JO:N 20:17 - ANU LUGOD N. T. (BSI)

¹⁷ Jisubv bvm luto, “ngom gagkvyok, kapila:nc su:paksin ngo Abukoto:pc pv:sangkuma:da; cmpige:la ngok bvrrang kvdvngolo:pc gvkangkuk odokkc bulum lulangka, ngo Abukoto:pc dc:sang dungkubong odokkc noluk Abukodo, ngok Ru:nc sa:nclang noluk Ru:ncsa:nc koto:pc.”

JO:N 20:17 ပူးပေါင်းရင်းမြစ်များ

METIU 12:50

Kapila:nc sc:koi ngok taycng among abukc mcngkamdcmpc idogvdonc bvci ngok bvrro, odokkc bvrmc, odokkc annc.”

METIU 25:40

Odokkc cdc Migomdc bulum lubiyc, ‘Aroru:pc, ngo nolum lubidung, nolu sc ngok ame:yarnc bvrokvdv:sok akoi cdcmpc itomvlo, nolu cdcm ngommvn iton.’

METIU 28:7

Odokkc lomdanna gvkangkuk odokkc Bvk agom tadjvgla gvmvnnc tani:kvvdv:dcm lubita:kuk Bv:jc sikolokkc turkangku cmna, odokkc ka:tok, Bv nolum gvpo:la Galilolo:pc gvdag; olo nolu Bvm ka:begycpc. Ka:lang, ngo nolum lubitu:bong.”

MARKKC 12:26

Odokkc sinckvdv:dcm turmokunamdcm, Mose:kc potindcm nolu pokvma:nci, jarrubnc vsvngamv:dok agomdcm, Kapc Ru:ncsa:ncbv bvm lutonc, ‘Ngo Abrahamkc Ru:ncpvnnc, odokkc Isahakkc Ru:ncpvnnc, odokkc Jakobkc Ru:ncpvnnc?’

MARKKC 16:19

Cmpige:la Ru:tum Jisubv, bulum Bv lungapdodcm taycng amo:c bompakkangku, odokkc Ru:ncsa:nckc lagbvgpc tedkang.

LU:KKC 10:4

Oko murkong sogcncmsin bomyoka, sogcncm, lcyugcmbulum; odokkc ali:lambcdo sc:komsin kumrvgsuyoka.

JO:N 13:1

Cdcmpc idodcm Gvbo:la gvla dopun dojardok po:pcbong, Jisubv Bvk mo:pvsokkc Abukoto:pc gvpakkunam ayirdc aninka:bong cmna cdvlo kintoji, mo:pvso sc:kobulu du:nc cdcmbulum ayangge:la, Bv bulum du:tcrdo:pc aipcmc:to.

JO:N 13:3

Jisubv, Abudc Bvk alagdo appvngcm bitung cmna kinna:yam, odokkc Bv:jc Ru:ncpvnckotokkc gvnnc odokkc Ru:ncpvnckoto:pc gvdagku cmna,

JO:N 14:2

Ngok Abukc okumtc bojcrungko soyarc dung; cdcmpc kamangamvlo, ngo luma:ya:lang jc ngo noluk lcgangc mosvngkakupc gvdagku cmna,

JO:N 14:28

Nolu ngom ludopc lunamdcm tattobong, ‘Ngo gvdakkubong, odokkc ngo nolukkolo:pc gvycku.’ Nolu ngom aipc mc:mvlo, nolu mc:poya:pc, kapila:nc ngo Abukoto:pc gvdakku; kapila:nc Abudc ngomyam bottaya:nc.

JO:N 14:6

Jisubv bvm luto, “Ngo lambcdc, odokkc arodc, odokkc turnamdc; sc:kosin Abudo:pc gva:mang, ngokkokkima:mvlo.

JO:N 16:28

Ngo Abukotokkc gvdung odokkc rcngamso:pc gvdung; lckoda, ngo rcngamscm mcpakdu:bong odokkc Abukoto:pc gvdagkkubong.”

JO:N 17:11

Odokkc su:pak ngo mo:pvso kama:ycbong, cmpige:la bulu mo:pvso dung, odokkc ngo nokkodo:pc gvdokubong. Angunnc Abba, nok aminno bulum lc:toka, sc:kobulum ngom bitonc, bulujen akkongkopc iycpc, ngolug anyc akkongkopc inamcmpc.

JO:N 17:25

O dormokanc Abu, rcngamsc nom kintobong, cmpige:la ngo nom kinto; odokkc sc:bulu kindagjc no ngom mclvgtag.

JO:N 17:5

odokkc su:pak, Abba, no ngom amincm gvmoteika nok ka:de:pc nok lcdulo du:mvndodcm oko amin gvbokanc cdcmpinc amincm mo:pvscm ru:ma:dapci gvnamdokki.

JO:N 20:27

Odo Bv Tomamc luto, “Nok lakke:dcm suda:toka, odokkc ngok alagcm ka:toka; odokkc nok lakke:dcm sadlentokuka, odokkc nok alakdcm ngok angketsok pika:tok; mc:jvg kama:ncpc iyoka, cmpige:la mc:jvgtoka.”

JO:N 7:33

Jisubv odo luto, “Ngo noluk lcdulo adjiokoda du:yc odokkc ngom sc:ko mclvgtagnc bvkkolo:pc gvycku;

ROMANKVDVNG 8:29

Kapila:nc cdc sc:kobulum Bvk po:pcbong kindagji Bv Bvk Awodok migomdcmpc imopc cmna:sin po:pcbong cmmo:pc ru:tag, cdcmpc idopc jc bv:jen bojcrung bvrokvdv:dok bv opongarnampc idopc.

2 KORINTIANGKVDVNG 6:18

Odokkc ngo nolukkcpc abupc iyc, odokkc nolu ngok awopclang omcpc ingapyc, appv:pc ilang-gvla:nc Ru:tumbv ludag.”

GALATIANG KVDVNG 3:26

Kapila:nc Kristo Jisukolo nolu mc:jvgkokki Ru:ncpvnckc awokvdvngc.

HIBRIUKVDVNG 11:16

Cmpige:la cdc kapc itonc, bulu aiya:nc dungko amongko pa:pc cmna mc:to, cdcmyam, taycng dungko ako. Cdcmpidag Ru:ncpvncbv buluk Ru:ncpvnnc cmna gokkosupc anyvtomang, kapcnc Bv buluk lcgangc nogorko mosv:to.

HIBRIUKVDVNG 8:10

Sc:na Israel okum cra:dokki lugoddcm luycnc ngo odo longckvdv:dok lcdulo, Ru:tumbv ludag ngok lujvg lurrom buluk asin ara:do lvgyc, odokkc buluk asin ara:do adyc, odokkc ngo buluk Ru:ncpvncpc iyc, odokkc bulu ngok tani:pc iyc.

1 PITOR 1:3

Ngoluk Ru:tum Jisukc Abudc akirba:d pa:ncpc ika:langka! Bvkkc bottcru:nc aya:pc mc:namki ngolu anupc turkangku Jisu Kristokc sikolokkc lckoda turkunamdokki mc:tintvla du:tvnamdo:pc,

1 JO:N 3:2

Aipc mc:bomsunamkvdvnga, ngolu su:pak Ru:ncpvnckc ommangc; ngolu okopci iyckusong cdc lenma:da, cmpige:la ngolu kindag jc cdvlo Bv lenyckunc ngolu Bvkkcmpc iycku, kapcnc ngolu Bvm Bv kapc idagji cdcmv:pc ka:begycku.

LUNGOR LUNAM 21:3

odokkc ngo bottapaknc gomugko migomdungkodokkc ludopc ngo tatto, “Ka:toka, tani:kvdv:dok lcdulo Ru:ncpvnckc du:nam dagnamc. Bv buluk lcdulo du:mvnyc, odokkc bulu Bvk tani:pc iyc, odokkc Ru:ncpvncbv avdci buluk lcdulo du:mvnyc;

LUNGOR LUNAM 21:7

Sc:kobv mopvycnc bvkkc sc pangkonsunamscm pa:mvnyc, odokkc Ngo Bvk Ru:ncpvncpc odokkc bv ngok awopc badyc.