JO:N 2:23 - ANU LUGOD N. T. (BSI)

²³ Cdcmpidodcm Bv Jerusalemdo Gvbo:la Gvnamdok donam tv:namdcm dododcm, Bvk aminno bojcrungc mc:jvgto cdvlo Bvk kanggod inamkvdv:dcm ka:toji;

JO:N 2:23 ပူးပေါင်းရင်းမြစ်များ

LU:KKC 8:13

Odokkc vlvngtayc:dok dcnga:nckvdv:dc cdcbulu, cdvlo bulu agomdcm taddagnc, mc:po:pc cdcm torvgsudag; cmpige:la odokbulu:kkc appvrc kamang, asudowwongko bulu mc:jvgdag odokkc ankang kangkvdo ayirro bulu mcpakdag.

JO:N 11:45

Jiwukvdv:dok bojcrungc cdcmpila, sc:kobulu Meri:kc lcdulo gvmvnkanc odokkc Bv okkom itoji ka:tonc Bvm mc:jvgto;

JO:N 2:11

Sidc, kanggodkvdv:dok lcngkananarpo:namdcm Jisubv Galildok Kanna:do lcngkanto, odokkc Bvk Ru:tumkvsa ilang-gvlangcm lcngkanto; odokkc Bvk agom tadjvgla gvmvnnc kvdv:dc mc:jvgkang.

JO:N 2:13

Jiwudi:kvdv:dok gvbo:la gvnamdok donam tv:namdc aninpc pvnga:dagaboi, odo Jisubv Jerusalempc gvkang.

JO:N 3:2

Cdc tani:dc Jisukolo:pc yumckoncm gva:to odokkc Bvm luto, “Rabbi, ngolu kindag jc no Ru:ncpvnckolokkc gvnc Luyirncko; kapila:nc sc:kosin sc nok kanggod kvdv:scm ila:mang, Ru:ncpvnbv Bvk lcdulo du:mvnma:mvlo.”

JO:N 4:45

Cdcmpidag cdvlo Bv Galilpc gvlattokuji, Galildok tani:kvdv:dc Bvm mc:popc tomrvgsutoku, Jerusalemdok appv:do dodo-tv:dodcm inamdcm kangge:la, kapila:nc bulusin donam tv:namdo:pc gvka.

JO:N 5:36

Cmpige:la oko lukan lubinamdc ngokkolo du:nc cdc Jo:nkcdcmyam bottaya:dag; kapila:nc oko agerdcm ngok Abubv ngom gertok cmna togc:lvgtagnc, sc ngok gernam agerkvdvngarsc, ngom lukancm lubidag jc Abubv ngom mclvgtag.

JO:N 6:14

Cdvlo tani:kvdv:dc cdc kanggod lcngkannamdcm ka:toji, bulu luto, “Sc:ru:bongkc aropakpc mo:pvso:pc gvpcnc lungor luncdc!”

JO:N 6:2

Odo tani:yc bojcrungkonc Bvk lcdulo gvmvnkang, kapila:nc bulu cdc kinam ka:nc tani:kvdv:do mcngapla:ma:nam ager gernam kvdv:dcm ka:to.

JO:N 7:31

Ckvdaggom tani:kvdv:dok bojcrungc Bvm mc:jvgto; bulu luto, “Kristobv cdvlo gvycnc, Bv sc tani:sok lcngkannam kvdv:scmyam bojcyangko kanggodcm lcngkan la:yclang?”

GALATIANG KVDVNG 5:6

Kapila:nc Kristo Jisukolo gadpuknammc cdcmanggom gadpukma:namc cmmum arrc kannc, cmpige:la mc:jvgdc aipc mc:namkokki agercm gerdung.

1 JO:N 3:23

Odokkc sc Bvk Awo Jisu Kristokc aminno mc:jvgpcnamc odokkc akoncm akonc aipc mc:pcnammc, kapc bv ngolum lulvgla lutoji.