JO:N 17:23 - ANU LUGOD N. T. (BSI)

²³ ngo bulukkolo odokkc no ngokkolo, bulujen aiyo:pc akkongkopc idopc, odomvlo rcngamso:jen kinycpc ngom jen no mclvgtung odokkc bulum aipc mc:to no ngom aipc mcngkamdcmppvng.

JO:N 17:23 ပူးပေါင်းရင်းမြစ်များ

JO:N 10:38

Cmpige:la ngo gerdu:mvlo cdcmbulum, nolu ngom mc:jvgcimanggom, agerkvdv:dcmci mc:jvgtoka, odomvlo nolu kinycpc odokkc Abudc:jc ngokkolo dung odokkc ngo Abudokkolo dung.”

JO:N 13:35

Odokkina appvng tani:yc kinyc jc nolu ngok agom tadjvgla gvmvnnc tani:yc, nolukkc akoncm akonc aipc mc:mvnsunamc du:mvlo.”

JO:N 14:10

Nolu mc:jvgma:nci jc ngo Abudo du:mvndung odokkc ngok Abudc ngokkolo du:mvndung cmna? Ngok nolum lunam agomkvdv:dc ngok avkc ilang gvlangki lumang; cmpige:la cdc Abudc sc:kobv ngokkolo du:dagnc Bvk agercm Bv gerdag.

JO:N 14:23

Jisubv bvm lubito, “tani: akonc ngom aipc mc:mvlo, bv ngok gomug kvdv:dcm taddag, odokkc ngok Abubv bvm aipc mc:yc, odokkc ngolu bvkkolo:pc gva:yc odokkc ngolu bvm lckko:pc du:bosuyc.

JO:N 15:9

Abudc ngom kapc aipc mc:ton, cdcmv:pc ngo:sin nolum aipc mc:to; ngok aipc mc:namdo du:langka.

JO:N 16:27

kapila:nc avdci nolum aipc mc:dag, lcga:dc nolu ngom aipc mc:to odokkc ngo Abukotokkc gvdung cmna mc:jvgto.

JO:N 17:11

Odokkc su:pak ngo mo:pvso kama:ycbong, cmpige:la bulu mo:pvso dung, odokkc ngo nokkodo:pc gvdokubong. Angunnc Abba, nok aminno bulum lc:toka, sc:kobulum ngom bitonc, bulujen akkongkopc iycpc, ngolug anyc akkongkopc inamcmpc.

JO:N 17:21

nokkcmpcsinci, Abba, ngokkolo, odokkc ngo nokkolo, bulusinjen ngolukkolo, odomvlojen rcngamsc mc:jvgycpc no ngom mclvgtung cmna.

JO:N 17:24

“Abba, ngo mc:dag jc bulusin, sc:kobulum no ngom bitonc, ngokkolo du:ycpc okolo ngo du:ycji, ngok amin gvnamcm ka:dopc okodcm nok ayangki ngom bitonc ngok lcgangc rcngamscm ru:sa:ma:dapc.

JO:N 17:26

Ngo nok amincm bulum kinmoto, odokkc ngo cdcm kinma:yc, jc no oko aipc mc:namdokki no ngom aipc mc:tonc bulukkolo:jen du:ycpc, odokkc ngo bulukkolo du:mvnycpc.”

JO:N 17:3

Odokkc cdcna turyarla turnamdc, jc bulu nom kindag nowong aro Ru:ncpvncdc cmna, odokkc Jisu Kristomc sc:kom no mclvgtagnc.

JO:N 17:8

kapila:nc ngo bulum agomkvdv:dcm bitobong okodcm no ngom bitoji, odokkc bulu cdcmbulum torvgsutobong odokkc aropc kindag jc ngo nokkolokkc gvdung; odokkc bulu mc:jvgtobong jc no ngom mclvgtag.

JO:N 3:17

Kapila:nc Ru:ncpvncbv Awodcm mo:pvso:pc mclvgto, mo:pvscm aimang cmna ludopcmang cmpige:la mo:pvscm jen Bvkkoki moturdopc cmna:mvn.

JO:N 6:56

Sc:kobv ngok adincm doycji odokkc ngok i:ycm tv:ycji ngok dungkodo lcdulo du:mvn-dagmvndag, odokkc ngo:sin bvk dungkolo du:mvndo.

1 KORINTIANG KVDVNG 1:30

Bv:na noluk Kristo Jisukolo turnamkvdv:dok lenkodc:nc, sc:kom Ru:ncpvncbv ngoluk kinnampa:nampc itoji, ngoluk dormo kanamcm odokkc mopu:la narc:pc:sc:monamcm odokkc rcpvtnammcm;

2 KORINTIANGKVDVNG 5:21

Ngoluk lcgangc Bv Bvm pa:p kancpc imoto sc:kobv pa:bcm kintoma:ji, odomvlo jen Bvkkolo ngolu Ru:ncpvnckc dormokancpc iycpc.

GALATIANG KVDVNG 3:28

Jiwucba: Girikko odo kamang, pagbokoba: motunamko kamang, milbongkoba: nc:vgko kamang; kapila:nc nolu appvngc Kristo Jisukolo akkongc.

PILIPIANG KVDVNG 3:15

Kajc cdcmpila ngolu sc:kobulu mc:jv:suka:bo:ji mc:tvlai, odokkc nolu atvko jodi mc:lv:dag, Ru:ncpvncbv cdcmsin nolum lcngkanyc.

KOLOSIANG 1:28

Bvm ngolu lutadgo:bido, appvng tani:ycm lutadno:bila odokkc taycng among kinnam appvngki taniycm luyirbila, jen Kristokolo appvng tani:ycm jv:dopc mca:lvgyc.

KOLOSIANG 2:2

jc buluk asin kvdv:dcm pvtamodopc lusv:lvgycpc kapc bulu aipc lckopc mcngka:mvnsudagji, appvng mcngkinsakkindok mitc-mircm kvdv:dcm pa:pc odokkc Ru:ncpvnckc mcngapla:ma:nam kinnam agomdcm, Kristokcm,

KOLOSIANG 3:14

Odokkc odo appv:dokkcmyam aipc mc:namcm gctoka, okodc appvngcm lckopc aropakpc ogpumsudagji.

1 PITOR 5:10

Odokkc nolu adjio:ko ipusire:ycm pangge:la, appvng ayanglok Ru:ncpvncbv, sc:kobv nolum cdc Kristokc lo:dv longkvpc amin gvnamdo:pc gogtonc, Bv avdc mopvtyc, mogabyc, odokkc nolum kvnggv:moyc.

1 JO:N 1:3

Jc ngolu okodcm ka:tonc odokkc tattonc ngolu nolum lutadbidu:sin, odomvlo jen ngolukkokki ajon jonsunammcm jonsuycpc; odokkc ngoluk ajon jonsunamdc Abudokki odokkc Bvk Awo Jisu Kristokokki.

1 JO:N 3:1

Ka:toka kapinc aipc mc:namcm Abudc nolum bitonc, jc ngolum Ru:ncpvnckc ommang cmna gogto; odokkc cdcmv:pc ngolusin. Nolum rcngamsc kinma:namdok lcga:dc jc cdcbul Bvm kintomang.

1 JO:N 4:19

Ngolu aipc mc:dag, kapila:nc Bv ngolum aipc mc:po:to.

LUNGOR LUNAM 3:9

Ka:toka, ngo cdc kumko okumkvdv:dcm Satankcpc imoyc sc:kobv ludagji jc bulu Jiwu cmna lusudag cmpige:la Jiwumang, cmpige:la lume:ycm ludag–ka:toka, ngo bulum gva:moyc odokkc nok alc kcra:lo lcbvngcm tuma:moyc, odokkc kintoka jc ngo aipc mc:to.