22 Odokkc Bv cdvlo cdcmpc lutonc, Bv bulum ngalvgla luto, odokkc bulum luto, “Angunnc Yalodcm torvgsutoka.
Odokkc ngo Abudcm kumtombiyc, odokkc Bv nolum lusvmosv:nc akoda biyc, noluk lcdulo lo:dvpc du:mvndopc,
“Cmpige:la cdvlo Luyirncdc gviycnc, sc:kom ngo nolukkolo:pc Abukodokkc mclvgycnc, cdc arodok Yalodcmcina, sc:kobv Abudokkc gvlendagnc, Bv ngok agomcm lukanbiycpc;
Cdcmpidaggom imanggom ngo nolum lubidung: Cdc nolukkcpc idag jc ngo gvdagku, kapila:nc ngo gvkumvlo, Luyirncdc nolukkolo:pc gvyc; cmpige:la ngo gvkumvlo, Bvm ngo nolukkolo:pc mclvgbiyc.
Jisubv lckoda bulum luto, “Nolukkolo mc:pomcnganc dungka:langka. Abubv kapc ngom mclvgtonc, cdcmv:pc ngo:sin nolum mclvgdung.”
Nolu sc:kaikc pa:bcm mc:yinsumvlo, bulum mc:yinsutobong; nolu sc:kaikc pa:bcm mctvmvlo, cdcbulu du:dag.”
Cdcmpc Bv cdcm Yalodok agomcm luto, sc:kobulu Bvm mc:jvgdagnc torvgsupcnammai; kapila:nc Yalodcm odosin bimangada, lcga:dc Jisumc odosin amin gvmomangada.
Odokkc Pitorbv lukanbito, “Sc:kaiyc asidcm motumma:yclang sc tani:kvdv:scm baptismo bimoma:pc sc:kobulu ngolugvngkcmpc Angunnc Yalodcm torvgsutoji?”
Odokkc bv bulum luto, “Nolu mcjvgdodcm Angunnc yalodcm pa:tungayc?” Odo bulu luto, “Ma:, ngolu cdvlosin Angunnc yaloko dung cmna tadkvsincimang.”
Odo Pitorbv bulum luto, “Asinc mc:dvrra mc:latsutokuka, odokkc noluk appvngc Jisu Kristokc aminno baptismongcm la:tok noluk pa:pkvdv:dcm mc:yinsunam lcgangc; odokkc nolu Angunnc Yalodok amandcm pa:yc.
Odo bulu appvdc Angunnc Yalodc bingkang odokkc angu angu agomcm lurobbomkang, Yalodc bulum lunamdcmpci.
Odo Pitorbv, Angunnc Yalodc du:bomdanna du:la, bulum luto,
sc:kobulu gvla buluk lcgangc bulu jen Angunnc Yalodcm torvgsuka:langka cmna kumtoji;
Ngom scmmong nolum taumotei: Nolu yalodcm lujvglurodok agerkokki:yc torvgsukan, cdcmanggom mc:jvgla tadla:yc? Nolu odokkvdvkoi monba:ba:ncn?