cmna tolvgyc.

JO:N 1:12

Cmpige:la Bvm torvgsunc appv:dc, Bvk aminnok mc:jvgnc kvdv:dc, Ru:ncpvnckc omma:pc ilang-gvlangcm bito;

JO:N 1:18

Sc:kosin cdvlosin Ru:ncpvncmc kangkvmang; Awo atcrdcwong; sc:kobv Abudok kcra:do dungkuji, Bv Bvm kinapmoto.

JO:N 20:31

ckvdaggom scmbulum Jisu Kristomc mc:jvgycpc cmna adto, Ru:ncpvnckc Awodcm, odokkc mc: jvgla nolu jen Bvk aminno turnamcm pa:ycpc cmna.

JO:N 3:16

Kapila:nc Ru:ncpvncbv mo:pvscm cddvpcjc aipc mc:tonc Bv avkc atcr Awodcm bito, Bvm mc:jvgnc takamci sima:yc cmpige:la turyarla turla du:namcm pa:yc.

JO:N 3:36

Sc:kobv Awodcm mc:jvgdagnc bvkkc turyartvla du:nam turnamdc dung; sc:kobv Awodok lunamdcm tadma:ycnc turnamcm ka:pa:ma:yc, cmpige:la bvkkolo Ru:ncpvnckc aglvngc du:yc.

JO:N 5:24

Aroru:pc, aroru:pc, ngo nolum lubidung, sc:kobv ngok gomugcm tadge:la Bvm mc:jvgdagnc sc:kobv ngom mclvgtagnc, turyarla turnamc dung; bv kcbang bangkolo gvangkumang, cmpige:la sikolokkc turnamlo:pc gvbatsutokubong.

JO:N 6:40

Kapila:nc sc ngok Abukc mcngkamdc jc sc:kobvi Awodcm ka:doji odokkc mc:jvgdoji Bvm bvkkolo turyarla turnamdcm pa:yc; odokkc bvm ngo du:tcr longcdo sosa:ycku.

JO:N 6:47

Aroru:pc, aroru:pc, ngo nolum lubidung, sc:kobv mc:jvgdagnc turyarla turnamc dung. Ngo:na turnamsok donamdc.

ROMANKVDVNG 5:1

Cdcmpila:yam, ngolum mc:jvgkokki ainc cmana lunamkokki, ngolukkc ngoluk Ru:tum Kristokokki Ru:ncpvnckolo mcnganc dung.

ROMANKVDVNG 8:1

Cdcmpila odo kcba:ba:la mokenammc kama:bong cdc sc:kobulu Kristo Jisukolo du:ji.

ROMANKVDVNG 8:34

Cdc Ru:ncpvnc bv:na sc:kobv aidag cmna lunamdc; sc:kon aimang cmna lupcncdc? Cdc Kristo Jisubv, sc:kobv sika:ji, c:v, sc:kom sikolokkcm turmotokuji, sc:kobv Ru:ncpvnckc lagbvg alakpc du:ji, sc:kobv ncrkvgpc ngoluk lcgangc kumbila du:nc?

HIBRIUKVDVNG 12:25

Ka:toka jc nolu bvm lupaksuma:pc sc:kobv lula du:ji. Kapcnc jodi bulu cdvlo Bvm lupaksutoji mo:pvso sc:kobv bulum lurvdla lutadtoji bulu basila:mang, aipc adji:ya:pc basila:yc jodi ngolu Bvm lupakyc sc:kobv taycngtokkc lurvdla, lutadycji.

HIBRIUKVDVNG 2:3

kapc ngolu gagsila:ycn jodi ngolu cddvnc bottcnc moturdcm mc:yamc:samvlo? Cdcm lupo:danpc Ru:tumkokki lulenbito, odokkc cdcm ngolum arro cmna lubito cdc sc:kobulu Bvm tadtoji,

HIBRIUKVDVNG 3:19

Cdcmpidag ngolu ka:dag jc bulu gva:la:mangai jc buluk mc:jvgma:nam lcgangki.

1 JO:N 3:23

Odokkc sc Bvk Awo Jisu Kristokc aminno mc:jvgpcnamc odokkc akoncm akonc aipc mc:pcnammc, kapc bv ngolum lulvgla lutoji.

1 JO:N 4:9

Odokki Ru:ncpvnckc aipc mc:namdcm ngolukkolo lenmoto, jc Ru:ncpvncbv Bvk avkc Awo atcrdcm rcngamso mclvgtungai, odomvlo jen ngolu Bvkkokki turra du:ycpc.

1 JO:N 5:10

Sc:kobv Ru:ncpvnckc Awodo mc:jvgtonc bvk avyvngkolo lukanbinamdc dung. Sc:kobv Ru:ncpvncmc mc:jvgma:nc, Bvm lume: lunckopc ludag, lcga:dc bv Ru:ncpvnckc lukanbinamdcm mc:jvgtomang jc Ru:ncpvncbv Bvk Awodcm lubinamdcm.

1 JO:N 5:12

Sc:kobvkkc Awodc du:ji turnamdc dung; sc:kokc Ru:ncpvnckc Awodc kama:ji turnamdc kamang.