JO:N 17:2 - ANU LUGOD N. T. (BSI)

² no Bvm rcngamsok appvng ru:namlok tayc:lo ila:sa:langcm kapc bitoji, turyarla turla du:namdcm bipc cmna cdc appv:dcm no Bvm bitoji.

JO:N 17:2 ပူးပေါင်းရင်းမြစ်များ

METIU 11:27

“Appvng attcm ngok Ba:bukokki ngokkolo:pc bitag; odokkc sc:kosin Ba:budcm kinmang Awodc:ma:mvlo odokkc akoncm sc:kom Awodc bvm lcngkanpc cmna balenna bama:mvlo.

METIU 25:46

Odokkc bulu lo:dvscm du:tvnc dcmke-mokekodo:pc gvyc, cmpige:la dormokanc kvdv:dc lo:dvscm du:tvnc turnamdo:pc gvyc.”

METIU 28:18

Odokkc Jisubv gva:la bulum luto, “Appvng ilang-gvlangcm taycngamo:to odokkc tani:amo:so ngom bitung.

JO:N 17:24

“Abba, ngo mc:dag jc bulusin, sc:kobulum no ngom bitonc, ngokkolo du:ycpc okolo ngo du:ycji, ngok amin gvnamcm ka:dopc okodcm nok ayangki ngom bitonc ngok lcgangc rcngamscm ru:sa:ma:dapc.

JO:N 17:6

“Ngo nok amincm lcngkanambitobong oko tani:kvdv:dcm no ngom mo:pvsokkcm bitu:ji; nokkolo bulu dunggai, odokkc no bulum ngom bitu:bong, odokkc bulu nok agomcm mcnggabto.

JO:N 17:9

“Ngo buluk lcgangc kumdung; ngo mo:pvsok lcgangc kummang cmpige:la cdc no ngom binamkvdv:dok lcgangongc, kapila:nc bulu nokkc;

JO:N 3:35

Abudc Awodcm aipc mc:dag, odokkc appvng attarcm Bvk alaglo bito.

JO:N 4:14

cmpige:la sc:kobvi ngok binam asidcm tv:ycnc, cdvlosin tv:lvngkuma:ycbong; ngok bvm binam asidc bvkkolo jili:pc iyc turyarla turnamdok appv:dc bidlentvla du:yc.”

JO:N 6:27

Yogpakpcnc donam tv:namdok lcgangc agercm geryoka, cmpige:la oko donamdc turyarla turnamdokkcpc du:tvdagnc odok lcga:pc ilangka, okodcm tani:kc Awodc nolum biycji; kapila:nc bvkkolo Abu Ru:ncpvncbv bvk muorcm tubjedlvgdag.”

JO:N 6:37

Abukc ngom binam appv:dc ngokkolo:pc gva:yc; odokkc ngokkolo:pc gva:ncdcm ngo cdvlosin mcnpakma:yc.

JO:N 6:39

odokkc scmpc Bvk mcngkamdc ngom sc:kobv mclvgtagnc, jc ngo cdc ngom binam appv:dcm akosin yogmopcma:nammc, cmpige:la du:tcr dungapdo la:sangam-kupcnammc.”

ROMANKVDVNG 6:23

Kapila:nc pa:bcm ila ircpa:namdc sinamc, cmpige:la Ru:ncpvnckc cpv:pc binam amandc ngoluk Ru:tum Kristo Jisukolo turyarla turnamdc.

1 KORINTIANG KVDVNG 15:25

Kapila:nc Bvk alcbo Bv miruappv:dcm sanggcmma:sisscm Bv migom dopa:ru:yc.

IPESIANG KVDVNG 1:20

okodcm Bv Kristokolo ipvttoji cdvlo Bv sikolokkcm Bvm turmotokuji odokkc Bvm Bvk lagbvk alag taycng dungkokvdv:do du:moto,

PILIPIANG KVDVNG 2:10

Jc Jisukc aminno appvng lcbvngc tuma:pa:do, taycngamo:to:lang mo:pvso odokkc mo:pvkcvgbo:sin,

1 TIMOTI: 1:16

Odokkc ngo papi:kvdv:dok pa:pkayangarncdc; cmpige:la ngo mc:yinsunam ayangcm odok lcgangc pa:to, jc ngokkolo, kayangarncpc ila, Jisu Kristobv Bvk pv:dannnc mentumsunamdcm kanggod akopc lcngkanpc ila cdc sc:kobulu cdcmbulum Bvm lo:dv longkcm turyarla turnamdok lcgangc mc:jvgpcnamcji.

HIBRIUKVDVNG 1:2

cmpige:la sc du:tcr longckvdv:so Bv ngolum Awo akokokki luto, sc:kom Bv appvng attarlo pangkonsuncpc tolvgtoji, sckkokki Bv Mo:pvscm ru:toji.

1 PITOR 3:22

Jisu Kristokc sikolokkc turkunammcmpc sc:kobv tayc:pc gvkangkuji odokkc taycng among lutad lunckvdv:dokki Ru:ncpvnckc lagbvk alakpc tedkang, ilang gvlangnc, odokkc tornamc Bvkkcpc ikang.

1 JO:N 1:2

cdc turnamlok gomugdok agomcm–turnamcm lendopc lcngkantagaji, odokkc ngolu cdcm ka:begto, odokkc cdcm lukanbito, odokkc nolum lo:dv-longkvpc du:nc turnamdcm lukanna lubito odokkc ngolum lendopc lcngkantoji.

1 JO:N 2:25

Odokkc cdcna okodcm Bv ngolum pesubitonc, lo:dvnscm du:tvnc turnamdc.

1 JO:N 5:20

Odokkc ngolu kindag jc Ru:ncpvnckc Awodc gvka odokkc ngolum mcngkinsunamcm sc:kobv arroji Bvm kindopc bito; odokkc ngolu Bvkkolo dung sc:kobv arroji, Bvk Awo Jisu Kristokolo. Sc:na aro Ru:ncpvncdc odokkc lo:dv longkvpc turra du:namdc.

JU:D 1:21

nolu avyc Ru:ncpvnckc aipc mc:namlo du:sulangka; Ru:tum Jisu Kristokc lo:dcm du:tvnc turnamdcm pa:ma:dodo:pc toya:la du:langka.