JO:N 20:19 - ANU LUGOD N. T. (BSI)

¹⁹ Odo longcdok yumcayirdo, kvnvd longcdok a:pongarnc longcdo, agom tadjvgla gvmvnnc tani:kvdv:dc yabgo kvdv:dcm mokabamsula dungai bulu okolo dungaji, Jiwu kvdv:dcm pcsola, Jisubv gva:la buluk ara:do dagkang odokkc bulum luto, “Nolukkolo mc:po mcnga:nc dungka:langka.”

JO:N 20:19 ပူးပေါင်းရင်းမြစ်များ

METIU 10:13

odokkc cra:dc ainckomvlo, noluk mc:pomcnganc odo pvngangka:langka; ckvdaggom cdc ainc cra:ma:mvlo, noluk mc:posagpo nolukkolo:pc gvlatkangkulang.

METIU 18:20

Kapila:nc okoloi anyikomanggom awumko ngok aminno gvkumsuycnc, oddoi ngo buluk dungkolo du:do.”

MARKKC 16:14

Odok lcdupc Bv vyvngkolang akodcm lcngkansuto bulu bullong tcbuldo dodotv:dom; odokkc Bv bulum luka:la luto buluk mc:jvgma:nam kvdv:dokki odokkc asinkvdv:dok tornamkvdv:dokki, lcga:dc bulu Bvk turnamdcm kangge:la:sin mc:jvgtomang.

JO:N 14:27

“Mc:po-mcngancm ngo nolum lc:bidung; ngok mc:pom ngo nolum lc:bitung; mo:pvsok bikampc ngo nolum bimang. Noluk asinkvdv:dcm mc:pin-mcngoksuyoka, cdcmpcmanggom pcsomoyoka.

JO:N 16:22

Cdcmpila nolukkc su:pak mc:dvrc dung, cmpige:la ngo nolum lckoda ka:begycku odokkc noluk asinkvdv:dc mc:poyc, odokkc sc:kosin nolukkolokkcm mc:podcm la:pakma:yc.

JO:N 16:33

Ngo scm nolum lubitu:bong, ngokkolo mc:pomcnganc nolukkcjen du:ycpc. Rcngamso nolukkc kvnggv:pc mc:dvrc dung; ckvdaggom aipc mc:potoka, ngo rcngamscm mopvto.”

JO:N 20:21

Jisubv lckoda bulum luto, “Nolukkolo mc:pomcnganc dungka:langka. Abubv kapc ngom mclvgtonc, cdcmv:pc ngo:sin nolum mclvgdung.”

JO:N 20:26

Pi:nyi longc lcdulo, Bvk agom tadjvgla gvmvnnc kvdv:dc lckoda odo okumdo dungai, odokkc Tomabv buluk lcdulo du:tc:dungai, cmpige:la Jisubv gva:la buluk pongkokdo dagmvnto, odokkc luto, “Nolukkolo mc:po mcnganc dungka:langka.”

JO:N 21:1

Odok lcdupc Jisubv lckoda avdc agom tadjvgla gvmvnnc kvdv:dcm Tiberia Siycng asi ru:yido lcngkansutoku; odokkc Bv avdc cdcmpc lcngkansuto.

JO:N 21:14

Cdc Jisubv agom tadjvgla gvmvnnc kvdv:dcm lcngkansunamdc Bvm sikolokkcm turmokunamdok lcdudokkc lcumka:boi.

JO:N 7:13

Ckvdaggom Jiwukvdv:dcm pcsola:yam sc:kosin ka:de:pc Bvk agomcm lutomang.

AGER KVDVNG 1:3

Bulum Bvavdcturrangkula Bvk du:g kostom gvdag lcdudo bojcrung lcngkansubinam kvdv:dokkc Bv lcngkansuto, bulum yi:pi longcdok ara:do lcngkansudokudo, odokkc Ru:ncsa:nckc migom doko mo:pvdok agomcm lubi lubila.

ROMANKVDVNG 15:33

Mcngandok Ru:ncpvncbv noluk lcdulo lo:dcm dungka:langka. Amen.

1 KORINTIANG KVDVNG 15:5

odokkc jc Kepasmc lcngkansutoku, odokkc vyvngkolang anyidcm.

IPESIANG KVDVNG 2:14

Kapila:nc Bv ngoluk mcnganc, sc:kobv ngolum anyipagcm akkongkopc ru:toji, odokkc mirupc imvnsula:namdok mopansunamdok bare:dcm mopentoji,

IPESIANG KVDVNG 6:23

Bvrrangkvdv:do:pc mcnganc dungka:langka, odokkc mc:jvgkokki ayangc, Abu Ru:ncpvnckolokkc odokkc Ru:tum Jisu Kristokolokkc.

PILIPIANG KVDVNG 1:2

Nolukkolo:pc Ayangc odokkc Ru:ncpvnckolokkc mcnganc ngoluk Abuclang Ru:tum Jisu Kristokolokkc.

2 TISSALONIANG 3:16

Su:pak mcngandok Ru:tumbv avdc nolum mcngancm lo:dv ayirlo appv:lo bika:langka. Ru:tumbv noluk appv:lo dungka:langka.

HIBRIUKVDVNG 7:2

odokkc bvm Abrahambv appv:lok vyvngdok ornamko bito. Bv ipong gvpongarnc, bv amindcm angupc minnampc ila, dormokanclok migompc ila, odokkc odo bv Salemdoksin migompc ikang, cdcyam, mcngannok migomc.

3 JO:N 1:14

Ngo mc:dag nolum lomdanna ka:begyc, odokkc ngolu lckopc ka:rvgmvnsudanna luposuyc.

LUNGOR LUNAM 1:4

Jo:nkolokkc cdc Asia:do du:nc mondoli:kvdv:do:pc: Nolukkolo:pc ayangclang Bvkkolokkc mcnganc sc:kobv odokkc sc:ko dungaji odokkc sc:kobv gvpcncdcji, odokkc yalo kvnvddokkc okodc:bulu Bvk migomdungko kcra:do du:ji,