JO:N 21:12 - ANU LUGOD N. T. (BSI)

¹² Jisubv bulum luto, “Kajc rokom apinko dopo:lai,” Cdcmpidodcm agom tadjvgla gvmvnnv tani:kvdv:dok akoncsin Bvm tawupc saktabla:tomang, “No sc:kobv:n cmna?” Bulu kindagai cdc Ru:tumbvai.

JO:N 21:12 ပူးပေါင်းရင်းမြစ်များ

AGER KVDVNG 10:41

appvng tani:ycmmang cmpige:la ngolum sc:kobulum Ru:ncpvncbv lukanbidopc balentoji, Bv sikolokkc turdakku lcdulo sc:kobulu Bvk lcdulo doka-tvngkaji.

JO:N 16:19

Jisubv kindagai jc bulu Bvm tawupc cmna mc:dagai; cdcmpila Bv bulum lubito, “Ngo okkomna lutoji, cdcmyc nolu av avkvdv:dc tawuka:mvnsudu:n, ‘Ayir adjio:koda, odokkc nolu ngom ka:begma:yc, odokkc lckoda ayir adjio:koda, odokkc nolu ngom ka:begycku?’

JO:N 21:15

Bulu cdvlo rokom apindcm dongaptonc, Jisubv Simon Pitormc luto, “Simona Jo:nkc aowa, nolu scmbulumyam aiya:pc ngom mc:dagnci?” Bv Bvm luto, “C:v Ru:tuma; no cdcm kindag ngo nom aipc mc:dag.”

MARKKC 9:32

Ckvdaggom bulu lunamdcm tadkintomang, odokkc bulu Bvm tawupcsin pcsokangai.

JO:N 4:27

Oddar Bvk agom tadjvgla gvmvnnc kvdv:dc gvangamdoku. Bulu Bvm nc:ng akokokki luposula du:namdcm ka:la mc:la mcngabla:tomang, ckvdaggom okkomsin lutomang. “Nolu okkomna mc:dag?” Cdcmpcmanggom, “No kapila bvkkokki luposudu:n?” cmna.

LU:KKC 9:45

Cmpige:la bulu cdc lunam kvdv:dcm tadkintomang, odokkc cdcm bulukkolokkcm lc:sula lc:tungai, bulujen cdcm mcngkinma:ycpc cmna; odokkc bulu cdc lunam kvdv:dcm tadpcnammcm pcsokang.

METIU 22:46

Odokkc Bvm sc:kosin agom apirkosin lulatsula:tomang, cdcmanggom odo longcdokkc Bvm atv taunam agom apirkosin taupc asinc pvta tomang.

JO:N 21:11

Cdcmpila Simon Pitorbv ollu:do a:to odokkc csabdcm ru:yido:pc sowa:to, pirta pirtanc onggo bi:dandopc, cdc lvngko kolang yingo kolang pirumkai; odokkc cdc odokkvddvkodaggom, csabdc bettomang.