JO:N 18:20 - ANU LUGOD N. T. (BSI)

²⁰ Jisubv bvm lubito, “Ngo rcngamscm ka:de:pc lubitobong; ngo lo:dcm kumko okumkvdv:do odokkc Ru:ncpvncmc kumko okumkvdv:do luyirto, okolo Jiwuappvngc gvkumsudagji; ngo okkomsin lc:sula lutomang.

JO:N 18:20 ပူးပေါင်းရင်းမြစ်များ

JO:N 7:26

Odokkc sc:yam, ka:de:pc agom lula du:nc, bulu odokkc okkomna:sin luma:nc! Aropakpc Bv:rung Kristobv cmna migom donc kvdv:dc kinla:ycn?

METIU 4:23

Odokkc Bv Galil among appv:do gvgo:to, buluk kumko okumkvdv:do Ru:ncpvnckc taycngamong migom donamdok tadponc lutaddcm lugo:bito odokkc tani:kvdv:dok appvng Kinam ramnamcm odokkc appvng mosimola:ma:namcm aimotoku.

LU:KKC 21:37

Odokkc lo:dvscm Bv kumko okumdo luyirdungai, cmpige:la yummcm Bv Olib cmnam adi:kolo du:yubsukapc gvdungai.

JO:N 7:4

Kapila:nc oko tani:ycsin lc:sula agercm germang bv ka:de:pc kinkosulv:mvlo. No agerkvdv:scm imvlo, mo:pvscm avyc lcngkansutok.”

LU:KKC 4:15

Odokkc Bv buluk kumko okum okum appv:do, appvngc aidag cmna lungapdopc luyirto.

METIU 26:55

Odo ayirdo Jisubv yadkumsunc tani:kcrc:dcm luto, “Nolu Rotkutnc akoncm mcnna gvdu:ncmpci gvdu:n, madsvgkokki odokkc dangi:ycm bomla ngom sogapkapc cmna? Longgcm longgcm ngo kumko okumdo luyirla dungka, odokkc nolu ngom ycnggatomang.

METIU 9:35

Odokkc Jisubv appvng nogorlo:pci gvgo:to odokkc dolungkvdv:do, odok buluk kumko okumkvdv:do luyirto odokkc Ru:ncpvnckc migom dokodok tadponc lutaddcm lugo:bito, odokkc appvng kinam ramnamcm odokkc appvng mosimola:ma:namcm aimotoku.

JO:N 8:26

Ngo noluk agomcm bojcrungko lupcnammc dung odokkc bojcrungko kcbang ba:pcnammc; cmpige:la sc:kobv ngom mclvgtagnc Bv arro, odokkc mo:pvscm lugo:bido ngo okodcm Bvkkolokkcm tattoji.”

JO:N 8:2

tani: appv:dc Bvkkolo:pc gva:to, odokkc tedtu:la bulum luyirto.

JO:N 7:28

Cdcmpila Jisubv bottapc, kumko okumdo luyirkamdcmpc lugo:bito, “Nolu ngom kindag, odokkc ngo okolokkc gvnncji nolu kindag? Cmpige:la ngo avkc mcngkamkokki gvmang; sc:kobv ngom mclvgtagnc Bv arro, odokkc Bvm nolu kinmang.

JO:N 7:14

Dopun dojardok ara:do Jisubv kumko okumdo:pc gvto odokkc luyircm lubito.

METIU 26:65

Odo dormo ager gernclok bottaru:ncdc bvk gcnam attardcm bupetsuto, odokkc luto, “Bv Ru:ncpvncmc aima:nc cmna luto, kapcila ngolu su:paksin lukan bincko lagidang? Nolu Bvk aimang cmnamscm tattobong su:pak.

AGER KVDVNG 26:26

Kapila:nc migomcsin sc agomkvdv:scm kindag, odokkc bvm ngo ka:de:pc ludo; kapila:nc ngom lulvgtag jc sc agomkvdv:sok akosinci bvk kangkolokkc lc:sumang, kapila:nc scm sungkenkolo germangai.

METIU 24:26

Cdcmpidag, bulu nolum luycmvlo, ‘Ka:tok, Bv clc sv:lungclc,’ mo:rongolo:pc gvlenyoka; bulu luycmvlo, ‘Ka:toka, Bv arangkc soyardc dung,’ cdcm mc:jvgyoka.

MARKKC 8:32

Odokkc Bv cdcm tadde:pc luto. Odokkc Pitorbv Bvm gogcrbomkang, odokkc Bvm ge:robbomkang.

JO:N 6:59

Scm Bv kumko okumlo lubika, Kapernaumdo Bv luyirla du:dodcm.

JO:N 18:21

Kapila ngom tawudang? Sc:kobulu ngom tattonc ngo bulum lutoji, bulum tawutoka; bulu kindag ngo okkom lukaji.”