JO:N 16:7 - ANU LUGOD N. T. (BSI)

⁷ Cdcmpidaggom imanggom ngo nolum lubidung: Cdc nolukkcpc idag jc ngo gvdagku, kapila:nc ngo gvkumvlo, Luyirncdc nolukkolo:pc gvyc; cmpige:la ngo gvkumvlo, Bvm ngo nolukkolo:pc mclvgbiyc.

JO:N 16:7 ပူးပေါင်းရင်းမြစ်များ

LU:KKC 24:49

Odokkc ka:toka, ngo ngok Ba:bukc pesula lunamcm nolukkolo tolvgdung; cmpige:la sc nogorso du:tedpo:toka, nolum tayc:tokkc ilang gvla:nanncm moru:lvgma:sisscm.”

LU:KKC 4:25

“Ckvdaggom aropakpc, ngo nolum lubidung, Elija:kc du:dodcm bojcrungko tumbo nc:ngc Israeldo dungai, do:mvrtc dv:tag awumkolang po:lo pvkcngko cdvlo pcdongc otoma:nc, cdvlo among appv:do bottaru:nc dopa:tv:pa:ma:pc ika:nc;

LU:KKC 9:27

Cmpige:la ngo nolum aroru:pc lubidung, sc akke dagla dung sc:kobulu Ru:ncpvnckc migom doko amo:dcm ka:begma:sisscm sima:yc.”

JO:N 14:26

Cmpige:la cdc Luyirncdc, Angunnc Yalodc, sc:kom cdc Abudc ngok aminno mclvgycnc, bv nolum appvng agom luyiryc, odokkc ngok lunam agom appv:dcm nolum mc:pangammoycku.

JO:N 14:28

Nolu ngom ludopc lunamdcm tattobong, ‘Ngo gvdakkubong, odokkc ngo nolukkolo:pc gvycku.’ Nolu ngom aipc mc:mvlo, nolu mc:poya:pc, kapila:nc ngo Abukoto:pc gvdakku; kapila:nc Abudc ngomyam bottaya:nc.

JO:N 14:3

odokkc cdvlo ngo gvlangkula noluk lcgangc dungkoko mosv:yckumvlo, ngo lckoda gvlatycku odokkc ngo nolum ngokkolo:pc la:rvgsuycku, ngo okolo du:yckunc nolusin odo du:yckupc.

JO:N 15:26

“Cmpige:la cdvlo Luyirncdc gviycnc, sc:kom ngo nolukkolo:pc Abukodokkc mclvgycnc, cdc arodok Yalodcmcina, sc:kobv Abudokkc gvlendagnc, Bv ngok agomcm lukanbiycpc;

JO:N 16:8

Odokkc cdvlo Bv gvycnc, Bv rcngamscm pa:p agomcm mcjvgmoyc odokkc dormopc du:namcmcmnang kcba:ba:nam agomcm:

JO:N 7:39

Cdcmpc Bv cdcm Yalodok agomcm luto, sc:kobulu Bvm mc:jvgdagnc torvgsupcnammai; kapila:nc Yalodcm odosin bimangada, lcga:dc Jisumc odosin amin gvmomangada.

AGER KVDVNG 10:34

Odo Pitorbv bvk nappangcm kosa:la luto: “Aroru:pc Ngo ludungkc Ru:ncpvncbv atckpc ka:namcm ka:mang,

AGER KVDVNG 2:33

Cdcmpila Ru:ncpvnckc lagbvg alakdo:pc la:sa:langkula:yam, odokkc Abudokkcm Angunnc Yalodok pesubinamdcm pa:la:yam, Bv scm to:lvgtag okodcm nolu ka:begdu:nc odokkc tadbegdu:nc.

ROMANKVDVNG 8:28

Ngolu kindag jc appv:lo Ru:ncpvncbv ainam lcgangc agercm gerdag sc:kobulu Bvm aipc mc:dagji, sc:kobulu Bvk mcngkamppc gogtagji.

2 KORINTIANGKVDVNG 4:17

Kapila:nc sc adji:oko vgcmpc ipusire: pa:namsc ngolum cdvlosin yogma:nc bottcru:nc amin gvnclo:pc mosv:dung okkomsin luyv:sunam kama:pc.