30 Cdvlo Jisubv ku:sugnc ala:dcm tv:tonc, Bv luto, “Cdcm gerpvttobong;” odokkc Bvk mittukdcm dummapto odokkc Bvk yalodcm topaklvgtobong.
Cdcmyam tani:kc Awodci ila:sa:la bikosukapcmang ikasangkapc gvto, odokkc Bvk turnamcm bojcrungcm rclatnakupc cmna bikapc gvka.”
Odokkc Jisubv lckoda bottaru:pc jc:yarla jcngkang odokkc Bvk yallom topakletto.
Ckvdaggom Jisubv bvm lubito, “Scmpc su:pak imopo:tok; kapila:nc cdcmpc appvng dormo agercm ipvtgvpvtpcnamc.” Odo bv cdcmpc imoto.
Odokkc Jisubv bottcru:pc jcngkang, odokkc Bv topvnkang.
Kapila:nc ngo nolum lubidung jc sc ‘Odokkc Bvm dormo kama:nc kvdv:dok ara:lo kvtc:lvgto cmnamdc’; Ru:ncpvnckc agom jvggabsc ngokkolo lukamdcmpc ipci iycrung, kapila:nc ngok agomcm okodcm adtu:nc cdcm ngokkolo ipa:do.”
Odo Jisubv, bottcru:pc jc:la kabla luto, “Ba:bow nok alaglo ngok yallom tolvgdung!” Odokkc Bv cdcm luge:la Bv ngatcrsuto.
“Ngo:na ainc bera soben kanggabya:ncdc. Ainc bera soben kanggabya:ncdc bvk turnamdcmci bera sobenkvdv:dok lcgangc tolvgdag.
Sc:kobvsin cdcm ngokkolokkcm la:mang, ckvdaggom ngo cdcm ngok mcngkampc tolvgdo. Ngokkc cdcm lc:nanc lc:lang-gvlangc dung, odokkc ngokkc cdcm langkunannc la:lang-gvlangc dung; cdc lulvgdcm ngok Abukolokkcm ngo pa:to.”
Ngo nom mo:pvso amincm gvmotobong, agerdcm gerpvtla no okodcm ngom gerpvttoka cmna lutungaji;
Odok lcdupc Jisubv, appv:dcm su:pak ingabtobong cmna kinsuge:la, luto (astrong agomdcm lukamdcmpc idopc,) “Ngo tv:lv:dung.”
Jisubv bulum luto, “Ngok apindc Bvk mcngkampc ager gernamdc sc:kobv ngom mclvgtagji, odokkc Bvk agerdcm ingapdopc.
Kapila:nc Kristobv lujvglurodok du:tcrc, jc appvngc sc:kkci mc:jvgc du:ji dormokadag cmna luycpc.
sc:kom Ru:ncpvncbv porasit inckoncmpc bvk i:dokki topolvgtoji, mc:jvgkokki torvgsunamdcmpc. Cdc Ru:ncpvnckc dormo kanamdcm lcngkampc, kapcnc Bvk taycng among oila dunggcnamdokki Bv po:pckc inam pa:b kvdv:dcm gvbo:la gvkang;
Cdc aku kormira:dcm mopu:toka nolujen anu alumpc iycpc, nolu aropakpc komirang go:sa:ma:ncpc ila:yam. Kapila:nc Kristobv ngoluk gvpvtsula gvkunamdok me:r awodcm, palvgto.
Odokkc tani:ycmpc idopc pa:la:yam Bv avdc asinc ansv:sukang odokkc sidodo:pc agom lukamdcmpc tadkang, cddo:mang Kurus tayc:do sigcdodo:pci.
Jisukolo:pc ka:la ka:la, sc:kobv Bvk kcra:pc lc:nam mc:podok lcga:pc kurusdcm mentumsula mc:tapsuto, any:dcm mcge:la, odokkc Ru:ncpvnckc migom tedkodo lagbvgpc tedkang.
Aroru:pci, lujvglurodok i:dokki appvngcmci narcngamcimodag, odokkc i:ycm bidmoma:pc pa:plok mc:yinsunam kamang.