JO:N 17:9 - ANU LUGOD N. T. (BSI)

⁹ “Ngo buluk lcgangc kumdung; ngo mo:pvsok lcgangc kummang cmpige:la cdc no ngom binamkvdv:dok lcgangongc, kapila:nc bulu nokkc;

JO:N 17:9 ပူးပေါင်းရင်းမြစ်များ

LU:KKC 22:32

cmpige:la ngo nok lcgangc kumdung nok mc:jvgdc:jen yogma:pcka; odokkc cdvlo no gvlatyckunc nok bvrokvdv:dcm tormolangka.”

LU:KKC 23:34

Odo Jisubv luto, “Abba, bulum mc:yinsutoka; kapila:nc okkom idu:song bulu kinmang.” Odokkc bulu Bvk gcnam attarkvdv:dcm orpansupc cmna ko:riycm crto.

LU:KKC 8:34

Kanggapya:nc kvdv:dc kapc ika:ji cdcm kangge:la, bulu dukkangku, odokkc cdcm nogordo odokkc do:lu:do lubitoku.

JO:N 14:16

Odokkc ngo Abudcm kumtombiyc, odokkc Bv nolum lusvmosv:nc akoda biyc, noluk lcdulo lo:dvpc du:mvndopc,

JO:N 17:2

no Bvm rcngamsok appvng ru:namlok tayc:lo ila:sa:langcm kapc bitoji, turyarla turla du:namdcm bipc cmna cdc appv:dcm no Bvm bitoji.

JO:N 17:20

“Ngo sokbuluk lcgangongc kummang, cmpige:la cdc sc:kobulu ngokkolo mc:jvgdagnc buluk lcgangcsin buluk agomkokki bulujen akkongkopc iycpc cmna;

JO:N 17:6

“Ngo nok amincm lcngkanambitobong oko tani:kvdv:dcm no ngom mo:pvsokkcm bitu:ji; nokkolo bulu dunggai, odokkc no bulum ngom bitu:bong, odokkc bulu nok agomcm mcnggabto.

JO:N 6:37

Abukc ngom binam appv:dc ngokkolo:pc gva:yc; odokkc ngokkolo:pc gva:ncdcm ngo cdvlosin mcnpakma:yc.

JO:N 6:39

odokkc scmpc Bvk mcngkamdc ngom sc:kobv mclvgtagnc, jc ngo cdc ngom binam appv:dcm akosin yogmopcma:nammc, cmpige:la du:tcr dungapdo la:sangam-kupcnammc.”

HIBRIUKVDVNG 7:25

Odokkokki ila Bv lo:dcm cdc sc:kobulu Ru:ncpvnckc kcra:lo:pc gva:dagnc Bvkkokki motula:dag, Bv lo:dvscm buluk lcgangc kumbipc turra du: la:yam.

HIBRIUKVDVNG 9:24

Kapcnc Kristobv alakkoki monam kumko mo:takkolo:pc gvangtomang, arodoggarcmpinc kangkonsunamko, cmpige:la taycng among dungkoru:do:pci gvangkang, su:pak ngoluk Ru:ncpvnc kcra:pc lcngkansubipc.

1 JO:N 5:19

Ngolu kindag jc ngolu Ru:ncpvnckc, odokkc rcngam appv:sc aima:ncdok ilang gvla:lo dung.

LUNGOR LUNAM 12:9

Odokkc cdc bottcru:nc alapkanc tabvdcm crpakletto, cdc leke:to:dvkc tabvdcm, okodcm Uiyc odokkc Satanc cmna ludagaji, mo:pv appv:sok yadgo:ncdc bvm mo:pvso:pc crpakletto, odokkc bvk taycng lutadkvdv:dcm bvk lcdulo crredtc:mvnto.

LUNGOR LUNAM 13:8

odokkc sc:kobulu mo:pvso du:nc dagnc appv:dc cdcm kumyc cd palvgnam Awome:rdok turnc potindo rcngamscm mosa:ma:dapc sckkc sckkc amincm adtonc.

LUNGOR LUNAM 20:15

odokkc jodi akonkc amincm turnckvdv:dok potindo pa:tomang, bvm siycngcmpinc vmv pa:ta:do cryi:lvgto.