JO:N 20:26 - ANU LUGOD N. T. (BSI)

²⁶ Pi:nyi longc lcdulo, Bvk agom tadjvgla gvmvnnc kvdv:dc lckoda odo okumdo dungai, odokkc Tomabv buluk lcdulo du:tc:dungai, cmpige:la Jisubv gva:la buluk pongkokdo dagmvnto, odokkc luto, “Nolukkolo mc:po mcnganc dungka:langka.”

JO:N 20:26 ပူးပေါင်းရင်းမြစ်များ

METIU 17:1

Odokkc longc longkcng lcdulo Jisubv Bvk lcdulo Pitormc odokkc Jakobmc odokkc bvk bvro Jo:nmc gvbokang, angupc gvngula adi:taycngkolo:pc.

MARKKC 16:14

Odok lcdupc Bv vyvngkolang akodcm lcngkansuto bulu bullong tcbuldo dodotv:dom; odokkc Bv bulum luka:la luto buluk mc:jvgma:nam kvdv:dokki odokkc asinkvdv:dok tornamkvdv:dokki, lcga:dc bulu Bvk turnamdcm kangge:la:sin mc:jvgtomang.

LU:KKC 24:36

Bulu cdcm lula du:dodcm, Jisubv avdc buluk pongkokdo dagkansuto.

LU:KKC 9:28

Cdcmpc pi:nyi longcdok lcdulo cdcmbulum luge:la Bvk lcdulo Pitormclang Jo:nmc odokkc Jakobmc Bv gvbola adi:pc kumkapc gvkang.

JO:N 11:16

Cmpige:la kajc bvkkolo:pc gvkai.” Tomabv, opemcmna gognamdc, agom tadjvgla gvmvnnc bvk ajonkvdv:dcm luto, “Kai ngolusin gvkai, bvk lcdulo simvnna:dopc.”

JO:N 14:27

“Mc:po-mcngancm ngo nolum lc:bidung; ngok mc:pom ngo nolum lc:bitung; mo:pvsok bikampc ngo nolum bimang. Noluk asinkvdv:dcm mc:pin-mcngoksuyoka, cdcmpcmanggom pcsomoyoka.

JO:N 20:19

Odo longcdok yumcayirdo, kvnvd longcdok a:pongarnc longcdo, agom tadjvgla gvmvnnc tani:kvdv:dc yabgo kvdv:dcm mokabamsula dungai bulu okolo dungaji, Jiwu kvdv:dcm pcsola, Jisubv gva:la buluk ara:do dagkang odokkc bulum luto, “Nolukkolo mc:po mcnga:nc dungka:langka.”

JO:N 20:21

Jisubv lckoda bulum luto, “Nolukkolo mc:pomcnganc dungka:langka. Abubv kapc ngom mclvgtonc, cdcmv:pc ngo:sin nolum mclvgdung.”

JO:N 21:1

Odok lcdupc Jisubv lckoda avdc agom tadjvgla gvmvnnc kvdv:dcm Tiberia Siycng asi ru:yido lcngkansutoku; odokkc Bv avdc cdcmpc lcngkansuto.

JO:N 21:14

Cdc Jisubv agom tadjvgla gvmvnnc kvdv:dcm lcngkansunamdc Bvm sikolokkcm turmokunamdok lcdudokkc lcumka:boi.

AGER KVDVNG 1:3

Bulum Bvavdcturrangkula Bvk du:g kostom gvdag lcdudo bojcrung lcngkansubinam kvdv:dokkc Bv lcngkansuto, bulum yi:pi longcdok ara:do lcngkansudokudo, odokkc Ru:ncsa:nckc migom doko mo:pvdok agomcm lubi lubila.