JO:N 17:24 - ANU LUGOD N. T. (BSI)

²⁴ “Abba, ngo mc:dag jc bulusin, sc:kobulum no ngom bitonc, ngokkolo du:ycpc okolo ngo du:ycji, ngok amin gvnamcm ka:dopc okodcm nok ayangki ngom bitonc ngok lcgangc rcngamscm ru:sa:ma:dapc.

JO:N 17:24 ပူးပေါင်းရင်းမြစ်များ

METIU 25:21

Bvk ru:tumdc bvm luto, ‘no adjiodo:sin mc:dap darapto, ngo nom bojcru:lokkcp togc:lvgyc; nok ru:tumkc mc:podo mc:pomvntoka.’

METIU 25:23

Bvk ru:tumdc bvm luto, ‘Aroru:pc aipc ito, ainc odokkc mc:dap-darapnc ager gerya:na; no adjio:doksin mc:dapdarapto, ngo nom bojcru:lokkcpc tolvgyc; nok ru:tumkc mc:pokolo mc:pomvntoka.’

METIU 25:34

Odo cdc Migomdc alag lagbvgpc du:nckvdv:dcm luyc, ‘Kajc, ngok Abukc aipai pa:nckvdvnga, noluk lcga:pc mosv:la lc:nam migom mo:pvdcm dungkonsubomtoka tani:amo:scm mododokkcbong.

METIU 26:29

Ngo nolum lubidung ngo lckoda sc angur a:ycsokkcm tvngkuma:yc ngok Abukc migom du:tc:do noluk lcdulo anupc cdcm tv:doku longcdo:pc.”

LU:KKC 12:37

Cdc ager gerya:nc kvdv:dc gernc pu:nc sc:kobulum ru:tumdc cdvlo Bv gvlatyckuji darra du:dopc gvpa:suyckuji; aropakpc, ngo nolum lubidung, bv av avycm mosv:suyc odokkc doko tcbuldo teda:ma:yc, odokkc bv gvlangkula bulum donam tv:namcm sagbiycku.

LU:KKC 23:43

Odokkc Bv bvm luto, “Aroru:pc, ngo nom lubidung, sillung no ngok lcdulo taycng amo:to du:mvnyckupc.”

JO:N 1:14

Odokkc Gomugdc adinpc ikang odokkc ngoluk ara:lo du:mvnto, ayang abbola: arro pv:namkopc, ngolu Bvk amin gvnamcm ka:to, Abukotokkc Awo atcrdc cmna ka:to.

JO:N 12:26

Sc:koiyc ngok mcngkam agercm germvlo, bv ngok lcdulo gvmvnru:pa:yc, odokkc ngo okolo du:ycji, odo ngok ager gerya:nckvdv:dc:sin; sc:koiyc ngok agercm germvlo, Abubv bvm mcngcyc.

JO:N 14:3

odokkc cdvlo ngo gvlangkula noluk lcgangc dungkoko mosv:yckumvlo, ngo lckoda gvlatycku odokkc ngo nolum ngokkolo:pc la:rvgsuycku, ngo okolo du:yckunc nolusin odo du:yckupc.

JO:N 15:9

Abudc ngom kapc aipc mc:ton, cdcmv:pc ngo:sin nolum aipc mc:to; ngok aipc mc:namdo du:langka.

JO:N 17:2

no Bvm rcngamsok appvng ru:namlok tayc:lo ila:sa:langcm kapc bitoji, turyarla turla du:namdcm bipc cmna cdc appv:dcm no Bvm bitoji.

JO:N 17:22

Amin gvnamdcm no okodcm ngom bitonc ngo bulum bitobong, bulujen akkongkopc iycpc ngolu akkongkopc ikamdcmpc,

JO:N 17:5

odokkc su:pak, Abba, no ngom amincm gvmoteika nok ka:de:pc nok lcdulo du:mvndodcm oko amin gvbokanc cdcmpinc amincm mo:pvscm ru:ma:dapci gvnamdokki.

JO:N 6:37

Abukc ngom binam appv:dc ngokkolo:pc gva:yc; odokkc ngokkolo:pc gva:ncdcm ngo cdvlosin mcnpakma:yc.

JO:N 6:39

odokkc scmpc Bvk mcngkamdc ngom sc:kobv mclvgtagnc, jc ngo cdc ngom binam appv:dcm akosin yogmopcma:nammc, cmpige:la du:tcr dungapdo la:sangam-kupcnammc.”

JO:N 8:58

Jisubv bulum lubito, “Aroru:pc, aroru:pc, ngo nolum lubidung, Abrahammc oma:dokkcbong, ngo dung.”

1 KORINTIANG KVDVNG 13:12

Kapila:nc su:pak ngolu arsilo ka:soka:mola ka:do, cmpige:la odo dagrvgsudanna ka:begyc. Ngo su:pak intagongko kindag; odo ngo appv:dcm kinyc, ngo kapc appv:scmci kintoji

2 KORINTIANGKVDVNG 3:18

Odokkc ngolu appvngc, ungkomma:nam nappangkokki, Ru:tumkc amin gvnamdcm ka:la du:nckvdvngc kapc lcko dungaji odokkc cdc amingvnamdokkc akono:pc Ru:tumkcpc imvnla dung; kapila:nc cdc Ru:tumkolokkc pa:do sc:kobv Yalloa:ji.

2 KORINTIANGKVDVNG 4:6

Kapila:nc cdc Ru:ncpvncbv sc:kobv ludagnc, “Kcmodo pvangc pvka:langka,” sc:kobv ngoluk asin ara:bo kinnamlok pva:dcm dormotoji Ru:ncpv:nckc amin gvnamdokkcm Kristokc dumsimigmolo.

2 KORINTIANGKVDVNG 5:8

Ngolu asinc bottapc mc:sudo, odokkc amvrdokkci mo:tc:yc odokkc Ru:tumkolo mcngkampc du:mvnyc.

PILIPIANG KVDVNG 1:23

Ngom anyidok ara:do ncrkeptag. Ngok mc:namdc gvpakkupc odokkc Kristokc lcdulo du:mvnkupc, kapcnc cdc airu:pc aiya:dag.

1 TISSALONIANG 4:17

odokkc ngolu sc:kobulu turra du:ji, sc:kobulum mcpaktagji, buluk lcdulo lckko:pc la:sa:bomycku Ru:tummc mukka:lo csardo rvgsukapc; odokkc ngolu lo:dvscm Ru:tumkc lcdulo du:mvnyc.

1 PITOR 1:21

Bvkkokki nolukkc Ru:ncpvnckolo mc:pv:namko mc:jvgc dung, sc:kobv Bvm sikolokkc turmotokuji odokkc Bvm amin gvnamdcm bitoji, odomvlo jen noluk mc:jvgclang mc:tinc Ru:ncpvnckolo du:ycpc.

1 JO:N 3:2

Aipc mc:bomsunamkvdvnga, ngolu su:pak Ru:ncpvnckc ommangc; ngolu okopci iyckusong cdc lenma:da, cmpige:la ngolu kindag jc cdvlo Bv lenyckunc ngolu Bvkkcmpc iycku, kapcnc ngolu Bvm Bv kapc idagji cdcmv:pc ka:begycku.

LUNGOR LUNAM 21:22

Odokkc ngo kumko okumcmsin nogordo ka:begtomang, kapcnc odok kumko okumdc Ru:tum Ru:ncpvncdcai cdc Appvngcm ilang-gvla:ncdc odokkc cdc Awome:r sobendc.

LUNGOR LUNAM 3:21

Sc:kobv mopvdonc, ngo bvm ngok migom dungkodo du:mvndopc du:mvnmoyc, kapc ngo avycsin mopvtoji odokkc ngok Abudokki bvk migom dungkodo teddoji.