JO:N 2:11 - ANU LUGOD N. T. (BSI)

¹¹ Sidc, kanggodkvdv:dok lcngkananarpo:namdcm Jisubv Galildok Kanna:do lcngkanto, odokkc Bvk Ru:tumkvsa ilang-gvlangcm lcngkanto; odokkc Bvk agom tadjvgla gvmvnnc kvdv:dc mc:jvgkang.

JO:N 2:11 ပူးပေါင်းရင်းမြစ်များ

JO:N 1:14

Odokkc Gomugdc adinpc ikang odokkc ngoluk ara:lo du:mvnto, ayang abbola: arro pv:namkopc, ngolu Bvk amin gvnamcm ka:to, Abukotokkc Awo atcrdc cmna ka:to.

JO:N 3:2

Cdc tani:dc Jisukolo:pc yumckoncm gva:to odokkc Bvm luto, “Rabbi, ngolu kindag jc no Ru:ncpvnckolokkc gvnc Luyirncko; kapila:nc sc:kosin sc nok kanggod kvdv:scm ila:mang, Ru:ncpvnbv Bvk lcdulo du:mvnma:mvlo.”

JO:N 6:2

Odo tani:yc bojcrungkonc Bvk lcdulo gvmvnkang, kapila:nc bulu cdc kinam ka:nc tani:kvdv:do mcngapla:ma:nam ager gernam kvdv:dcm ka:to.

JO:N 6:30

Cdcmpila bulu Bvm tawuto, “cmpcmvlo no oko kanggodcm lcngkanycn, ngolu ka:dopc, odokkc nom mc:tindopc? No oko agercm gerdon?

JO:N 6:26

Jisubv bulum lubito, “Aropakpc, aroru:pc, ngo nolum lubidung, nolu ngom mcngapla:ma:nam kanggodcm ka:begnamkokkimang, cmpige:la nolu pv:namkopc pitangcm dola:mvn madu:n.

JO:N 6:14

Cdvlo tani:kvdv:dc cdc kanggod lcngkannamdcm ka:toji, bulu luto, “Sc:ru:bongkc aropakpc mo:pvso:pc gvpcnc lungor luncdc!”

2 KORINTIANGKVDVNG 4:17

Kapila:nc sc adji:oko vgcmpc ipusire: pa:namsc ngolum cdvlosin yogma:nc bottcru:nc amin gvnclo:pc mosv:dung okkomsin luyv:sunam kama:pc.

JO:N 14:13

Okkomci ngok aminno nolu ka:ycnc, ngo cdcm ibiyc, Abudc:jen Awodo aminc gvycpc cmna;

JO:N 12:41

Isaia:bv cdcm luto kapila:nc bv Bvk amin gvnamcm ka:to odokkc bvk agomcm luto.

JO:N 12:37

Buluk kangkolo Bv cddvkoi kanggodcm lcngkankagom, cmpige:la:sinci bulu Bvm mc:jvgtomang;

JO:N 2:23

Cdcmpidodcm Bv Jerusalemdo Gvbo:la Gvnamdok donam tv:namdcm dododcm, Bvk aminno bojcrungc mc:jvgto cdvlo Bvk kanggod inamkvdv:dcm ka:toji;

JO:N 1:50

“Ngo nom lubila:mvn, ngo nom tajvg amvng kcvgdo ka:tonc, no mcjvgdonci? Nolu scmbulumyam bottaya:nc agercm ka:begycpc.”

1 JO:N 5:13

Ngo scm nolukkolo:pc addung sc:kobulu Ru:ncpvnckc Awodok aminno mc:jvgdagji, jc nolu kinycpc jc nolukkc lo:dvlongkvpc turnamc dung.

JO:N 4:46

Cdcmpila lckoda bv Galildok Kanna:do:pc gvtoku, okolo bv asscm angur ala:pc imokaji. Odokkc Kapernaumdo migom ager gernckolok awokonc ramdungai.

JO:N 5:23

appvngcjen Awodcm mcnggcm mcnggcsudopc, bulu Abudcm mcnggcm mcngkamv:pc. Sc:kobv Awodcm mcnggcm mc:ma:ycnc Abudcm mcnggcm mc:mang sc:ko Bvm mclvgtu:ji.

2 KORINTIANGKVDVNG 4:6

Kapila:nc cdc Ru:ncpvncbv sc:kobv ludagnc, “Kcmodo pvangc pvka:langka,” sc:kobv ngoluk asin ara:bo kinnamlok pva:dcm dormotoji Ru:ncpv:nckc amin gvnamdokkcm Kristokc dumsimigmolo.

2 KORINTIANGKVDVNG 3:18

Odokkc ngolu appvngc, ungkomma:nam nappangkokki, Ru:tumkc amin gvnamdcm ka:la du:nckvdvngc kapc lcko dungaji odokkc cdc amingvnamdokkc akono:pc Ru:tumkcpc imvnla dung; kapila:nc cdc Ru:tumkolokkc pa:do sc:kobv Yalloa:ji.

JO:N 11:15

odokkc noluk lcgangc ngo olo du:toma:nc ngo mc:podung, nolujen mc:jvgycpc cmna.

JO:N 1:17

Kapila:nc Mose:kokki lujvglurodcm bitungai; ayangclang arodc Jisu Kristokokki gvido.

JO:N 1:43

Longkondo Jisubv Galilpc gvpc cmna mc:to. Odokkc Bv Pilipmc pa:la bvm luto, “Ngok lcdu lcdulo gvtok.”

JO:N 2:1

Lowum longcdo Galildok Kanna:do midangko modungai, odokkc Jisukc ancdc odo dungai;

JO:N 4:3

Bv Judia:dcm mcge:la Galilpc gvkang.

JO:N 4:54

Cdcmpc cdc lckondcai Jisubv:jc Judia:dokkc Galilpc gvdodokkc kanggod lcngkannamdc.

JO:N 7:31

Ckvdaggom tani:kvdv:dok bojcrungc Bvm mc:jvgto; bulu luto, “Kristobv cdvlo gvycnc, Bv sc tani:sok lcngkannam kvdv:scmyam bojcyangko kanggodcm lcngkan la:yclang?”

JO:N 9:16

Parisi:kvdv:dok akke luto, “Sc tani:sc Ru:ncpvnc kotokkcmang, kapila:nc Bv yodla ager germa:pc du:namdcmpc du:mang.” Ckvdaggom akedc luto, “Kapc papi:tani: akonc cdcmpinc agerko gerla:ycn?” Buluk ara:do angu angunammc lenkang.

JO:N 10:41

Odokkc bojcrungc Bvkkolo:pc gva:to; odokkc bulu luto, “Jo:nbv oko kanggodcmsim imangai, cmpige:la Jo:nbv sc tani:sok agomcm lunam appv:dc arrai.”

JO:N 11:47

Cdcmpila dormoager gernc kvdv:dok bottarya:nc kvdv:dc:lang Parisi:kvdv:dc kcba:dcm gokkumsuto, odokkc luto, “Ngolu okkom ipcnammcn? Kapila:nc sc tani:sc bojcrungko kanggodcm lcngkandag.

JO:N 12:18

Yadkumsunc tani:kvdv:dc Bvm rvgsukapc gvnam lcga:dc jc bulu Bv cdc kanggoddcm lcngkanto.

JO:N 16:27

kapila:nc avdci nolum aipc mc:dag, lcga:dc nolu ngom aipc mc:to odokkc ngo Abukotokkc gvdung cmna mc:jvgto.

JO:N 16:30

Su:pak ngolu kindagjc no appvngcm kindag, odokkc sc:kosin nom tawunam agomko tadpcnam kama:bong; odokki ngolu mc:jvgdagjc no Ru:ncpvnckotokkc gvka.”