JO:N 19:4 - ANU LUGOD N. T. (BSI)

⁴ Pilatbv lckoda gvlenkang, odokkc bulum luto, “Ka:toka, ngo Bvm nolukkolo:pc gvlenbotak, ngo Bvm oko imurcmsin pa:tomang cmna nolu kinycpc cmna.”

JO:N 19:4 ပူးပေါင်းရင်းမြစ်များ

METIU 27:19

Cdcmo:mang, odokkcsin, kcbangtedkodo cdvlo bv dungaji, bvk nc:dc gompirko bvkkolo:pc lulvgtungai, “Cdc dormokanc tani:dcm no okkomsin iyoka, kapila:nc Bvk lcgangc ngo mcyum ma:ny:bo airu:pc aima:pc ma:to.”

METIU 27:24

Cdcmpila Pilatbv ka:namc bv okkomsin ila itung tu:tomang, cmpige:la urradc yawokang, bv asiko la:to, odokkc yadkumsunc tani:kvdv:dok Kangkodo bvk alagso:nyidcm vrpu:suto, scmpc lula, “Ngo sc tani:sok i:lcgangc okkomsin kinmang; cdcm nolu avyc avycm ka:sulangka,”

METIU 27:4

“Ngo imurkama:nc i:ycm mirupc imola pa:bcm ito.” Bulu luto, “Cdc ngolukkcpc okkon? Cdcm no avyc avkcpc ka:sutok.”

METIU 27:54

Cdvlo cdc mimag monclok lvngkolok ru:tumdc odokkc cdc bvk lcdulok du:mvnnckvdv:dc, Jisumc ka:bomsula dunganc, tarcmo:tondcm ka:to odokkc okko ika:ji, bulu kvnggv:pc pcsokang, odokkc luto, “Aroru:pc sc Ru:ncpvnckc Awai!”

LU:KKC 23:4

Odokkc Pilatbv dormo ager gernckvdv:dok bottarya:nc kvdv:dcm luto, “Ngo sc tani:scm oko imurkosin idopc pa:mang.”

LU:KKC 23:41

Odokkc ngolum aropakpci mokeru:pcnampc kcba: banggapto; kapila:nc ngoluk inam lcgangc ngolu pa:pcnamdcm pa:dung; cmpige:la sc tani:sc okkomsin imurmang.”

LU:KKC 23:47

Cdcmpidodcm mimag monc lvngkolok gvgurboncdc kapc ika:ji cdcm kangge:la, bv Ru:ncpvncmc aipai bito, odokkc luto, “Aropakpc sc tani:sc imurkama:nckkai!”

JO:N 18:33

Pilatbv kcbang mokodo gvangkang lckoda odokkc Jisumc goga:to, odokkc Bvm tawuto, “No:i Jiwukvdv:dok migomdc?”

JO:N 18:38

Pilatbv Bvm luto, “Arodc okkon?” Bv cdcm luge:la, bv Jiwukvdv:do:pc lckoda gvlenkang, odokkc bulum luto, “Ngo Bvkkolo oko imur-gvmurkosin pa:tomang.

JO:N 19:6

Dormo ager gernckvdv:dc odokkc migom agergernckvdv:dc cdvlo Bvm ka:toji, bulu jc:robbomkang, “Bvm Kuruslo moketok, Kuruslo moketok!” Pilatbv bulum luto, “Bvm nolu avyc gvbosukang odokkc Bvm kuruslo moketa:ka, kapila:nc ngo Bvm oko imur gvmurcmsin pa:tomang.”

2 KORINTIANGKVDVNG 5:21

Ngoluk lcgangc Bv Bvm pa:p kancpc imoto sc:kobv pa:bcm kintoma:ji, odomvlo jen Bvkkolo ngolu Ru:ncpvnckc dormokancpc iycpc.

HIBRIUKVDVNG 7:26

Kapcnc cdc kvb-kab cmdagai jc ngolu cdcmpinc dormo ager gernamlok bottcncko pa:pcnammc, angunncko, lugc:ma:nam kancko, koiyang kama:ncko, papi:kvdv:dokkc langgunamko, taycngto la:sa:namko.

1 PITOR 1:19

cmpige:la Kristokc airu:pc arckanc i:dokki, cdc okoloksin tarcko cdcmanggom aimang cmna lunam kama:ncdcm.

1 PITOR 2:22

Bv oko pa:bcmsin itomang; Bvkkolo oko yadgo:pagongcsin katomang.

1 PITOR 3:18

Kapcnc Kristobv:sin pa:plcganc lckkongko sikang, cdc dormo kancdc dormokama:ncdok lcgangc, jen Bv ngolum Ru:ncpvnckolo:pc langangkupc cmna, adinpc mokelvgla cmpige:la yalodo turmotoku;

1 JO:N 3:5

Nolu kindag jc Bv pa:bcm la:pakkapc lenka, odokkc Bvkkolo oko pa:bcsin kamang.