JO:N 18:37 - ANU LUGOD N. T. (BSI)

³⁷ Pilatbv Bvm luto, “Cdcmpcmvlo no migomci?” Jisubv lubito, “No:na ludagnc ngo:jc migomkonc cmna. Kapila:nc scmpc ngom onamai, odokkc sok lcgangcna ngo rcngamso:pc gvdu:nc, okodok lcgngc lukanko lubikapc. Sc:kobvi arodokkcnc ngok gomugcm taddag.”

JO:N 18:37 ပူးပေါင်းရင်းမြစ်များ

METIU 26:64

Jisubv bvm luto, “No:na cdcmpc lutonc. Ckvdaggom ngo nom ludung, su:pakkolokkc nolu tani:kc Awodcm Ru:ncpvnckc lagbvgpc tedla du:dopc ka:begyc, odokkc taycngamo:tok mukkangki gvidokupc.!”

METIU 27:11

Odokkc Jisubv amo:ru:tumdok kcra:lo dagto; odokkc amo:ru:tumdc Bvm tawuto, “No Jiwudi: kvdv:dok Migomdci?” Jisubv luto, “No:na cdcmpc ludagnc.”

MARKKC 14:62

Odokkc Jisubv luto, “Ngowvng; odokkc nolu tani:kc Awodcm bottap mcngcsunamdok tayc:do teddopc ka:begyc, odokkc taycng do:mvrtok mukkangkokki gvdokupc ka:begyc.”

MARKKC 15:2

Odokkc Pilatbv bvm tawuto, “No Jiwukvdv:dok migomdci?” Odo Bv bvm lubito, “No:na cdcmpc ludu:nc.”

LU:KKC 22:70

Odokkc bulu appv:dc luto, “Nov:yc Ru:ncpvnckc Awodcn, cmpcmvlo?”

LU:KKC 23:3

Odo Pilatbv Bvm tawuto, “Nowvi Jiwukvdv:dok migomdc?” Odo Bv bvm lubito, “Nowcina cdcmpc ludagnc.”

JO:N 1:14

Odokkc Gomugdc adinpc ikang odokkc ngoluk ara:lo du:mvnto, ayang abbola: arro pv:namkopc, ngolu Bvk amin gvnamcm ka:to, Abukotokkc Awo atcrdc cmna ka:to.

JO:N 1:17

Kapila:nc Mose:kokki lujvglurodcm bitungai; ayangclang arodc Jisu Kristokokki gvido.

JO:N 14:6

Jisubv bvm luto, “Ngo lambcdc, odokkc arodc, odokkc turnamdc; sc:kosin Abudo:pc gva:mang, ngokkokkima:mvlo.

JO:N 3:32

Bv okodcm ka:tonc odokkc tadtonc cdcm lukanbidag, ckvdaggom sc:kosin Bvk lukanbinamdcm torvgsutomang;

JO:N 7:17

tani: akolokkc bvk mcngkamcm ipc cmna mc:mvlo bv kinyc luyirdc Ru:ncpvnckolokkcyc: ma: ngo avkc lulang-gvlangkokki ludu:yc.

JO:N 8:14

Jisubv lubito, “Ngok avkc agomcm lukanbidaggomci ngok lukanbinamdc arro, kapcnc ngo kinsudag ngo okolokkc gvdu:ji odokkc ngo okolopc gvdagji, cmpige:la nolu okolokkc gvdu:song cdcmanggom okolopc gvycsong ngo kinmang.

JO:N 8:45

Cmpige:la, ngo arodcm lubiga:lok, nolu ngom mc:jvgmang,

JO:N 8:46

Nolukkolok sc:ko ngom pa:p kannc cmna lula:ycn? Ngo arodcm lubimvlo, nolu kapila mc:jvgma:n?

JO:N 8:47

Sc:kobv Ru:ncpvnckcnc Ru:ncpvnckc agomcm taddag; nolu kapila cdcmbulum tadma:nc lcga:dc nolu Ru:ncpvnckcmang.”

1 TIMOTI: 6:13

Ru:ncpvnckc dungkolo sc:kobv appvngcm turnamcm bidagji, odokkc Kristo Jisubv sc:ko Bv lukanbinamdo Potindok Pilatkc kcra:do ainc lukanbinamko lutonc,

1 PITOR 1:22

Noluk yalokvdv:dcm narc:pc mopu:la:yam nolukkc arodcm lukamdcmpc tadla bvrrang kvdv:dcm mc:juppc aipc mc:mvnsula, akoncm akonc kvnggv:pc asinbokki aipc mc:mvnsulangka.

1 JO:N 2:21

Ngo nolukkolo:pc addung, nolu arodcm kinmang cmna:mang, cmpige:la lcga:dc nolu cdcm kinga:lok, odokkc kinnangka jc oko lume:namcsin arodokkcmang.

1 JO:N 3:14

Ngolu kindag jc nolu sikolokkc turnamlo:pc gvko:tobong, kapila:nc ngolu bvrrangkvdv:dcm aipc mc:dag. Sc:kobv aipc mc:ma:nc sinamv:lo dung.

1 JO:N 3:19

Sokki ngolu kinyc jc ngolu arodokkc, odokkc ngoluk asinkvdv:dcm lckoda aroru:pc lusula:dag Bvk kcra:lo cdvloi ngoluk asinc ngolum aimang cmna lukedagji,

1 JO:N 4:6

Ngolu Ru:ncpvnckc. Sc:kobvi Ru:ncpvncmc kindagji ngoluk agomcm taddag, odokkc sc:kobv Ru:ncpvnckcma:ji ngoluk agomcm tadmang. Odokki ngolu arodok yalodcmlang imur incdok yalodcm kindag.

1 JO:N 5:20

Odokkc ngolu kindag jc Ru:ncpvnckc Awodc gvka odokkc ngolum mcngkinsunamcm sc:kobv arroji Bvm kindopc bito; odokkc ngolu Bvkkolo dung sc:kobv arroji, Bvk Awo Jisu Kristokolo. Sc:na aro Ru:ncpvncdc odokkc lo:dv longkvpc turra du:namdc.

LUNGOR LUNAM 1:4

Jo:nkolokkc cdc Asia:do du:nc mondoli:kvdv:do:pc: Nolukkolo:pc ayangclang Bvkkolokkc mcnganc sc:kobv odokkc sc:ko dungaji odokkc sc:kobv gvpcncdcji, odokkc yalo kvnvddokkc okodc:bulu Bvk migomdungko kcra:do du:ji,

LUNGOR LUNAM 3:14

“Odokkc Laodikia mondoli:dok taycng among lutad luncdo:pc adtoka: ced A:mendok agomkvdv:dcm cdc mc:jvg jvrvgncdokkc odokkc aro lukanbincdokkcm, cdc Ru:ncpvnckc ru:lenamdokkc.