JO:N 18:35 - ANU LUGOD N. T. (BSI)

³⁵ Pilatbv lubito, “Ngo Jiwuclang? Nok avkc opvnc odokkc dormo ager gernckvdv:dok bottarya:nc kvdv:dc nom ngokkolo togc:lvgtung; no okkom iton?”

JO:N 18:35 ပူးပေါင်းရင်းမြစ်များ

AGER KVDVNG 23:29

Ngo kinto jc bvm buluk lujvg lurodok lcgangc lugc:to, cmpige:la sipcnammc manggom makana:lo tumpcnam oko lcgangcsin lujcmla lutomang.

AGER KVDVNG 21:38

No cdc Igipt tani: dc:ma:lang, odokkc mclokonnong pamvnsunamko iboncdc odokkc lv:ying appi:ko tani:ycm Assa:ssindokkcm yumrangolo:pc gvbotonc?”

AGER KVDVNG 3:13

Abrahamkc Ru:ncpvncdc odokkc Isahakkcdc odokkc Jakobkcdc, ngoluk abubulum Ru:ncpvncdc, bvk ager gerya:nc Jisumc amincm gvmoto sc:kom nolu topaklvgtonc, bv cdvlo Bvm mclennvgkupc cmna mc:tungaji.

JO:N 19:11

Jisubv Bvm lubito, “Taycng amo:tokkc bimangamvlo nokkc ngokkolo oko ilang gvlangcsin kama:ya:pc; cdcmpidag sc:kobv ngom nokkolo tolvgtonc bvkkc bottaya:nc pa:bc dungkang.”

JO:N 19:6

Dormo ager gernckvdv:dc odokkc migom agergernckvdv:dc cdvlo Bvm ka:toji, bulu jc:robbomkang, “Bvm Kuruslo moketok, Kuruslo moketok!” Pilatbv bulum luto, “Bvm nolu avyc gvbosukang odokkc Bvm kuruslo moketa:ka, kapila:nc ngo Bvm oko imur gvmurcmsin pa:tomang.”

JO:N 18:28

Odo bulu Jisumc Kaiapangkc okumdokkc kcbang mokodo:pc gva:boto. Odo rokomai. Bulu avkvdv:dci kcba:mokodo:pc gva:manggai, bulujen bulu avkvdv:dc narc:ma:pc ima:ycpc cmna, cmpige:la gvbo:la gvnamdok dopun-dojardcm dola:ycpc cmna.

JO:N 18:34

Jisubv lubito, “No cdcm avkc mcngkampci ludu:nc, cdcmanggom amme nom ngok agomcm lubikanci?”

JO:N 18:36

Jisubv lubito, “Ngok migom donamdc sc rcngamsokka:mvlo, ngok ager gerya:ncdc mimagcm moiya:pc, ngom Jiwukvdv:do togclvgma:dopc cmna; cmpige:la ngok migom donamdc mo:pvsokkcmang.”