JO:N 21:15 - ANU LUGOD N. T. (BSI)

¹⁵ Bulu cdvlo rokom apindcm dongaptonc, Jisubv Simon Pitormc luto, “Simona Jo:nkc aowa, nolu scmbulumyam aiya:pc ngom mc:dagnci?” Bv Bvm luto, “C:v Ru:tuma; no cdcm kindag ngo nom aipc mc:dag.”

JO:N 21:15 ပူးပေါင်းရင်းမြစ်များ

METIU 10:37

“Sc:kobv ngomyam avkc abudcm cdcmanggom ancdcm aiya:pc mc:ycnc bv ngokkcpc ipc arc kamang; odokkc sc:kobv ngomyam awodcm cdcmanggom omcdcm aipc mc:ya:ycnc bv ngokkcpc ipc arc kamang.

METIU 16:17

Odokkc Jisubv bvm luto, “No aipai pa:nc, Simon Bar-Jonanga! Kapila:nc i:adinki cdcm nom lukanbimang, cmpige:la taycngamo:tok ngok Abubvc: lumoto.

METIU 18:10

“Ka:sulangka sc adji:onckvdv:sok akosinci tayumyok;

METIU 26:33

Pitorbv Bvm taddopc lubisuto, “Bulu appvngc nom mcpakdaggom, ngo cdvlosin mcma:yc.”

METIU 26:35

Pitorbv Bvm luto, “Ngo nok lcdulo sipcnamgomci, ngo nom lupaksuma:yc.” Odokkc cdcmv:pc agom tadjvgla gvmvnnc tani:kvdv:dc lungapto.

MARKKC 14:29

Pitorbv Bvm luto, “Bulu appv:dc mcpagamdaggom, ngo:dan mcpakma:yc.”

LU:KKC 12:32

“Pcsoyoka, adjio:nc kcrcnga, kapila:nc cdc noluk Abukc aipc mc:pola nolum migom doko mo:pvdcm bipc cmna mc:du:bong.

LU:KKC 22:32

cmpige:la ngo nok lcgangc kumdung nok mc:jvgdc:jen yogma:pcka; odokkc cdvlo no gvlatyckunc nok bvrokvdv:dcm tormolangka.”

JO:N 1:42

Bv bvm Jisukolo:pc goga:to, Jisubv bvm ka:to, odokkc luto, “Cdcmpidag no Jo:nkc awo Simonbv? Nom Kepas cmna gogyc” (okodcm Pitor cmdoji.)

JO:N 13:37

Pitorbv Bvm luto, “Ru:tuma, kapila ngo supak nok lcdulo gvmvnna:ma:ycn? Ngo nok lcgangc turnamscm tolvgyc.”

JO:N 16:27

kapila:nc avdci nolum aipc mc:dag, lcga:dc nolu ngom aipc mc:to odokkc ngo Abukotokkc gvdung cmna mc:jvgto.

JO:N 21:12

Jisubv bulum luto, “Kajc rokom apinko dopo:lai,” Cdcmpidodcm agom tadjvgla gvmvnnv tani:kvdv:dok akoncsin Bvm tawupc saktabla:tomang, “No sc:kobv:n cmna?” Bulu kindagai cdc Ru:tumbvai.

JO:N 21:7

Cdc agom tadjvgla gvmvnnc tani:dcm sc:kom Jisubv aipc mc:dagnc Pitormc luto, “Cdc Ru:tumbv:mvn!” Cdvlo Simon Pitorbv tattoji cdc Ru:tumbv cmna, bvk attarcm gclvgsutoku, kapila:nc bv ager gernam lcgangc pvryinsula dungai, odokkc siycng asido:pc sumjvngkang.

JO:N 8:42

Jisubv bulum lubito, “Ru:ncpvncbv noluk Abuya:mvlo, nolu ngom aipc mc:ya:pc, kapcnc ngo Ru:ncpvnc kolokkc lennc odokkc gvnnc; ngo avkc mcngkampc gvmang, cmpige:la Bv ngom mclvgtung.

AGER KVDVNG 20:28

okodo Angunnc Yalodcm nolum kanggabya:ncpc itu:ji, Ru:ncpvnckc mondoli:dcm ka:sv:mosv:dopc okodcm bv Avkc Awodok i:kokki pa:tokuji.”

AGER KVDVNG 20:29

Ngo kindag jc ngok gvpakdoku lcdulo aima:nc ra:ng ikiyc noluk ara:lo duga:ycpc, kcrc:dcm aima:ru:pc iycpc;

ROMANKVDVNG 14:1

Sc:kobv mc:jvgnamdok mc:nam gvnam rcmagdagji cdc tani:dokkcpc, bvm gogrvgsutok, cmpige:la agom mcngkamdcm luker-luyermvnsupcdan gogma:pcka.

ROMANKVDVNG 15:1

Ngolu sc:kobulu ilang gvla:dagji rcmagnc kvdv:dcm gerdumsupcnammc, odokkc ngolu avyc avycm aipc mc:tvngsupcnammang;

1 KORINTIANG KVDVNG 8:11

Odokkc noluk kinnamkokki cdc mcngkinma:nc tani:dcm moketo, oko bvrodok lcgangc Kristobv sika:ji.

GALATIANG KVDVNG 5:6

Kapila:nc Kristo Jisukolo gadpuknammc cdcmanggom gadpukma:namc cmmum arrc kannc, cmpige:la mc:jvgdc aipc mc:namkokki agercm gerdung.

IPESIANG KVDVNG 4:14

Odomvlo jen ngolu ko:ka:pc itvla du:ma:ycbong, olotolopc dcnggo:bomma:dopc odokkc o:rv:nc agomnok csarro yugo:bomdopc, tani:kvdv:dok aima:namki, bulu aima:n agerkokki yadgo:pc yadnamkokki.

IPESIANG KVDVNG 6:24

Ayangc appvngkolo dungka:langka sc:kobulu cdvlosin yogma:nc aipcmc:namki ngoluk Ru:ncpvncmc aipc mc:dagji.

HIBRIUKVDVNG 13:20

Su:pak mcngannok Ru:ncpvncbv sc:kobv ngoluk Ru:tum Jisumc sikolokkcm la:sa:tokunc me:r sobennok bottcru:nc kanggabya:ncdc, lo:dv-longkvpc du:nc lugoddok i:dokki,

HIBRIUKVDVNG 4:13

Odokkc Bvk kcra:lo oko ru:namcsin lc:sisula:mang, cmpige:la appv:dc moge:nammc odokkc Bvk amiglo ka:de:pc lc:tag okodokki ngolu ipcnammcji.

1 PITOR 1:8

Bvm ka:begma:pci Bvm nolu aipc mc:dag; su:pak nolu Bvm ka:begmanggomci nolu Bvm mc:jvgdag odokkc mcngkinla odokkc mc:pobadsula mc:podag.

1 PITOR 2:2

Anupc onam Kowawcmpc, angunpc narc:nc gakvrdcm asinang olangka, jc cdcmpc ila nolu moturnamdo:pc sv:sa:ycpc;

1 PITOR 2:25

Kapcnc nolu me:r sobencmpc gvnyokla gvdungai, cmpige:la su:pak Me:rsoben ka:svncdo:pc odokkc yalokvdv:dok Ka:svmosvncdo:pc gvlatbotakkubong.

1 JO:N 4:19

Ngolu aipc mc:dag, kapila:nc Bv ngolum aipc mc:po:to.

1 JO:N 5:1

Appvngc sc:kobvi Jisumc Kristobv cmna mc:jvgdonc Ru:ncpvnckc ommangc, odokkc appvngci anc abbom aipc mc:ncdc omma:dcm aipc mc:dag.

LUNGOR LUNAM 2:23

Odokkc mondoli: appvngkvdv:dc kinyc jc ngo Bv sc:kobv mc:namclang asinangcm mago:dagji, odokkc ngo noluk appvngcm ako akko:pc noluk ager gernamdcmpc pa:pcnamdcmpc biyc.