JO:N 21:2 - ANU LUGOD N. T. (BSI)

² Simon Pitorbv, Tomamc Opem cmna lunamdc Kanandok Natanaelmc Galildo, Jebidi:kc awokvdv:dcm, odokkc Bvk agom tadjvgla gvmvnnc anyikoda lckopc dungai.

JO:N 21:2 ပူးပေါင်းရင်းမြစ်များ

METIU 10:3

Tomas odokkc Metiubv migom murkong urkumsuncdc; Jakobbv Alpaeukc awodc, odokkc Taddaeubv;

MARKKC 1:19

Odokkc asudo:ko gvbatge:la, Bv Jebidi:kc awo Jakobmc odokkc bvk bvro Jo:nmc ka:begto, sc:kobulu buluk ollung ara:do dungge:la csabkvdv:dcm pola dungaji.

LU:KKC 5:10

odokkc cdcmv:pc Jebidi:kc awo anyi Jakoblang Jo:nbv:sin, sc:kobulu Simonkc ijongvjona:ji. Odokkc Jisubv Simonmc luto, “Pcsoyoka; su:pakkolokkc no tani:ycm gagycpc.”

JO:N 1:45

Pilipbv Natanaelmc rvgsuto, odokkc bvm luto, “Ngolu Bvm pa:to sc:kokc agomcm Mose:bv lujvglurodo odokkc lungor lunckvdv:dc adtaggaji Najaretdok Jisukc agomdcm, Josepkc awodcm.”

JO:N 11:16

Cmpige:la kajc bvkkolo:pc gvkai.” Tomabv, opemcmna gognamdc, agom tadjvgla gvmvnnc bvk ajonkvdv:dcm luto, “Kai ngolusin gvkai, bvk lcdulo simvnna:dopc.”

JO:N 2:1

Lowum longcdo Galildok Kanna:do midangko modungai, odokkc Jisukc ancdc odo dungai;

JO:N 2:11

Sidc, kanggodkvdv:dok lcngkananarpo:namdcm Jisubv Galildok Kanna:do lcngkanto, odokkc Bvk Ru:tumkvsa ilang-gvlangcm lcngkanto; odokkc Bvk agom tadjvgla gvmvnnc kvdv:dc mc:jvgkang.

JO:N 20:28

Tomabv Bvm lubito, “Ngok Ru:tumclang ngok Ru:ncpvnna!”

JO:N 4:46

Cdcmpila lckoda bv Galildok Kanna:do:pc gvtoku, okolo bv asscm angur ala:pc imokaji. Odokkc Kapernaumdo migom ager gernckolok awokonc ramdungai.