4 Ngo nom mo:pvso amincm gvmotobong, agerdcm gerpvtla no okodcm ngom gerpvttoka cmna lutungaji;
Kapila:nc ngo nolum lubidung jc sc ‘Odokkc Bvm dormo kama:nc kvdv:dok ara:lo kvtc:lvgto cmnamdc’; Ru:ncpvnckc agom jvggabsc ngokkolo lukamdcmpc ipci iycrung, kapila:nc ngok agomcm okodcm adtu:nc cdcm ngokkolo ipa:do.”
Odo taycng amo:tokkc gomugkko bugyi:kang, “Ngo cdcm amincm gvmoto, odokkc ngo lckoda cdcm amincm gvmoyc.”
Okkomci ngok aminno nolu ka:ycnc, ngo cdcm ibiyc, Abudc:jen Awodo aminc gvycpc cmna;
Ckvdaggom ngo Abudc kvnggv:pc agom lukampc ido, odomvlojen mo:pvsc ngo Abudcm aipc mc:dag cmna kinycpc. Darobtoka, kajc sokkc gvkangkuboi.
Nolu ngok lulvgnam agomkvdv:dcm mcnggabla tadmvlo, nolu ngok aipc mc:namdo du:tvyc, ngok Abukc lulvgnam agomkvdv:dcm mcnggabla tadkamardcmpc odokkc Bvk aipc mc:namdo du:do.
Odok lcdupc Jisubv, appv:dcm su:pak ingabtobong cmna kinsuge:la, luto (astrong agomdcm lukamdcmpc idopc,) “Ngo tv:lv:dung.”
Cdvlo Jisubv ku:sugnc ala:dcm tv:tonc, Bv luto, “Cdcm gerpvttobong;” odokkc Bvk mittukdcm dummapto odokkc Bvk yalodcm topaklvgtobong.
Jisubv bulum luto, “Ngok apindc Bvk mcngkampc ager gernamdc sc:kobv ngom mclvgtagji, odokkc Bvk agerdcm ingapdopc.
Cmpige:la oko lukan lubinamdc ngokkolo du:nc cdc Jo:nkcdcmyam bottaya:dag; kapila:nc oko agerdcm ngok Abubv ngom gertok cmna togc:lvgtagnc, sc ngok gernam agerkvdvngarsc, ngom lukancm lubidag jc Abubv ngom mclvgtag.
Jisubv lubito “Sc tani:sc:jc pa:bcm itonc cdcmang, cdcmanggom bvk anc-abudc:sinmang, cmpige:la Ru:ncpvnckc agerkvdv:dcm bvkkolo ka:begamycpc cmna:mvn.
Cmpige:la ngok turnamscm ngo atv arckanckopc kvsumang cdcmanggom ngokkcpc kvnggv:pc aincko cmna, ngo gerpcnamdcm gerra:mvloi odokkc Ru:tum Jisukolok pa:nam inam-sa:nam agerdcm, Ru:ncpvnckc ayang abodok tadpon lutaddcm lukanbipc.
Ngo bottarya:n mimagdcm moto, ngo dugnamdcm dugamto, ngo mc:jvgdcm mc:tvto.