JO:N 16:33 - ANU LUGOD N. T. (BSI)

³³ Ngo scm nolum lubitu:bong, ngokkolo mc:pomcnganc nolukkcjen du:ycpc. Rcngamso nolukkc kvnggv:pc mc:dvrc dung; ckvdaggom aipc mc:potoka, ngo rcngamscm mopvto.”

JO:N 16:33 ပူးပေါင်းရင်းမြစ်များ

JO:N 14:27

“Mc:po-mcngancm ngo nolum lc:bidung; ngok mc:pom ngo nolum lc:bitung; mo:pvsok bikampc ngo nolum bimang. Noluk asinkvdv:dcm mc:pin-mcngoksuyoka, cdcmpcmanggom pcsomoyoka.

1 JO:N 5:4

Kapcnc okodci Ru:ncpvnckolokkc lenncnc rcngamscm mopvla:dag; odokkc cdcna rcngamscm mopvnamdc, ngoluk mc:jvgdc.

2 TISSALONIANG 3:16

Su:pak mcngandok Ru:tumbv avdc nolum mcngancm lo:dv ayirlo appv:lo bika:langka. Ru:tumbv noluk appv:lo dungka:langka.

1 JO:N 4:4

Ameo:nc ommangkvdvnga, nolu Ru:ncpvnckc, odokkc cdcmbulum mopvtobong; kapcnc nolukkolo sc:kobv du:nc rcngamso sc:kobv du:ji cdcm bottcya:dag.

PILIPIANG KVDVNG 4:7

Odokkc Ru:ncpvnckc mcngandc, okodc appvng mcngkinammcm gvkurra gvdagnc, noluk asincmnang noluk mc:namcm Kristo Jisukolo lc:ycpc.

1 PITOR 5:9

Bvm morasutoka, noluk mc:jvglo kvnggv:tarv:la, kinsula jc cdc ipusire: ikv-kangkvnamkvdv:dcm rcngam appv:so noluk bvrra:pc mc:namdo madag.

JO:N 14:1

“Noluk asinkvdv:dcm mc:pinmcngoksuyoka; Ru:tummc mc:jvgtoka, ngomsin mc:jvgtoka.

2 TIMOTI 3:12

Aropakpci sc:ko dormokanc turnamko Kristo Jisukolo turycnc ipusire:ycm pa:yc,

AGER KVDVNG 14:22

agom tadjvgla gvmvnnc kvdv:dok yalokvdv:dcm kvnggv:mola, bulum mc:jvgnamlo du:tvdopc luyir luyirla, odokkc kvnggv:pc mc:namsagnamkipak ngolu Ru:ncpvnckc migom doko mo:pvdo:pc gva:rungkupcnammc cmna.

LUNGOR LUNAM 3:21

Sc:kobv mopvdonc, ngo bvm ngok migom dungkodo du:mvndopc du:mvnmoyc, kapc ngo avycsin mopvtoji odokkc ngok Abudokki bvk migom dungkodo teddoji.

HIBRIUKVDVNG 11:25

cdcyam Ru:ncpvnckc tani:kvdv:dok lcdulo aisi:ma:pc ipusire:namdcmci aipc tolvgsuto dc:pakla gvnc pa:plok mc:ponamdcm imangvmannamdcmyam.

LUNGOR LUNAM 7:14

Ngo bvm lubito, “Mcnggcnamma, no kindag.” Odokkc bv ngom luto. “Sc:bulu cdcbulu sc:kobulu cdc bottcru:nc du:g gvnamdokkc gvlennc kvdv:dc; buluk migom gcnam rvbvkvdv:dcm nvpu:to odokkc Me:r Awodok i:do cdcmbulum kampodopc imoto.

1 TISSALONIANG 3:7

ngolu kapc nolum ka:lv:dagji–sok lcga:sok, bvrokvdvnga, ngoluk appvng dungkoycko kamangkolo, du:g gvnamlo odokkc asin mc:dvrro ngolum nolukkokki noluk mc:jvgkokki mc:pomoto;

LUNGOR LUNAM 12:11

Odokkc bulu bvm Awo Me:rdok i:dokki bulu mopvto odokkc buluk lukan lubinam agomkvdv:dokki, kapcnc bulu buluk turnam kvdv:dcm sidodo:pci aipc mc:tomang.

KOLOSIANG 1:20

Odokkc Bvkkokki appvng attarcm lckomolv:dagku, mo:pvso:daggom cdcmanggom taycngamo:to, Bvk Kurusdok i:dokki mcnganmola.

2 KORINTIANGKVDVNG 1:3

Ngoluk Ru:tum Jisu Kristokc Ru:ncpvncbv odokkc Abudc akhirba:d pa:ncpc ika:langka, aya:lok Abudc odokkc appvng ni:namlok Ru:ncpvncdc,

2 KORINTIANGKVDVNG 13:11

Lungapdoso, bvrokvdvnga, cdcbong. Noluk lambckvdvdcm mosv:toka, ngok lunamkvdv:scm tadgapla ansutoka, akonc akoncm tadmvnsutoka, mcnganna du:la:daglangka, odokkc aya:nclang mcngannclok Ru:ncpvncbv noluk lcdulo du:ycpc.

1 TISSALONIANG 3:4

Kapila:nc cdvlo ngolu noluk lcdulo dunganc, ngolu po:pcbong nolum luka jc ngolu ipusire:ycm pa:pcnammc; kappar cdc cdcmpc ika:ji, odokkc kapc nolu kindagji.

GALATIANG KVDVNG 6:14

Ckvdaggom Ru:tum Jisu Kristokc Kurusdokma:pc ngokkolokkc cdc amin gvnamdc mo:tcngka:langka, odokkci rcngamscm ngokkcpc Kurusdo lvgto, odokkc ngo rcngamsokkcpc.

2 KORINTIANGKVDVNG 7:4

Ngokkc bottcru:nc bottcpc mc:sunammc nolukkolo dung; ngo mc:po mcnganc bi:dung. Ngolum ipusire: idag appv:lo, ngolu mc:pobadsudung.

AGER KVDVNG 27:25

Cdcmpidag, ansutoka tani:kvdvnga, kapila:nc ngokkc Ru:ncpvncmc mc:jvgc dung jc cdc ngom lukamardcmpc iyc.

GALATIANG KVDVNG 1:4

sc:kobv ngoluk pa:pkvdv:dok lcngangc avdcm tolvgsutoji ngolum aima:nc du:nam dv:takkvdv: sokkcm mopvtpc cmna, ngoluk Ru:ncpvnc odokkc Abudok mcngkampc;

AGER KVDVNG 9:31

Cdcmpila mondoli:dc Judiang appv:do odokkc Galildo odokkc Samaria do mc:pomcnganna dunggai odokkc mosa:tungai; odokkc Ru:tummc pcsola du:dungai odokkc Angunnc Yalodok aipc du:bonamki bojc bojcla gvdungai.

JO:N 12:31

Su:pak sc mo:pvsok kcbangcm ba:dung, su:pak sc mo:pvsok migom donckvdv:dcm la:pagamyc;

LU:KKC 2:14

“Appvngcm Oudaryangkoto Ru:ncsa:nckc Aipaiyc, odokkc, tani:amo:so Bvk aipc mc:lvgsunam tani:kvd:dok ara:lo mc:pomcnganc!”

AGER KVDVNG 27:22

Ngo nolum su:pak ludung mcnggabtoka; kapila:nc nolukkolokkc tani:yc yogma:yc, cmpige:la ja:j ollungo:dc yogyc.

LU:KKC 19:38

Taycng amo:to mc:pomcnganc odokkc taycngaryangkoto aipc aipaiyc ika:langka!”

AGER KVDVNG 23:11

Longkondok yumcdo Ru:tumbv bvk kcra:do dagkang odokkc luto, “Asinang Pvtatoka, kapila:nc Jerusalemdo kapc no ngom lukansubitonc, cdcmv:pc no Ro:mdo:sin lukanbipa:yc.”

HIBRIUKVDVNG 7:2

odokkc bvm Abrahambv appv:lok vyvngdok ornamko bito. Bv ipong gvpongarnc, bv amindcm angupc minnampc ila, dormokanclok migompc ila, odokkc odo bv Salemdoksin migompc ikang, cdcyam, mcngannok migomc.

JO:N 16:11

kcba: ba:nam agomcm, lcga:dc sc rcngamsok migom doncdcm kcbangcm ba:takbong.

METIU 9:2

Odokkc ka:toka, bulu bvkkolo:pc alc alag cngunna:ma:pc kinc tani:ko gva:boto, bvk asubdo kcdla du:ncko; odokkc Jisubv buluk mc:jvgnamdcm kangge:la alc alag cngunma:pc kinc tani:dcm luto, “Pcsoyok, awosa; nok pa:pkvdv:dcm mc:yinamsubitobong.”

2 KORINTIANGKVDVNG 2:14

Cmpige:la Ru:ncpvncbv aipai pangka:langka, sc:kobv ngolum lo:dvscm Kristokokki mopvla mc:modagji, odokkc ngolukkokki Bvk kinnamlo nampodcm appv:lo:pc mcgo:lvgdag.

2 KORINTIANGKVDVNG 4:7

Cmpige:la ngoluk sc lcngkumnam murko:sc among lcnggcng kvdv:l dung, cdcm lcngkanpc jc appvngcm bottaya:nc ilang gvla:dc Ru:ncpvnckc odokkc ngolukkcmang.

2 KORINTIANGKVDVNG 6:4

Ckvdaggom Ru:ncpvnckc ager gerncpc ngolu avyc avycm appvng lambclo aidopc lusudo: kvnggv:pc mcnga:sula.

1 JO:N 2:13

Ngo nolukkolo:pc addung, abukvdvnga, lcga:dc nolu Bvm kindag sc:kobv lendoa:do dokkcbong du:ji. Ngo nolukkolo:pc addung, ya:me:kvdvnga, lcga:dc nolu aima:ncdcm mopvto. Ngo nolukkolo:pc addung, ko:kangkvdvnga, lcga:dc nolu Abudcm kindag.