JO:N 2:19 - ANU LUGOD N. T. (BSI)

¹⁹ Jisubv bulum lubito, “Sc kumko okumscm mopen-moyentoka, odokkc lowumlo, ngo cdcm mopvnycku.”

JO:N 2:19 ပူးပေါင်းရင်းမြစ်များ

MARKKC 14:58

‘Ngo sc kumko okumscm mopenyc okodcm alakki motagaji, odokkc lowumlo ngo asongkoda moycku, alakkokki moma:namko.’”

MARKKC 15:29

Odokkc odok gvpatnckvdv:dc Bvm yvrka:to, buluk mittuk kvdv:dcm dumkv dumkvla, odokkc scmpc lula: lula, “C:i kumko okumdcm mopenge:la cdcm lowumno mokuncdci,

METIU 27:40

buluk mittukvdv:dcm dumkv dumkvla luto, “No:yc kumko okumdcm mopenncdc odokkc lowumno cdcm mokuncdc, no avyc avycm motursutok! No Ru:ncpvnckc Awwomvlo, kurusdokkc gvitokuka.”

METIU 12:40

Kapila:nc Jona:bv lowumkolang yumumko Timi: ongo aki: ara:do dungai, cdcmv:pc tani:lok Awodc mo:pv among ara:bo lowumkolang yumumko du:yc.

ROMANKVDVNG 8:11

Bvk yalodc sc:kobv Jisumc sikolokkcm turmotokuji nolukkolo du:mv-dagmvlo, sc:kobv Jisumc sikolokkcm turmotokuji noluk sikunc amvrkvdv:dcmsin turnamcm Bvk Yalodokki biyc okodc nolukkolo du:do dagdoji.

AGER KVDVNG 3:15

odokkc turnamsok gagbomncdcmc: moketo, sc:kom Ru:ncpvncbv sikolokkcm turmotokuji. Ngolu odok lukanbinckvdvngc.

AGER KVDVNG 2:32

Cdc Jisumc Ru:ncpvncbv turmotoku, odokkc odokkcpc ngolu appvngc lukan lubinc.

AGER KVDVNG 2:24

Ckvdaggom Ru:ncpvnbv Bvm turmotoku, sinamlok kinamcm moturtoku, kapila:nc cdc Bvkkcpc odokki yc:tumnamna:mang.

1 PITOR 3:18

Kapcnc Kristobv:sin pa:plcganc lckkongko sikang, cdc dormo kancdc dormokama:ncdok lcgangc, jen Bv ngolum Ru:ncpvnckolo:pc langangkupc cmna, adinpc mokelvgla cmpige:la yalodo turmotoku;

ROMANKVDVNG 6:4

Ngolum cdcmpila Bvk lcdulo agolo lc:to sinamlo:pc baptismo binamdokki, odomvlo jen Kristomc sikolokkcm turmokunamcmpc Abudok amingvnamdokki, ngolusin turnamlok lambcm gvpcnammc.

JO:N 11:25

Jisubv bvm lubito, “Ngowvng turkunamdc odokkc turnamdc; sc:kobv ngom mc:jvgycnc, bv sidaggom, bv turycku,

MARKKC 8:31

Odokkc bulum luyirrobbomkang jc tani:kc awodc bojcrung agom lcgangc ipusire:ycm pa:yc odokkc abv:nc kvdv:dokki, odokkc kumnam ager gergcnc bottarya:nckvdv:dokki odokkc luyirnckvdv:dokki odokkc mokeyc, odokkc lowum longcdo turradycku.

KOLOSIANG 2:12

odokkc nolum Bvk baptismo:do agolo lc:tobong, okodo nolusin mc:jvgkokki sikolokkcm Ru:cpvnckc ager gernamdokki turmotoku, sc:kobv Bvm sikolokkcm turmotokuji.

1 KORINTIANG KVDVNG 15:12

Su:pak Kristomc sikolokkc turkuncpc lutadbido, kapc nolukkolokkc akke lula:dang sinckvdv:dokkc turkunammc kamang cmna?

ROMANKVDVNG 4:24

Cdcm ngolukkcpcsin adgabla lc:yc sc:kobv mc:jvgdagaji jc ngoluk Jisu Ru:tummc sc:ko sikodokkcm la:sa:tokuji,

AGER KVDVNG 3:26

Ru:ncpvncbv Bvk ager gerya:ncdcm turmoge:kula, nolukkolo:pc mclvgpo:danto, nolum akhirba:d bipc cmna noluk appvngkc aima:nc agerlokkc gvladamkumvlo.”

JO:N 5:19

Jisubv bulum luto, “Aroru:pc, aroru:pc, ngo nolum lubidung, Awodc Bvk avkc mcngkampc ila:mang, cdcmpige:la Bvk Abudc okodcm gerla du:ji cdcm kangge:la:pak; kapila:nc oko okodcmci Bv gerdagnc, Awodcm cdcmv:pc idag.

METIU 27:63

“Migoma ngolu mc:pa:dag kapc cdc yadgo:-pago:ncdc ludagaji, Bv turra du:du:do, ‘Lowumlo ngo turratycku.’

METIU 16:21

Odo ayirdokkc Jisubv Bvk agom tadla gvmvnnc tani:kvdv:dcm Bv:jc Jerusalempc gvpc iyc odokkc abv:nc kinncpa:nc kvdv:dokkcm odokkc poyirnckvdv:dokkcm ipusire:ycm pa:pcnammc, odokkc mokeycpc, odokkc lowumlo turmoycku lcngkanrobomkang.

AGER KVDVNG 6:14

kapcnc ngolu bvk lunamcm tatto jc Najaretdok Jisudc sc mo:takscm momvgyc, odokkc ngolum binam Mose:kc itcng gvtc:dcm angumoyc.”