JO:N 19:9 - ANU LUGOD N. T. (BSI)

⁹ bv kcba: moko lottado:pc lckoda gvangkang odokkc Jisumc luto, “No okolokkcn?” Cmpige:la Jisubv okkomsin lutomang.

JO:N 19:9 ပူးပေါင်းရင်းမြစ်များ

METIU 26:63

Ckvdaggom Jisubv aso:pc dungai. Odokkc dormo ager gernclok bottarya:ncdc Bvm luto, “Ngo nom Turra Du:nc Ru:ncpvnckolo lukansula pesula ludung, ngolum lutei no Ru:ncpvnckc Awodc Kristobv:mvlo.”

METIU 27:27

Odo amo:ru:tumdok mimag monckvdv:dc Jisumc kcba:bangko okum ara:pc gva:boto, odokkc bulu mimag monc appv:dcm bvk kcra:do gokkumambsuto.

LU:KKC 23:9

Cdcmpila bv Bvm tawunam agomko asudkopc tawuto; ckvdaggom Bv okkomsin lulatsutomang.

JO:N 18:28

Odo bulu Jisumc Kaiapangkc okumdokkc kcbang mokodo:pc gva:boto. Odo rokomai. Bulu avkvdv:dci kcba:mokodo:pc gva:manggai, bulujen bulu avkvdv:dc narc:ma:pc ima:ycpc cmna, cmpige:la gvbo:la gvnamdok dopun-dojardcm dola:ycpc cmna.

JO:N 18:33

Pilatbv kcbang mokodo gvangkang lckoda odokkc Jisumc goga:to, odokkc Bvm tawuto, “No:i Jiwukvdv:dok migomdc?”

JO:N 18:34

Jisubv lubito, “No cdcm avkc mcngkampci ludu:nc, cdcmanggom amme nom ngok agomcm lubikanci?”

JO:N 18:37

Pilatbv Bvm luto, “Cdcmpcmvlo no migomci?” Jisubv lubito, “No:na ludagnc ngo:jc migomkonc cmna. Kapila:nc scmpc ngom onamai, odokkc sok lcgangcna ngo rcngamso:pc gvdu:nc, okodok lcgngc lukanko lubikapc. Sc:kobvi arodokkcnc ngok gomugcm taddag.”

JO:N 19:10

Pilatbv cmpila Bvm luto, “No ngom lubima:ycnci? No kinma:nci ngokkc nom mclennvglangkunanc ilang gvlangc dung cmna, odokkc nom kuruslo mokela:nam ilang gvlangc?”

JO:N 19:8

Pilatbv cdc agomkvdv:dcm tadge:la, bv pcsoyangkang;

JO:N 8:14

Jisubv lubito, “Ngok avkc agomcm lukanbidaggomci ngok lukanbinamdc arro, kapcnc ngo kinsudag ngo okolokkc gvdu:ji odokkc ngo okolopc gvdagji, cmpige:la nolu okolokkc gvdu:song cdcmanggom okolopc gvycsong ngo kinmang.

PILIPIANG KVDVNG 1:28

odokkc noluk birudi:kvdv:dok okkomsin pcsoma:pc. Sc narcngo:pc bulum sinamcm ka:pangc, cmpige:la nolukkc motunamdc, odokkc cdc Ru:ncpvnckolokkc.