15 odojen Bvm sc:kobvi mc:tinycnc turyarla du:nam turnamdcm pa:ycpc.”
“Ka:sulangka sc adji:onckvdv:sok akosinci tayumyok;
Odokkc bulu lo:dvscm du:tvnc dcmke-mokekodo:pc gvyc, cmpige:la dormokanc kvdv:dc lo:dvscm du:tvnc turnamdo:pc gvyc.”
Sc:kobv mc:jvgycnc odokkc baptismongcm la:ycnc bv moturnam pa:yc; cmpige:la sc:ko mc:jvgma:ycnc, sika:langka cmna tolvgyc.
Kapila:nc Tani:kc Awodc yogncdcm makakupc odokkc moturkakupc gvdung.”
Cmpige:la Bvm torvgsunc appv:dc, Bvk aminnok mc:jvgnc kvdv:dc, Ru:ncpvnckc omma:pc ilang-gvlangcm bito;
Ngo scm nolum lubitu:bong, ngokkolo mc:pomcnganc nolukkcjen du:ycpc. Rcngamso nolukkc kvnggv:pc mc:dvrc dung; ckvdaggom aipc mc:potoka, ngo rcngamscm mopvto.”
ckvdaggom scmbulum Jisu Kristomc mc:jvgycpc cmna adto, Ru:ncpvnckc Awodcm, odokkc mc: jvgla nolu jen Bvk aminno turnamcm pa:ycpc cmna.
Kapila:nc Ru:ncpvncbv mo:pvscm cddvpcjc aipc mc:tonc Bv avkc atcr Awodcm bito, Bvm mc:jvgnc takamci sima:yc cmpige:la turyarla turla du:namcm pa:yc.
Sc:kobv Awodcm mc:jvgdagnc bvkkc turyartvla du:nam turnamdc dung; sc:kobv Awodok lunamdcm tadma:ycnc turnamcm ka:pa:ma:yc, cmpige:la bvkkolo Ru:ncpvnckc aglvngc du:yc.
Aroru:pc, aroru:pc, ngo nolum lubidung, sc:kobv ngok gomugcm tadge:la Bvm mc:jvgdagnc sc:kobv ngom mclvgtagnc, turyarla turnamc dung; bv kcbang bangkolo gvangkumang, cmpige:la sikolokkc turnamlo:pc gvbatsutokubong.
Yogpakpcnc donam tv:namdok lcgangc agercm geryoka, cmpige:la oko donamdc turyarla turnamdokkcpc du:tvdagnc odok lcga:pc ilangka, okodcm tani:kc Awodc nolum biycji; kapila:nc bvkkolo Abu Ru:ncpvncbv bvk muorcm tubjedlvgdag.”
Kapila:nc sc ngok Abukc mcngkamdc jc sc:kobvi Awodcm ka:doji odokkc mc:jvgdoji Bvm bvkkolo turyarla turnamdcm pa:yc; odokkc bvm ngo du:tcr longcdo sosa:ycku.
Aroru:pc, aroru:pc, ngo nolum lubidung, sc:kobv mc:jvgdagnc turyarla turnamc dung. Ngo:na turnamsok donamdc.
‘Ka:toka, c:i lupaknckvdnga, odokkc mc:lamcngapla: ma:pc mc:tok, odokkc yogpagam ka:langka kapila:nc Ngo noluk longckvdv:do agerko gerdo, nolu cdvlosin mc:jvgma:nam agerko, sc:kaiyc cdcm lutadbidaggomsinci.’ ”
Odokkc bulu asiko gvpa:suto, odokkc magma:ncdc luto, “Ka:toka, sc:na assc du:nc!
odomvlojen, pa:bc sinamlo migom doto ayangcsin dormo kanamki turyarla turnamdo Jisu Kristo ngoluk Ru:tumkokki migom doycpc cmna.
Kapila:nc Kurusdok agomdc monba: ba:nclok agomc sc:kobulu sidagaji, cmpige:la cdc sc:kobulum moturtagnc cdc Ru:ncpnckc ilanggvlangc.
Odokkcsinci jodi ngoluk tadponc lutaddcm ungkomto, cdcm cdc sc:kobulu singapdu:nc bulug lcgangongc ungkomtag.
Ckvdaggom sc:ko kindag jc tani:akonc lujvg lurodok agerkvdv:dokki ainc cmna lumang cmpige:la Jisu Kristomc mc:jvgnamdokki, anki ngolu Kristo Jisukolo mc:jvglo, Kristokolo mc:jvgla ainc cmna ludopc, odokkc lujvglurodok agerkvdv:dokki sc:kosin ainc cmna luma:yc.
Ngom Kristokokki kurusdo pvtketo; cdc ngo:ma:bong sc:kobv turdu:ji, cmpige:la Kristobv sc:ko ngokkolo turdu:ji; odokkc ngok adinamvrki turnamdc ngo su:pak Ru:ncpvnckc Awodo mc:jvgdo turdung, sc:kobv ngom aya:tonc odokkc Bv avdc ngok lcgangc bitoji.
Cmpige:la ngolu cdc ngedlatsukunc kvdv:dokkcmang odokkc momvgnam kvdv:dokkc, cmpige:la cdc sc:kobulukkc mc:jvgc du:ji odokkc buluk yalokvdv:dcm lc:do.
Odokkokki ila Bv lo:dcm cdc sc:kobulu Ru:ncpvnckc kcra:lo:pc gva:dagnc Bvkkokki motula:dag, Bv lo:dvscm buluk lcgangc kumbipc turra du: la:yam.
Odokkc cdcna okodcm Bv ngolum pesubitonc, lo:dvnscm du:tvnc turnamdc.
Appvngc sc:kobvi Jisumc Kristobv cmna mc:jvgdonc Ru:ncpvnckc ommangc, odokkc appvngci anc abbom aipc mc:ncdc omma:dcm aipc mc:dag.
Odokkc ngolu kindag jc Ru:ncpvnckc Awodc gvka odokkc ngolum mcngkinsunamcm sc:kobv arroji Bvm kindopc bito; odokkc ngolu Bvkkolo dung sc:kobv arroji, Bvk Awo Jisu Kristokolo. Sc:na aro Ru:ncpvncdc odokkc lo:dv longkvpc turra du:namdc.